اعاقتي يابشر تاج ٍ على راسي

[شاعرالتحدي]

بسم الله الرحمن الرحيم​

حضور أول وبدون مقدمات ابيات تعبر عن نفسها أتمنى ان تنال اعجابكم​

[poem=font=",6,black,bold,italic" bkcolor="transparent" bkimage="" border="groove,3,black" type=1 line=0 align=center use=ex num="0,black""]
معذور يا الهاجس اللي طيّـر انعاسي = معذور انا وانت لا بالله مالك عذر
الشعر يبصم على فكري وهوجاسي = اما غرفته بحر والا نحتّه صخر
اخذت من والدي عزمي وقو باسي = واخذت من جهمـة ايامي دروس وعبر
واخذت ميثاق من حبري وقرطاسي = طلعت به من ثرى حزني لسطح القمر
متسلحٍ بالصبر هو عطر لنفاسي = من قال مرّ الصبر يجهل مذاق الصبر ؟!
هنا ..هنا .. موقفي وهناك مجلاسي = ارضي سما من سما فكري وبوحي مطر
طعنت لون الظلام بسيف الارماسي = السيف من نور واغماده عيون السهر
لبست ثوب الأمل واصبح على اقياسي = على هجير الظلام ارقص ياللون الفجر
شربت طعم الحياه العذب في كاسي = خطفت نور الرضا من جوف ظلمة قبر
ماهمّني مجتمع في نظرته قاسي = ولا اضرب حساب للناقص وهرج الغجر
والكلمه اللي تجي من بين الاقواسي = ماهي رواية حديث ولا بقايا أأثر !!
كلمة (معووق)حشا ماتجرح احساسي = اللي وصفني بها مبلي باعاقة فكر
اعاقتي يابشر تاج ٍ على راسي = مايشوفه الا قلوبٍ مومنه بالقدر
الله بلا المصطفى من اقرب الناسي = هذا وهو صفوة العالم وسيد البشر
يا سامع ٍ كلمتي ذكّر بها الناسي = هذا مهر جنة الفردوس هذا المهر
[/poem]

الإثنين 9 رجب 1431هـ​

 

[الفجر الباسم]

رد: اعاقتي يابشر تاج ٍ على راسي

متسلحٍ بالصبـر هـو عطـر لنفاسـي​

من قال مرّ الصبر يجهل مذاق الصبر ؟!

هنا ..هنا .. موقفي وهنـاك مجلاسـي​

ارضي سما من سما فكري وبوحي مطر

كلمة (معووق)حشا ماتجرح احساسـي
اللي وصفني بها مبلـي باعاقـة فكـر
اعاقتي يابشـر تـاج ٍ علـى راسـي
مايشوفـه الا قلـوبٍ مومنـه بالقـدر​

يا سامع ٍ كلمتـي ذكّـر بهـا الناسـي
هذا مهر جنة الفـردوس هـذا المهر​

السلام عليكم
اخي الفاضل شاعر التحدي
صح لسانك وبارك الله فيك​

 

[كريم أبو العبد]

رد: اعاقتي يابشر تاج ٍ على راسي

الأخ " شاعر التحدي" كلماتك رائعة يتدفق منها الأمل وعلو الهمة والصبر وتحمل نظرة المجتمع السلبية
أسأل الله أن يسخر قلمك ومشاعرك الجياشة لخدمة قضايا الإعاقة .
سلمت وسلم لسانك :22: