قصتي ومعاناتي

[ام نايف]

السلام عليكم والرحمه..

كيفكم حبايبي .. اتمنى تكونون بأفضل حال ..

والله اكتب لكم ودمعتي ع خدي ماادري وش اقول غير الحمدلله والشكر ع هذه النعمه والله ثم والله اني احس بتعب
تعب مو طبيعي اليكم قصتي بالتفصيل
نايف عمره 3 سنوات و7 شهور من انجبته وهو كله بالمستشفى يالتهاب بصدره والا اسهال اكرمكم الله ماادري من شنو
المستشفيات دايم يقولون مافي شي والا فطريات تعبت كثير ومراحل نموه كانت متأخره بكل شي من جلوس ومشي وكل شي
جربت انواع كثييييره من الحليب ولم يتبقى شي من الصيدليه الا واستخدمته انا كل الانواع والا مشى معاه حليب الصويا ماكنت اعرف انه للاناث
وكان حاله احسن ولله الحمد مع الايام صرت اشوف نايف كله عند التلفزيون ومايبغى غيره ويرفرف كثير يدور الاشياء مثل اكواب الشاي
او عجلات السيارا خفت عليه وصرت اخذه من عياده لعياده وكلهم يقولون عادي وماكنت اعرف شي انا عمري 18 سنه وماافهم ولاشي
ومع الايام صرت اخذه مرتين بالاسبوع مركز ليدرك الاشياء ويفهم ولا يفهم منها شي كلها ربع ساعه او نصف ساعه واطلع ولايفهم شي
المهم وكبر نايف مع انه ياكل والحمدلله ويشسرب بس حجمه صغييير مرااا من كثرة الاسهال ويفهم اقول له نايف نروح يجي والا يعطيني جزمته يعني نطلع
والا يبغى اكل يجيبه ويقول لي نانا والا اقول له ماما يقولي بابا واذا قلت له يالله سلم على جدا يقوم يبوسها
عدت الايام والكل يقولي لازم تدخلينه مدرسه عشان يكبر ويفهم ومدري شنو المهم مع دخولي في هالنتدى جلست اقرى واشوف ان معضم الامهات نفس
حالتي مع طفلي مو بس انا وجلست ابحث واشوف واول قررت اني اسوي له حميه والحمدلله سويتها وقررت بعدها اخذه لدكتوره عبير عوض وسألت بعض الامهات
واستخرت والحمدلله ذهبت الى الكويت وشفت الدكتوره عبير ويوم شافته قالت ماعنده توحد عنده تأخر نمائي شامل وعطتني ادويه كثيره اللي هي فيتامينات واجرت لنا بعض
التحاليل وقالت انها بترد علينا بالايميل ولحد الحين ماجات التحاليل..
ورجعت السعوديه واول مارجعت اصاب نايف بااسهال شديد واستخدمت الفيتامينات اللتي اعطتني اياها الدكتوره عبير
واخذته الى المستشفى وعمل له تحليل قالو جرثومه وفطريات وصف لي مضاد وتنظيف للامعاء يوم رحنا الكويت وزنه 11 ويوم جاه الاسهال صار 9 والله كأن عمره سنتين
وكلمت الدكتوره عبير وقلت لها قالت الجو ملوث ومن هالحكي وخلص العلاج وقالت وقفي الفيتامينات وارجعي لها بعد مايخلص الدوا والحمدلله وقف اسهال وصار زين
وخلصت الدوا ورجعت للفيتامينات ومع استخدامي للفيتامينات رجع الاسهال ودقيت عليها وقالت لي وقفيهم واستخدمي للفطريات وهذا انا عليه
وقالت لي الدكتوره لازم يدخل مركز من الان وسجلت نايف بمركز وكنت قبل اسافر الكويت ادور له ع مركز وبعد بحث وتعب دخلته كنت اعطيهم نايف وقلبي احسه بيوقف
اخاف عليه كثير ويوم اسجله اقنعتني الدكتوره اللي هناك انهم راح ينتبهون عليه ومااخاف ومن هالحكي وصرت ادق اسأل عنه وهم يكتبون لي كل شي عنه ورابع يوم لقيت بصدره خدووش كثيره وقلت يمكن هو كان يحك واذى نفسه واليوم لقيت بأذنه عضه والله جلست ابكي ماعرفت وش اسوي اخته تقولي ماما ليه تودينه عشان يضربونه والله احس
نفسيتي تعبانه من اشوف حالته والله اتعب كل يوم اكثر مااروح ولااجي عند احد دايم احس نفسي مكتومه وتعبانه الله يشفي كل مريض
اللي عنده اي نصيحه تكفون لا تحرموني والله ابيكم تنصحوني لاني محتاجه لكم وبقوه اسفه طولت عليكم واسمحو لي

والله يشفي كل مريض يارب ويشفي عيالكم ويجزيكم الله الف خير

اختكم ام نايف

 

[بنت التحدي]

رد: قصتي ومعاناتي

ربي يشفي نايف يا ام نايف وربي يعطيك الصحة والعافيه لتستطيعي الوقوف بجانبه ومراعاته
اتمنى من باقي الاعضاء المتخصصين ارشادك بالنسبه لنايف
ولكن من وجهة نظري لا بد ان يذهب نايف لللمركز من اجل علاجه واكتساب مهارات اجتماعيه بدل ما يبقى بالبيت
يسلمووووووووووووووووو على مشاركتك لناااااااااااااااا قصة نايف
احراااااااااااامي

 

[ام شريف]

رد: قصتي ومعاناتي

ربنا يشفيه ويعافيه وتفرحى بيه

 

[قمر]

رد: قصتي ومعاناتي

الله يشافي نايف وربي يعافية وتفرحي فية يارب

انا لا افضل انك تحطية بمركز وتتركية لانك متدري شوى يصير عندهم مستحيل فية زي الام والاب بلحنان

نايف يحتاج توجيه منك مكثف وتعليم

ادخلية مركز نهاري يذهب مع الطلاب ويرجع في الظهر

جلس معة كل يوم اقل شي نصف ساعة علمية ترى مفية زي الام

انا اعاني مع ابني قسم باالله عند كان عمرة ثلاث سنوات واربع احسة ميفهم ابدا

لكن عمرة سبعةسنوات وشوية احسة اتحسن بلفهم وتركيز

لاتنسي الدعاء والرقية الشرعية وربك شافي

 

[القلب الحنون]

رد: قصتي ومعاناتي

غاليتي ام نائف

لا اعرف باي منطقة انتي

ولا اتصور انه في مركز يهمل الطفل بهالشكل

ضروري تروحي معه وتوريهم الخدوش اللي بابنك

انتي اكيد تعرفين ابنك هل هو من النوع اللي يؤذي حاله

ضروري تذهبي فجاءة للمركز وتشوفين شو يعملون مع ابنك

اما من ناحية الاسهال ما عندي خلفيه عنها ممكن يردون احد من الاخوات اللي استخدموا علاجات لابنائهم

طمنينا عنك دوما

وكوني قويه ابنك محتاج لك

شفاه الله وعافاه

 

[أم حنيفة]

رد: قصتي ومعاناتي

اعانك الله و قواك واقر عينك بشفاء ابنك امين
اختي ام نايف تكلمي مع المركز و اخبريهم بما حصل لابنك عندهم حتى ينتبهوا اكثر
بالنسبة للاسهال اعملي له حمية ضد الاسهال وقفي عنه الدهنيات و اكثري من اطعامه الارز و البطاطا المسلوقة و الجزر و الموز و لا تعطيه الفواكه و الخضر التي تحتوي على فيتامين c مثل البرتقال و الليمون و الفلفل الاخضر و ابحثي في النت عليها و اشربيه سوائل كثيرة و خصوصا شايات الاعشاب و جربي له ثوم كحمالة في فتحة الشرج خذي سن ثوم صغير و دفيه و ضعيه له في فتحة الشرج يفيد في حالة الاسهال
اتمنى له الشفاء العاجل ان شاء الله تعالى و اطلب من العلي القدير ان يمن عليك بالصبر و القوة

 

[صمت اللياالي]

رد: قصتي ومعاناتي

اسال الله العظيم ان يشفيه عاجلا غير اجل يارب العالمين

 

[ام نايف]

رد: قصتي ومعاناتي

الله يجزي كل من دخل هالموضوع الجنه ويشفي كل مريض لها يارب

جزاكم الله الف خير وواسعدني تواجدكم

وسوف اعمل طريقة ام حنييفه واجرب جزاك الله الف خير حبيبتي

ام نايف

 

[ام المتوحد]

رد: قصتي ومعاناتي

اختي الله يشفيه ويعافيه لا تخلينه بالبيت اطفالنا ضروري يختلطون حتى يتحسنون من الناحية الاجتماعية لكن تابعيه وبلغي استاذة باي شيء تشوفينه حتى تنتبه والافضل تبحثين عن مركز افضل اذا تكررت الحوادث بس باقول شيء الاطفال العاديين ما ينضربون طبيعي يمر بهالاشياء بسبب الاحتكاك مع الاولاد بس لا يصير ضرب مؤذي اما الاسهال ما عندي فكرة هل عملتيله تحليل حساسية للاطعمة يمكن يتحسس من اكل معين جربي تستبعدين نوع من الطعام كل مرة ولاحظي اذا يتحسن.

 

[تعب !]

رد: قصتي ومعاناتي

انا مع الاخوات في اللي يقولونه مركز نهاري وأسالي عن الكويس وسوي زيارات فجاءة لهم .. بالنسبه للاسهال انا بنتي العكس كان معها امساك شديد بس بعد الحميه تغير

الله يعينك ويعينا ..واستودعيه ربك قبل لايروح لهم

 

[أم متحدية]

رد: قصتي ومعاناتي

السلام عليكم

اختى العزيزة انا مريت ولا زلت أمر بنفس مشكلتك المراكز بالسعودية بكل أسف مضرة جدااااااااااااااااا ولا تنفع الطفل بالمرة واسوا من ذلك فابنى اول ما ذهب للمركز قسما بالله كان يذهب للحمام اكرمكم الله بمفرده والصدمة كانت لما يرجع من الحضانة اجده يرتدى حفاظ واصرخ فيهم لماذا الحفاظ ابنى لله الحمد من مميزاته انه يغتمد على نفسه فى الحمام ويتحكم به ولا توجد عنده مشكله ولا اجد ردج شافى حسبى الله ونعم الوكيل وكل شئ قيسى على نفس المستوى من الاستهتار واللامبالاه بعمر هؤلاء الاطفال الذين يحتاجون الى شغل من نار كى لا يضيع عمرهم هباءا بالاضافة ان المراكز تعمل من ساعتين الى ثلاث ساعات باليوم فما هذا الاستهتار هؤلاء الاطفال بحاجة الى عدد ساعات كافى يتقسم ما بين العمل والاجتماعيات واللعب والاكل فهل ساعتين باليوم تكفى لاى شئ لا والمخذل بالموضوع ان هاتين الساعتين بمبالغ طااااااائلة وكانهم سوف يسحرونه والنتيجة خراب على الاولاد وضياع عمر الاولاد

اسفة للاطالة لكن اختى الكريمة انسى موضوع المراكز فهى كما قالت اختى ام اسومى عدممممممممممممم لا فائدة منها حسبنا الله ونعم الوكيل

اللهم اشفى أولادنا واولاد المسلمين اجمعين

 

[الكشاف]

رد: قصتي ومعاناتي

حسب خبرتي المتواضعه

لا بد من تشخيصه تشخيص عضوي

وعمل تحليل الجاز جوماتوجرفي له بفرنسا

وعينة التحليل موجوده لدي من خلالها عرفين بالحقيقه ما يوجد بجسمه من ترسبات

هذا هو اول شي تقومين به

ومن ثم سأقوم بعرض التحليل مجانا لذوي اختصاص

وسنعلم ماهي مشكلتك

ولاكن يبقى التأهيل السلوكي اهم شي

لا تيأسي من تعليمه وتدريبه هما كان صعب

وابحثي له عن الألعاب التعليميه

واجعليه يشارك الأطفال

واعتقد ان سمات التوحد موجوده لديه

والله اعلم

 

[الكشاف]

رد: قصتي ومعاناتي

يمكنك طلب عبوة التحاليل من موقعهم

http://labbio.net

واعينات موجوده لدي ان كنتي من سكان الرياض

 

[ام نايف]

رد: قصتي ومعاناتي

يعطيييك الف عافيه يالكشاف وماقصرت

انا من الشرقيه

وكيف وايش التحليل بالضبط يعني غير عن تحليل الدكتوره عبير عوض اللي ارسلته؟

ممكن تشرح لي اكثر ونايف لديه سمات توحد

وكيف اطلبها منهم

اسفه ازعجتك والله يجزيك كل خير

ام نايف

 

[فرحتي الاولى]

رد: قصتي ومعاناتي

عزيزتي ام نايف كيف الحال وكيف نايف انشاء الله تمام برأيي انك ما تستعجلي وتطلعين نايف من المركز والافضل انك تروحي معاه وتكلمي استاذته لانه ربما يكون هناك احد من الاطفال الذين معه في الصف اذاه لذلك لابد من ذهابك حتى تنتبه المعلمه اكثر وحتى لا يتكرر الموقف وانا مع الكل انه لايوجد كحنان الام وخوفها على ولدها ولكن لابد له من ان يختلط مع الباقي واتوقع ان نايف ليس ابنك الوحيد فلديه اخوه لذلك مسؤلياتك راح تتوزع على الجميع وليست مركزه على نايف لوحده حتى لا تظلمي اخوته لذلك اعتقد انه لابد لك من احد يساعدك كالتحاقه بالمركز حتى يكتسب مهارات اخرى اضافه لما يكتسبه معك في البيت .. اسأل الله العلي القدير ان يشفي نايف واولادنا جميعا ..​

 

[ام نايف]

رد: قصتي ومعاناتي

انا الحمدلله بااحسن حال ولله الحممد انا ماراح اطلعه بس انا ضاق خلقي عليه انا مايقدر يتكلم ولايعرف وش

يصييير له انا دقيت ع المركز اليوم وقالت لي ماتدري من وين جاته العضه تقول يمكن قرصه من نحله او شي اخر

وان شاء الله ماايصير شي اخر له

يعطييك العافيه اختي وجزاك الله الف خير

ام نايف

 

[ام اسلام]

رد: قصتي ومعاناتي

عزيزتي ام نايف:
لوكان ابني يدرك بنفس المرحلة العمرية كابنك,فهذا ممتاز,ابنك جيد وبده شويه شغل.
جزد الاسهال المستمر,والوزن المنخفض,دليل على ضعف الامتصاص.
برايي ان تبقي مستمرة على البكتيريا النافعة لاصلاح ما يمكن اصلاحه,وان تستمري بشكل قوي على حمية الغذاء العضوي,وكله بالمنتدى موجود.
لاتقولي انا صغيرة ,لااعلم........فامامك النت,بطوله وعرضه ابحثي وتعلمي وتدربي,لان هذا الطفل امانة تسالي عنها يوم القيامه.
التدريب السلوكي,يبدأ من عندك وليس من المركز,فلا احد يهمه شئ غير النقود,فالولد بذانه عضة,وهو يقولو قرصة نحلة.!!!!!!!!
كيف اذا بتأمني عليه هناك؟؟المكتوب بينقرأ من عنوانه...وسلامتك

 

[انوشا]

رد: قصتي ومعاناتي

الله يعينك اختي انا اقول روحي المركز وقولي لهم ترا المراكز اذا شافوا الوحده مهتمه يهتمون بطفلها واذا شافوها ما تبالي يحقرونه يعني يخلونه انا انصحج انج تمسكين المدرسة وتبلغينها وكلمي الادارة يمكن اهمال من المدرسات واذا قالت هذه الخدوش من الطفل فلان او علنتان قولي لي لها الطفل المؤذي بعدوه عن الاطفال او كونوا حذرين لاي حركة يسوويها تري ان سكتي خلووووووه

 

[واحة الامل]

رد: قصتي ومعاناتي

السلام عليكم والرحمه..

كيفكم حبايبي .. اتمنى تكونون بأفضل حال ..

والله اكتب لكم ودمعتي ع خدي ماادري وش اقول غير الحمدلله والشكر ع هذه النعمه والله ثم والله اني احس بتعب
تعب مو طبيعي اليكم قصتي بالتفصيل
نايف عمره 3 سنوات و7 شهور من انجبته وهو كله بالمستشفى يالتهاب بصدره والا اسهال اكرمكم الله ماادري من شنو
المستشفيات دايم يقولون مافي شي والا فطريات تعبت كثير ومراحل نموه كانت متأخره بكل شي من جلوس ومشي وكل شي
جربت انواع كثييييره من الحليب ولم يتبقى شي من الصيدليه الا واستخدمته انا كل الانواع والا مشى معاه حليب الصويا ماكنت اعرف انه للاناث
وكان حاله احسن ولله الحمد مع الايام صرت اشوف نايف كله عند التلفزيون ومايبغى غيره ويرفرف كثير يدور الاشياء مثل اكواب الشاي
او عجلات السيارا خفت عليه وصرت اخذه من عياده لعياده وكلهم يقولون عادي وماكنت اعرف شي انا عمري 18 سنه وماافهم ولاشي
ومع الايام صرت اخذه مرتين بالاسبوع مركز ليدرك الاشياء ويفهم ولا يفهم منها شي كلها ربع ساعه او نصف ساعه واطلع ولايفهم شي
المهم وكبر نايف مع انه ياكل والحمدلله ويشسرب بس حجمه صغييير مرااا من كثرة الاسهال ويفهم اقول له نايف نروح يجي والا يعطيني جزمته يعني نطلع
والا يبغى اكل يجيبه ويقول لي نانا والا اقول له ماما يقولي بابا واذا قلت له يالله سلم على جدا يقوم يبوسها
عدت الايام والكل يقولي لازم تدخلينه مدرسه عشان يكبر ويفهم ومدري شنو المهم مع دخولي في هالنتدى جلست اقرى واشوف ان معضم الامهات نفس
حالتي مع طفلي مو بس انا وجلست ابحث واشوف واول قررت اني اسوي له حميه والحمدلله سويتها وقررت بعدها اخذه لدكتوره عبير عوض وسألت بعض الامهات
واستخرت والحمدلله ذهبت الى الكويت وشفت الدكتوره عبير ويوم شافته قالت ماعنده توحد عنده تأخر نمائي شامل وعطتني ادويه كثيره اللي هي فيتامينات واجرت لنا بعض
التحاليل وقالت انها بترد علينا بالايميل ولحد الحين ماجات التحاليل..
ورجعت السعوديه واول مارجعت اصاب نايف بااسهال شديد واستخدمت الفيتامينات اللتي اعطتني اياها الدكتوره عبير
واخذته الى المستشفى وعمل له تحليل قالو جرثومه وفطريات وصف لي مضاد وتنظيف للامعاء يوم رحنا الكويت وزنه 11 ويوم جاه الاسهال صار 9 والله كأن عمره سنتين
وكلمت الدكتوره عبير وقلت لها قالت الجو ملوث ومن هالحكي وخلص العلاج وقالت وقفي الفيتامينات وارجعي لها بعد مايخلص الدوا والحمدلله وقف اسهال وصار زين
وخلصت الدوا ورجعت للفيتامينات ومع استخدامي للفيتامينات رجع الاسهال ودقيت عليها وقالت لي وقفيهم واستخدمي للفطريات وهذا انا عليه
وقالت لي الدكتوره لازم يدخل مركز من الان وسجلت نايف بمركز وكنت قبل اسافر الكويت ادور له ع مركز وبعد بحث وتعب دخلته كنت اعطيهم نايف وقلبي احسه بيوقف
اخاف عليه كثير ويوم اسجله اقنعتني الدكتوره اللي هناك انهم راح ينتبهون عليه ومااخاف ومن هالحكي وصرت ادق اسأل عنه وهم يكتبون لي كل شي عنه ورابع يوم لقيت بصدره خدووش كثيره وقلت يمكن هو كان يحك واذى نفسه واليوم لقيت بأذنه عضه والله جلست ابكي ماعرفت وش اسوي اخته تقولي ماما ليه تودينه عشان يضربونه والله احس
نفسيتي تعبانه من اشوف حالته والله اتعب كل يوم اكثر مااروح ولااجي عند احد دايم احس نفسي مكتومه وتعبانه الله يشفي كل مريض
اللي عنده اي نصيحه تكفون لا تحرموني والله ابيكم تنصحوني لاني محتاجه لكم وبقوه اسفه طولت عليكم واسمحو لي

والله يشفي كل مريض يارب ويشفي عيالكم ويجزيكم الله الف خير

اختكم ام نايف

الله يعينك يا ام نايف

بالنسة للخدوش و العض لازم تكلمي المديرة او المعلمة المسؤولة

يمكن احد من الاطفال يؤذيه ما تسكتي على الموضوع او غيري المركز اذا ما تعاوني معاكي

وربنا يعين و تفرحي فيه يا رب:23:

 

[ام نايف]

رد: قصتي ومعاناتي

والله اني مهتمه فيه كثييير واخاف عليه اسوي اي شي عشان ادربه ويزين معه كل شي و
ينتبه معي
الله يجزيكم الجننننه يارب ويشششفي عيالنا يارب
والله فرحتني ردودكم والله اني كل يوم اتعلم منكم اكثر واكثر
الله يسسسعدكم مثل مارسمتو البسسمه ع شفاي والله يشفي كل طفل

ام نايف