[إستشاره] ارجوكم ساعدوني

[مي يوسف]

السلام عليكم و رحمة الله ، انا عضوه جديده معاكم هنا في المنتدى انا بشكركم بجد على فكرة المنتدى ده ارجوكم ساعدونيانا عايشة في دولة الكويت ابني عنده سنتين و خمس شهور قبل ما يتم السنتين حسيت انه فيه حاجه مش طبيعية من تعليقات الناس و ماما قعدت تنبهني بس مكنتش قادره اصدق انا او ابوه كنا بنقول لا الولد مفهوش حاجه و مره بالصدفه دخلت على النت و كتبت في جوجل ان ابني مبيردش عليا و لقيت طلعلي نتيجه البحث انه توحد و فعلا لقيت معظم الاعراض عند ابني انا حسيت بصدمه و قعدت ادعي اني اكون غلطانه و من هنا بدأت رحلتي مع الدكاتره كان يوسف عنده في حدود سنه و عشر شهور وديته مستشفى مبارك الدكتوره قاست ميط الراس و الطول و الوزن قعدت سالتنا كام سؤال و بس و قالتلنا الولد مفهوش حاجه ودوه حضانه بس لانه كان بيبقى طول اليوم مع الخدامه من الساعه 7 و نص الصبح للساعه 6 بليل بحكم شغلي انا و جوزي و حولتنا على الطب التطوري اللي كان موعده بعد خمس شهور تقريبا و طلبت شويه تحاليل روتينيه و سافرت مصر لاني مقدرتش استنى و القلق كان هيموتني وديته لدكتور اسمه اشرف اول ما شافه قالي ده عنده توحد من غير مايكشف عليه او حتى يسالني اي سؤال كل اللي عمله انه نداه مرتين و مردش عليه و بناءا على كده حكم عليه انه توحد و ادانا اسامي ابر نجيبها من امريكا و قالنا نعمله حمية الكازيين و الجلوتين نزلت من عنده منهاره و فعلا كنت حاسه اني مش مصدقه و يمكن اكون لدلوقتي مش مصدقه بعديها وديته لدكتور تخاطب على و هوا اللي ردلي الامل شويه و قالي دي سمات توحد مش توحد بيور وديه لدكتور نفسي عشان يديله كميه الجرعه اوميجا3 بعدها روحت للدكتوره دعاء الحضري برضه قالت لنا انه سمات توحد و قالت لنا نعمله جلسات اكسجين كل يوم 4 ساعات لمده 10 ايام و ده اللي كان فاضلي في مصر عشان اجازتي كانت قربت تخلص و قالت جلسات الاكسجين هتكلف 3000 جنيه و في ابر ياخدها يوميا لمده 9 شهور بتيجي من امريكا و سعر الجرعه الشهرية 1150 جنيه انا كان عندي استعداد ادفع كل اللي في جيبي و استلف بس اشوف ابني كويس بس مع الاسف تاني يوم جاله برد و هيا قالت لو جاله برد مش هينفع نعملهاله بعده روحت لدكتور صيدلي اداني ادوية اعشاب انا حاليا بستخدمها مع ابني بقالي شهرين هوا في تحسن بسيط في الفهم و التواصل البصري بس مش قادره احدد كده هلحقه و لا لأ و لما جه ميعاد الطب التطوري برضه الدكتوره سالت كام سؤال معملتش اي اختبارات ذكاء او اي اختبار للتوحد و قالتلنا برضه وده الحضانه و حولتنا على مستشفى سالم العلى عشان نعمل كشف السمع و طلع مفهوش حاجه فحولتنا على التخاطب برضه في سالم العلي و ادانا موعد بعدها بشهرين و نص و لسه لدلوقتي مجاش وقتها انا حاسه اني تايهه هيا لا قالتلي على اي ادوية او اي تمارين او اي نصائح اعملها معاه او طلبت اي تحاليل او رسم مخ هنا مستشفيات الحكومه شغلها روتيني و مواعيدها صعبه و بعيده و انا خايفه ابني يضيع مني و ملحقهوش انا عايزه اعرف لو في دكتور كويس اقدر اتابع معاه هنا في الكويت لاني مش عارفه اوديه فين و لو استنيت مواعيد المستشفيات دي مش هلحقه و هيضيع مني ارجوكم عايزه دكتور اقدر اثق فيه و يكون فعلا فاهم و بيعرف يعالج الحاله دي بس بلاش دكتوره عبير العوض لاني كلمت السكرتيره عندها عشان اخد موعد قالتلي الكشف ب 180 دينار و فتح الملف ب 25 دينار و بصراحه البلغ ده كبير جدا عليا انا ممكن اتصرف فيه اه عشان افرح بابني بس مقدرش الزم نفسي بالمبلغ ده و انا عارفه اني هحتاج استلفه و ربنا يجازيكم خير و يشفى اطفالكم و ابني امين

 

[مريض بالتوحد]

رد: ارجوكم ساعدوني

ربي يشفيه ويرزقه تمام الصحة والعافية ويجعله قرة عين لك ولوالده
إن شاء الله يفيدوكي الإخوة والأخوات عن الدكاترة
تقبلي مروري

 

[رحلة الامل]

رد: ارجوكم ساعدوني

الاخت الكريمة تحية طيبة والسلام عليكم ورحمة الله

وشفى الله ابنك وابنائنا جميعا وازال القلق عن الجميع

بعد ان قال لك اكثر من طبيب ان لديه توحد او سمات توحد او غيره فهذا يعني ان ابنك مثل ابنائنا جميعا هنا
يعاني من مشكلة والمشكلة قد تكون
انه لا يتجاوب معك او مع غيرك عندما تنادونه باسمه
انه لا يتفاعل مع غيره من الاطفال في سنة اي لا يبدي اهتمام بهم بالرغم من انه قد يكون معهم في مكان واحد
قد يقوم ببعض الحركات الغريبة او غير الطبيعية وقد يضحك لوحده احيانا او يبكي
لا يستطيع ان يؤشر بيده لشيء ما او يلتفت لمصدر الصوت
اذا كانت كل هذه الاشياء او جزء منها به فهو فلديه اعراض التوحد ولكن قبل ان تذهبي للطبيب افيدك ان بامكانك القيام ببعض الاشياء لمساعدته

اولا حاولي بقدر الامكان رغم الصعوبة ابعاد الجزع عن نفسك والخوف حتى تتمكني من التصرف بطريقة صحيحة لمساعدته واعلمي ان ما اصابك لم يكن ليخطئك وان ارادة الله هي الغالبة وتسلحي بالايمان واوقني بانه سيقف بجانبك وسيشفي ابنك وحده بحوله وقوته وعزته

ثانيا ليس مهما الذهاب لطبيب مشهور انما المهم طبيب مختص يعرف كيف يتم التعامل مع التوحد
يعاني معظم الاطفال الذين لديهم توحد من مشاكل في الجهاز الهضمي اذ لدى بعضهم اسهال او امساك او غازات او خلافه اذا كان لابنك مثل ذلك فحدثي بها الطبيب .

كما انصحك ان تقرا كثيرا في المنتدى عن حمية الحليب والقمح وهي اول خطوة في العلاج
ولكن لا تقومي بها الا بعد مقابلة الطبيب وامل ان يكون ذلك قريبا

وشكرا

 

[مي يوسف]

رد: ارجوكم ساعدوني

مريض بالتوحدرد: ارجوكم ساعدوني
ربي يشفيه ويرزقه تمام الصحة والعافية ويجعله قرة عين لك ولوالده
إن شاء الله يفيدوكي الإخوة والأخوات عن الدكاترة
تقبلي مروري مريض بالتوحدرد: ارجوكم ساعدوني
ربي يشفيه ويرزقه تمام الصحة والعافية ويجعله قرة عين لك ولوالده
إن شاء الله يفيدوكي الإخوة والأخوات عن الدكاترة
تقبلي مروري استاذ (مريض بالتوحد) شكرا جدا على مرورك و على دعواتك و يا رب يشفي ابناءنا جميعا و ميوريناش حاجه وحشه فيهم
استا

 

[مي يوسف]

رد: ارجوكم ساعدوني

استاذ رحله امل شكرا جدا على مرورك و على ردك عليا فعلا ابني عنده كل الاعراض اللي حضرتك قولتها يارب يصبرنا و يشفي اطفالنا اجمعين اما بالنسه للحميه انا سمعت ان لازم الدكتور يعمله اختبار تحسس الاول بس لحد دلوقتي محدش طليه مني غير الدكتور اللي بيعالج بالاعشاب في مصر و لسه معملتوش بدور اقدر اعمله فين انا عامله زي الغريق اللي متعلق بقشايه ده مثل عندنا في مصر بس انشاء الله هجربله الحميه دي لمده اسبوع برضه و هشوف النتيجه متشكره جدا ليكم و لاهتمامكم

 

[ازميرالدا]

رد: ارجوكم ساعدوني

استاذ رحله امل شكرا جدا على مرورك و على ردك عليا فعلا ابني عنده كل الاعراض اللي حضرتك قولتها يارب يصبرنا و يشفي اطفالنا اجمعين اما بالنسه للحميه انا سمعت ان لازم الدكتور يعمله اختبار تحسس الاول بس لحد دلوقتي محدش طله مني غير الدكتور اللي بيعالج بالاعشاب في مصر و لسه معملتوش بدور اقدر اعمله فين انا عامله زي الغريق اللي متعلق بقشايه ده مثل عندنا في مصر بس انشاء الله هجربله الحميه دي لمده اسبوع برضه و هشوف النتيجه متشكره جدا ليكم و لاهتمامكم

لتحديد اذا كان ابنك محتاج لحميه صارمه ام لا اعملي تحليل بيبتيدات البول urine peptide....
ودا بيتعمل عندنا في معمل المختبر
كان نفسي اساعدك اكتر من كده بس ان شاء الله الاخوات من الكويت يفيدوكي

 

[ابوعباس]

رد: ارجوكم ساعدوني

مرحبا بكي اختي مي في المنتداء والله يشفي ابنك بنسبه للعلاج حاولي قد ماتقدري ماتهمليه لانه صغير والفرصه كبيرة جدا بان يشفى باذن الله .يعني حولي تدخليه روضه عاديه وتعمليلوة جلسات تخاطب والحميه وتعديل سلوك فهي مهمه جدا لانه لوكبر مارح تستطيعي تعدلى سلوكه بساهل اما بنسبه لدكتورة عبير قفلي موظوعها لانه بصراحه الطبيب الي مايحس بالمريض واهله مهو طبيب الطب رحمه وليس نهبه حسبي الله عليها وعلى كل من يستغل حاجه اخوه المسلم

 

[مي يوسف]

رد: ارجوكم ساعدوني

الاخت ازميرالدا شكرا جدا على اهتمامك و انا هسال على اسم التحليل هنا عشان اعملهوله و ربنا يشفيه و يشفي اطفالنا اجمعين

 

[مي يوسف]

رد: ارجوكم ساعدوني

الاستاذ ابو عباس شكرا جدا على النصايح و يارب الحقه انا حاليا ودته حضانه بقاله تقريبا 3 شهور و جبتله مدرس تخاطب في البيت بيجي ساعتين في الاسبوع اما بالنسبه للحميه بصراحه لسه مجربتهاش بس قللته الحليب جدا بيصعب عليا يشوف العيال بياكلوا ادامه حاجه هوا مش قادر ياكلها و بالنسبه للشيبسي و البيبسي و الحاجات بتاعت بره انا منعتها عنه نهائي . انشاء الله اعمل التحليل الاول احسن عشان صعبان عليا امنعه من اكل حاجات معينه و هوا اصلا شهيته ضعيفه و معظم الاكل مش بيرضى ياكله

 

[كوكـتـيـل طبيعي]

رد: ارجوكم ساعدوني

شوفي يا اختي

كل ال قلتينه الجميع مر به والمهم الان انك تهدي اعصابك وتتعاملي مع الامر بهدوء ..

هل جبتي معك الحقن من دعاء ال هي طبعا ام بي 12 او لا ؟؟ والاكسجين لا تتندمي عليه

وفي معمل بالكويت اسمه البشير فيه طبيب تقريبا سوري اسمه فواز بيرسل التحاليل خارج الكويت ولو مش وصلتي له انا ببحث لك عن رقمه

تعمليله معادن ثقيلة وحساسية جلوتين وكازين وببتيدات كمان .. الامور كلها بتظبط وبيكون زي الطبيعي ان شاء الله بس المطلوب منك شوفي المواضيع المثبته اقرئيها وكذلك التدريبات

 

[مي يوسف]

رد: ارجوكم ساعدوني

الاخ كوكتيل طبيعي شكرا على اهتمامك انا مجبتش الابر بصراحه لاني خوفت منها و من اني اديله ابره كل يوم و لازم اشتريها كل شهر و انا مقيمه في الكويت ازاي هتبعتهالي على هنا هل ليها فايده فعلا و مهمه في العلاج بالنسبه للمعمل هدور عليه و لو ملقتهوش معلش اسمحلي ارجعلك فيه لو مفيهاش ازعاج ليك و ربنا يشفيلك اولادك يا رب و تفرح بيهم

 

[كوكـتـيـل طبيعي]

رد: ارجوكم ساعدوني

كان لازم تجربي هذا النوع من العلاج .. صلاحية الابر محدودة زمنيا يعني بتعطيها يوم بعد يوم واحيانا يوميا بالجرعة الاولى وتشوفي هل حدث تحسن واضح امامك ؟؟ ان حدث تكملي معاه بس مش متواصل يعني تريحي شهرين وتجيبي جرعةوممكن الجرعة 20 - 25 حقنة ومش بتوجع لان سنها صغير وتكون مايلة مش عمودي واعطاءها ساهل جدا ....
اتصلي عليها وحولي لها الفلوس واعطيها عنوانك بالكويت وهي بترسلهم لك من الصيدلية بامريكا مباشرة .. اهم من 100 اكسجين

 

[مي يوسف]

رد: ارجوكم ساعدوني

شكرا استاذ كوكتيل طبيعى على النصيحه بس حضرتك جربتهم قبل كده و لقيت في منهم نتيجه فعلا؟

 

[ولد الكويت]

رد: ارجوكم ساعدوني

الله يشافيه ابنك يارب ..

فعلا المواعيد والمراجعات بالكويت تاخذ فتره طويله

انا رحت للدكتوره عبير واخذت التشخيص صحيح غالي ولكن اهم حاجه التشخيص الصحيح

سوال ... ما اسم الاخصائئ اللي بيعمل تخاطب للولد وشلون شغله معا ؟؟ وكم ياخذ ؟

 

[كوكـتـيـل طبيعي]

رد: ارجوكم ساعدوني

شكرا استاذ كوكتيل طبيعى على النصيحه بس حضرتك جربتهم قبل كده و لقيت في منهم نتيجه فعلا؟

هناك من لم يستفد من الابر

ومنهم من استفاد طفله او طفلته .. والحمد لله كنا منهم والاستفادة واضحة

 

[حنانا]

رد: ارجوكم ساعدوني

الله يشفي لك ابنك ان شاء الله
ويرزقك الصبر والقوة لمواصلة مسيرة علاجه يا رب