ارجوك يا دكتور رد امى لا تكف عن البكاء

[أخى متوحد]

السلام عليكم
اخوانى
انا من مصر تحديدا بنها

اخى الصغير احمد من ولادته وهو طبيعى جدا ونموه كان سريع جدا ما شاء الله وطلع سنان بدرى ولما كان عنده سنه ونصف كان بيقول ماما وبابا والمفتش كرمبو بشكل واضح جدا
لكن للاسف بدأت المعاناه من سن سنتين ،،
نسى كل الكلام ماعدا بابا وتصرفاته غريبه جدا يعنى يبحب برامج معينه على التلفزيون ولو كان بعيد جد\ا يسمعها ولا يرد على اسمه الا اذا قلتله "خد يا احمد" اى لعبه مثلا
وعنده حذر كبير جدا مثلا بيخاف من البخور عشان مره اتلسع منه وحافظ بيتنا كله ولما بيحب يعمل اى حاجه صعب هو يعملها يروح شادد ايدنا وياخدنا بالظبط ويمثلنا هو عايز ايه
بس مبينطقش ،،
ومثلا لو جبتله دانيت يروح المطبخ لوحده يجيب معلقه ويديهانى عشان ااكله ،،
ومعرفش دى ايه تفسيرها بس هو بيقلد بسرعه جدا يعنى مره قدامه جبت الصور من الجوال بعدها بقى هو لوحده يجيبها ويتنقل بينها ويعرف الفيديو من الصور العاديه وبيتنقل من الفيديوهات لوحده،،
وديناه عند دكتوره قالت توحد عشان اعطته صور ومقالش هيا ايه


فبرجاء تقولولى عشان والله ماما ممتنعه عن الاكل والشرب خالص وبتعيط على طول هنو عنده توحد وليه متكلمش وهو حاليا 3 سنين بس هو بيحاول يقلد النغمه بتاعت الاصوات بس
يعنى مثلا فى قناه طيور الجنه فيه اغنيه بتقول "طق طق طق طق طق مين مين انا لين" هو بيقولها "تأ تأ تأ اييي اي اه اي" بنفس النغمه
وانا واثق فيكم ربنا يكرمكم وهل ممكن لو عنده توحد يخش مدرسه عاديه ؟؟ حتى لو بالعلاج
واحنا مستعدين لاى علاج فى اى حته بس يبقى طفل عادى
استحلفكم بالله تردوا هل هو كده متوحد ؟؟
وهو مبيقعدش لوحده خالص بيحب يقعد معانا على طول بس مش مبتكر فى لعبه بيقعد يحرك فيها وخلاص