امثله حجازيه

[~ بنت النيل ~]

يتميز اهل الحجاز بكثير من المميزات الجميله .. وتعتبر اللهجه الحجازيه من اجمل اللهجات بشهادة كثير من العرب ... وهنا انقل لكم بعض الأمثلة ..


عقله زي الكيلون كلمة توديه وكلمة تجيبه ( يستخدم المثال للتعبير عن الشخص الذي يُتحكم به غالباً من قبل الزوجه!!!..)


القدر قال للمغرفة ياسودة و معجرفة قالت كلنا اولاد مطبخ ( يستخدم في حالة إثبات الذات )


زي بغل الطاحون لا عافية و لا نظر ( غشيم ومتعافي ..)


سوي طيب وارميه في بحر جاري ان ضاع عند العبد مايضيع عند الباري ( طبعاً هذي تعتبرها حكمه ..)


لا من خيره اعطاني و لا من شره كفاني .... (مشكله والله بجد)


و حياة خالقك ماني مفارقك مو محبة فيك بس عشان اضايقك .... ( بلله عليك ..شوف بس كيف النذالة.. )


ارسل مرسول ولا ترسل فلوس.... ( طبعاً هذي القرحطه .. لما يكون واحد قرحوطي<< بخيل )


قال يا حلاق شعري ابيض ولا اسود؟ قال دحين ينزل قدامك و تشوفه ( طيب قولو لون شعره ... إيش !!! ليش النزاره ) بس بصراحه في احد مايعرف لون شعره


قالوا لفرعون ايش فرعنك قال ما لقيت احد يردني ... ( صحيح)


خنفسانة شافت بزورتها عالحيط قالت ياعمري لولو في خيط .... ( بس هاذي .. والله خطيره )


يبغى يعرف القار و القرير.. والبيضة كيف تصير... ( صراحه الحق معاه .. اللقافه مالها داعي )


زي يوم الشتا قصير و نكد.... ( حتى الفصول الاربع نستخدمها في امثلتنا )


أعمى قال للأطرش خلينا نشوفك.... ( لا حول ولا قوة الا بالله )


الباب مفتوح و الصدر مشروح و اللي يجي يجي واللي يروح يروح.... ( بس خلاص بعد عنه .. الراجل زاهد.. لأبعد الحدود )


اللي عنده قرش محيره يشتري حمام و يطيره .... ( يستخدم في الحجاز ومصر . )


اللي ما عنده شي يشغله يفتح الباب و يقفله .... ( يعني ما يلقى غير الباب يفتح ويصك فيه )


زي الحلاق يضحك على الاقرع بطقطقة المقص.... (هيا خُد.. والله تهاويل امثلتنا )


زي القنفذ لاينحضن ولاينباس..... ( ضع التعليق المناسب )


زي أباريق المسجد كل واحد شكل..... ( إحنا نقول ... زي دجاج فقيه .. كلها واحد)


زي قبور اليهود بياض و قلة رحمة ..... ( ضع التعليق المناسب )


زي كلاب الازقة يعضوا عالماشي .... ( من الضيم إلي شافه)


وقت الكباب صكوا الباب... و وقت الملوخية اجمعوا الاهلية... ( يناس الطفاسه ... ليه كده)


حبيبك يبلع لك الزلط وعدوك يعد لك الغلط ...... ( يله ممكن نعتبرها حكمه )


كل حبة مسوسة لها كيال أعور ........ ( أعور .. أعور..مشيها يسيدي )


مين داري عنّك ياللي في الظلام تغمز.. ( ياساتر )


طاعة النسوان ندامة....... ( حقوق المرأة فين ...)


عقربة في الغار ولا ضرة في الدار ...... ( بدون تعليق)


اللي يشوفني بعين اشوفوا باتنين....... ( بس مستعدين للمهاوشه)


اللي ماله أم حاله يغم .. ( يعيني عليك يا حزايني )


كنس بيتك ورشوا ما تدري من يخشوا....... ( تمام ... النظافه من الإيمان )


إذا حلقوا لغيرك بلّ راسك واستنى .... ( تهاوويل )


البيض الفاسد يدحرج على بعضه... ( برضو مقبوله ... حكمه )


بعد ما أكل واتكا قال اكلكم فيه مستكا.... ( احمد ربك )


حاجة ما تهمك وصي عليها جوز أمك... ( ضع التعليق المناسب )


ست وجاريتين على قلي بيضتين (.يستخدم عندما يجتمع كثير من الاشخاص لعمل شيء بسيط وما يستاهل )


خشوني لا تنسوني (يستخدم عندما يرغب شخص بشيء معين....ومحد معطيه وجه)


عمية تحفف مجنونة وتقولها حواجبك سودا ومقرونة... ( الله اكبر )


البيضة ما تداقش حجر.... ( يستخدم للإحباط )


أكلوا الملوخية وصاروا افندية... ( يالطيف..... )


لما كنا ما كانوا ولمن رقدنا قاموا... ( يعني بس انتو صلى الله )


قالوا متى طلعت القصر قالوا أمس في العصر.... ( طيب ليش تكسير المجاديف )

هو طبعا منقول

بس فيها امثال مصريه كتير
:17:

 

[طعس وغدير]

قالوا لفرعون ايش فرعنك قال ما لقيت احد يردني ... ( صحيح)


وبعطيك واحد بعد

" ماكنست بيتها راحت تكنس بيت الجيران "


يعطيك العافيه
طعس وغدير

 

[ندى الورد]

تشكراااااااااااااااااات تاتى

 

[~ بنت النيل ~]

قالوا لفرعون ايش فرعنك قال ما لقيت احد يردني ... ( صحيح)


وبعطيك واحد بعد

" ماكنست بيتها راحت تكنس بيت الجيران "


يعطيك العافيه
طعس وغدير

شكرا لكى طعس وغدير​

 

[~ بنت النيل ~]

تشكراااااااااااااااااات تاتى

ندى الورد
شكرا لكى​