رفض التعلم عند أطفال التوحد ؟؟!!

[أختكم فى الله]

السلام عليكم ورحمة الله وبركاته
هل رفض التعلم عند أطفال التوحد بيستمر معاهم طول عمرهم ولازم نعمل حيل وأساليب ملتوية لتعليمهم
أو إنه بيتحسن مع الوقت وزيادة إدراكهم الطبيعى
يعنى بنتى دلوقتى عندها سنتين وبترفض تتعلم أى شئ مش على مزاجها إنما الشئ إللى تحبه وتركز فيه بتتعلمه على طول ما شاء الله ... بس للأسف إللى مش على مزاجها كتيييييييييييير أو بمعنى أصح الأهم .. وده طبعا بيأخرنا بيخلى إللى ممكن تتعلمه فى يوم تتعلمه فى شهر أو أكتر

هى عندها سنتين دلوقتى هل إنتوا عانيتوا من الموضوع ده لما كانوا أولادكم فى سن بنتى ....... وياترى لما كبروا يعنى 3 سنين فيما فوق الوضع ده إتغير ولا لأ
لأن ساعات بحس من غللى بقرأوا إن أى طفل عنده تأخر أو داون سندروم او أى إعاقة ذهنية غير التوحد تعليمه سهل جدا عن التوحد وبيحب يتعلم حتى لو كان فى صعوبة فى التعلم نفسه بس ممكن يتطورا أسرع ..... هل فكرتى دى صح ولا لأ .. لأنها ساعات بتصيبنى بالإحباط

مع إن والدتى دايما تقولى ... الحمد لله بنتك أحسن من ناس كتير ... وتضربلى أمثلة التأخر العقلى أو الداون .....طبعاا الحمد لله على كل شئ .. بس هل فعلا هى كلامها إللى صح ولا فكرتى انا

 

[ريم أحمد]

رد: رفض التعلم عند أطفال التوحد ؟؟!!

صعوبات التعلم عرض من أعراض التوحد.
بالنسبة لحالة ابني محمد فقد استمرت معه هذه الحالة بصورة شديدة جدا لغاية عمر 4 سنوات، أي حتى بدأت العلاج والحمية. ثم تلاشى هذا العرض بعد شهور من الحمية والعلاج.
الآن وبعد سنتين ونصف من العلاجات المختلفة والتقدم المستمر بفضل الله تعالى أصبح سهل التعلم وكذلك يحب العملية التعليمية نفسها.
ما شاء الله لا قوة إلأ بالله
يا إلهي كما كنت أعاني من قبل. فعندما كان يذهب سابقا إلى مدينة الشارقة للخدمات الإنسانية، طوال 6 شهور لم تستطع المدربة تدريبه إلا على مهارتين فقط ولم يتم الإتقان لهما !!!! كان عمره وقتها بين 3 سنوات و3 سنوات ونصف!!
مع أنه كان مولعا بالألعاب الالكترونية وكان عنده لعبة Lap-top تعلم منها كل الحروف الأبجدية والأرقام خلال شهر واحد. لكن طبعا مع اللعبة هو فاهم كل شيء، بس إذا أنا طلبت منه أن يشير إلى حرف ما أو رقم ما....... فلا حياة لمن تنادي

الخلاصة...
برأيي أن صعوبة التعلم بالطرق الطبيعية عرض كباقي الأعراض ومع العلاجات الناجحة سيتلاشى كغيره.....بإذن الله العلي القدير
لكن طبعا هذا لا يعني أن نجلس ونضع يدنا على خدنا..... بل يجب أن نستمر في التعليم وابتكار وسائل توصل المعلومة والمهارة لأطفالنا. ذلك أنهم عند تحسن قدراتهم سنجد ما تعلموه مخزنا في عقولهم.... وأنا أتكلم عن خبرة... وبإذن الله مع الأيام ومع العلاج ستسهل عملية التعلم.

 

[قلبي ضاع معك]

رد: رفض التعلم عند أطفال التوحد ؟؟!!

كأنك بتتكلمي عن ابني .. حتى لما امسك يده يرفض بتاتا حتى اني امسكها عشان اعلمها مثلا يركب مكعبا .. لذلك خففت منها اشويه حتى ما اضغظ عليه لما اشوف الحمية والتحاليل نتائجهم ..

 

[أختكم فى الله]

رد: رفض التعلم عند أطفال التوحد ؟؟!!

أختى ريم أحمد
شـكــ وبارك الله فيك ـــرا لك ... لك مني أجمل تحية .
ماشاء الله لاقوة إلا بالله ربنا يباركلك فى أحمد ويحفظه
أفهم من كلامك إنهم ممكن يتأخروا كتير عن أقرانهم بسبب رفضهم للتعليم وعدم التركيز ..... بس بإذن الله لما بيتحسنوا ويحبوا التعلم ويركزوا بيقدروا يعوضوا غللى فاتهم فى فترة وجيزة ممكن تخليهم يحصلوا أقرانهم
وهل خلال الأربع سنوات الأولى من حياته كنتى مكتفيه بتدريبه بس بدون حمية علشان كدة النتيجة كانت بطيئة


أختى قلبى ضاع معك
فعلا بنتى بتعمل كدة بالظبط أى مهارة أنا محتاجة إيديها فيها وكمان مش على مزاجها أو هى شايفة إنها مش مستفيدة شئ من كدة ..... بترفض حتى إنى أملس إيديها أو أحركها وكمان لو سمحتلى إنى أمسك إيديها وأعلمها مش بتبص على إيديها ولا الشئ إللى أنا بعلمهولها يعنى برده مش بتستفيد ...... ربنا يهديها ويهدى كل اولادنا يارب

 

[أم دانيال]

رد: رفض التعلم عند أطفال التوحد ؟؟!!

عزيزتي اختكم في الله
المسألة لازمها صبر، ولا تنسِ ان طفلتك بعدها صغيرة وان شاء الله كل ما كبرت شوي، كل ما استوعبت أكتر.

 

[أختكم فى الله]

رد: رفض التعلم عند أطفال التوحد ؟؟!!

شـكــ وبارك الله فيك ـــرا لك ... لك مني أجمل تحية .أختى عائشة
ربنا يباركلك فى دانيال وتفرحى بيه أكتر وأكتر إن شاء الله