أنا الشاكي انا الباكي انا الحساس

[إرادتي اقوى]

:7:
ايه كنت قبل دوم اشكي وابكي على حالي وحساس حيل ولكن الحين ويا روحي عال العال مهما قلت ومهما عبرت لا اقوى على وصف التغير الكبير الي حصل بحياتي
اجل شنو ابي من ورى ها الكلام :17: انت ايه انت يالي تقرأ حروفي ابيك تقرأ هالابيات الي قراتها واعجبتني وحسيت انها توصف كل الي بداخلي وعشان عيونك الحلوه
تفداك كل الحروف الحين اقرأ هذه الرائعه التي نقلتها لكم من احدى المنتديات وحاول تغير حياتك

لا تشتكي حآالك على كل من جاك
بعض البشر يفرح الى قلت مهموم​

يخفي سمومه بين همك وشكواك
يشمت بحالك والحصيله شقا ولوم​

واحذر من اللي ينقل الهرج لعداك
يظهر لك الطيب وهو منه معدوم​

قلبه مريض ويخلط السم بدواك
يعرض عليك الراي والراي مسموم​

وابعد عن اللي يستغلك الى جاك
تلقاه دايم بين الأخيار مذموم​

احسب حسابك في كلامك ومعناك
وسط المجالس كل ما ادليت بعلوم​

خل سمعك اكثر من كلامك وفتواك
تلقى القدر يمكن من الناس ملزوم​

ولا تذكر افعالك بما تجود يمناك
عنك الولي يدري ولك الخير مقسوم​

وخلك مع اللي يشتكي لك وينخاك
بك ينتخي من ضنك الأيام وهموم​

خذها وصيه تسعدك دوم دنياك
واحفظ معانيها تحفظك من اللوم​

 

[يحيى]

رد: أنا الشاكي انا الباكي انا الحساس

كلمات جميله
الله يعطيك العافيه ارادتي قويه

 

[دمعة عمر]

رد: أنا الشاكي انا الباكي انا الحساس

كلام جميل
يعطيك العافية​

 

[بنت التحدي]

رد: أنا الشاكي انا الباكي انا الحساس

واحذر من اللي ينقل الهرج لعداك
يظهر لك الطيب وهو منه معدوم​

قلبه مريض ويخلط السم بدواك
يعرض عليك الراي والراي مسموم
كلام جميل
يسلمووووووووووو​

 

[التائبه لله]

رد: أنا الشاكي انا الباكي انا الحساس

كلمات وابيات ونقل رائع لانها فعلآ هذا هو حالنا بين الناس
نحسبهم احبه واصديقاء ولكن في الحقيقه الله اعلم بقلوبهم
الله يعطيك الصحه والعافيه اخوي الكريم ارادتي قويه وربنا يقويك بدينك وايمانك
http://www.althkra.net/pic/ep/a5.gif