[إستفسار] عن اختبار الذكاء فى سن 3 سنوات

[زهرة برية]

السلام عليكم يا اجمل ناس
ربنا يبارك لكم فى اطفالكم الحلوين يارب
ويشفيهم ويعافيهم
اللهم امين

لو سمحتم كان عندى استفسار عن موضوع اختبار الذكاء
ناس كتير قالولى ان افضل سن للاختبار هو 3 سنوات
ومنهم استاذ محمد يسرى جزاه الله كل خير

دلوقتى سيف عمره سنتين و 8 شهور
يعنى قرب ع ال3 سنوات

وبصراحة انا بعمل معاه تدريبات كتير اوى
والحمد لله هو بيتقن كتير منها وساعات طبعا بيغلبنى وبيعاند ومش بيرضى
واكتر شئ مش بيحبه المكعبات
مش بيرضى خالص يلعبها بس بيركب اتنين بالعافية
وحاجات تانية مش بيتقنها اوى

وهو زى ما حضارتكم عارفين
مش عايز يتجاوب مع اى اخصائية خالص ولا يلعب معاها
لعقد ومشاكل فاتت

فأنا عايزة اعرف ايه الاختبار اللى بيتعمل للطفل فى سن 3 سنوات
بحيث انى اركز مع سيف عليهم

وعندى سؤال تانى
هو ان مثلا لو الطفل بيعرف حاجات كتير ومستوى ذكائه كويس وملحوظ
فى الحياة العامة
وماعرفش يحل اختبار الذكاء اللى بيعتمد على تركيب ادوات
كده يبقى تقييمه ايه؟

معلش انا اسئلتى كتير شوية
بس ياريت بجد حد يفيدنى وقريب ان شاء الله حنزل موضوع عن اخر تطورات سيف
وحنتظر تقييمكم

جزاكم الله كل خير

 

[القبطان عادل]

رد: عن اختبار الذكاء فى سن 3 سنوات

اختى الكريمة
اختبار الذكاء صح فى عمر 3 سنوات
فى اى مركز بيعمل اختبار الذكاء
عندهم اسئلة وانت تجوبى عليها
زى اية الاشياء اللى يعرفها ابنك
بيعرف الالوان بيعرف اخواتة بيعرف يقزل كلمة من حرفين اوجملة من حرفين
على العموم هم فى المركز معهم ورقة فيها الاسئلة
بالتوفيق ان شاء الله

 

[زهرة برية]

رد: عن اختبار الذكاء فى سن 3 سنوات

ميرسى جدا قبطان عادل
على رد حضرتك

جزاك الله كل خير
بس كنت عايزة اعرف ايه هى نوعية الالعاب اللى بيخلوه يلعبها هناك
ياريت لو حد يعرف

 

[القبطان عادل]

رد: عن اختبار الذكاء فى سن 3 سنوات

الاعاب هى
كروت البازل وكرون فيها صور حيونات صور الوان كروت صور فواكة
حجات زى كدة
ومش كل المراكز زى بعض

 

[زهرة برية]

رد: عن اختبار الذكاء فى سن 3 سنوات

اوك
ربنا يسهل وامرنه اكتر عليهم هو عارف كتير منهم الحمد لله

متشكرة جدا لحضرتك
جزاك الله كل خير