اريد النصيحه والمساعده

ام ايوب

Well-known member
مرحبا انا عضو بالمنتدى ابني عمروا 3 سنين شخص بطيف توحد الحمد الله هو كتير عم بتحسن ما عندوا مشاكل لا بالتواصل الاجتماعي ولا بالتواصل بالعين الحمد لله من جديد بلش كيف بنحكي يبرطم متل الولد الي عمروا سنه و نص بحكي حكي مش واضح مثلا بيجي بحكيلي ماما اه اه اه انو بحكيلي اشي مرات بأشر باصبعوا مع الحكي فانا بفهم شو بحكي هو هلق بأشرلي باصبعوا على الاشياء و انا مثلا بحكيلوا هادا كرسي وهو بعيد من وراى مش دايمن بتطلع الكلمه صح نطقا بس قريبه للكلمه و شو ما احكي بعيد من وراي اذا حكتلوا نادي محمد بحكي حمد والحمد لله بفهم كل اشي بنحكالوا تقريبا بنسية 90% بدي تساعدواني كيف بقدر اساعدوا و انمي الجانب اللغوي عندوا لاني متاكده انو اذا بلش ينمي هادا الجانب منيح ابني بأذن الله ما بعاني من التوحد عندوا اكيد صعوبات بس مش توحد وهادا الاشي انا من لما تم تشخيصوا حكتوا لفريق التشخيص
 
رد: اريد النصيحه والمساعده

مرحباً بكِ أم أيوب
من وصفك للطفل فإن وضعه أقرب للتأخر اللغوي البيئي منه إلى التوحد أو طيوفه
إلا إذا وجدت لديه بعض السلوكيات النمطية المتكررة


التأخر اللغوي البيئي يعني أن البيئة المحيطة بالطفل لم تكن مناسبة لقدراته ليكون لغة مناسبة لعمره الزمني
مع انها قد تكون مناسبة تماما لأخوه او أخته

من حيث المبدأ أهم نقطة ان يكون تعاملك اليومي معه بحد ذاته تدريب
ومن ذلك ما تقومين به حالياً بأن تسمي له كل ما يشير إليه
وبإمكانك أيضاً عدم تلبية طلباته بمجرد إشارته إليها وإنما حاولي الضغط عليه ليسمي ما يرغب به او يقلد صوت متعلق به على الأقل
والتحدث المستمر معه بلغة سليمة لكن جمل قصيرة أيضاً له مفعول هام في التطور اللغوي
من ناحية أخرى لا تتوقعي منه أن يستخدم أي كلمة إن لم تكون مخزنة أصلاً ضمن لغته الاستيعابية
وبالتالي عليكِ التأكد أولاً أنه يعرف ماهو الشيء ثم ان تتوقعي منه أن يسميه
ويجدر الذكر هنا أنه ليس بالضرورة إن كان يستجيب لأوامرك وتعليماتك اليومية ان تكو لغته الاستيعابية جيدة
مثلا ان استجاب للأمر (سكّر الباب) فذلك لا يعني بالضرورة انه يعرف ماهو (باب)
لذلك فالأصح أن تسأليه عن مسميات الأشياء بشكل منفرد وبالتدريج
من مستوى الكلمة الاسم ثم الفعل ثم الصفة ثم ظروف المكان ثم تكوين جملة من كلمين فأكثر
---------------------------------------------------------------
اقترح التالي:
1: ضعي مجموعة من الصور او المجسمات لأشياء أساسية (ماء-سيارة-باب-عين-فم-يد-موز-تفاح-بطة-قطة-شعر-طيارة-تلفون-...) واطلبيها منه واحدة واحدة بكلمة منفردة (مدي يدك بحركة "هات" وقولي سيارة)
وسجلي ما تعرف عليه وما لم يتعرف عليه، طبعا لا تكتفي بالمجموعة المذكورة وانما حاولي استخدام اكبر قدر ممكن
* هذا يعتبر بديل لاختبار قياس اللغة الاستيعابية، فإن كان ملتزما ببرنامج علاجي في مركز للنطق واللغة فمن المفترض انه خضع للاختبار وتم تحديد مستواه بشكل دقيق وفي هذه الحالة من افضل من تتابعي من المستوى المحدد مباشرة.

2:ان لاحظتي انه لا يتعرف عدد من الكلمات المنفردة ابدئي بتدريبه عليها، بتكرار الكلمة وقص صور لها.

3: اذا تعرف الكلمات المفردة او معظمها يمكنك البدء معه بتدريبات الأوامر (هات مي \ خد الكرسي\ اعطي بابا السيارة\ حط الطيارة ) وكلما تحسن زيدي مستوى صعوبة الأمر (حط الساعة فوق الطاولة\ خد فيل و أسد\ أعطي بابا تفاحة واخوك عنب).. إلخ

4: يجب تعديل البيئة المحيطة بما يتناسب مع قدراته النمائية والتطورية، يعني اذا كنت موظفة وتنشغلين عنه فحاولي توفير الوقت الكافي له،وان كنتِ ربة منزل ومتفرغة طول الوقت معه وتلبين احتياجاته أولاً بأول فعليك الابتعاد قليلاً ودفعه إلى محاولة اتعبير عن رغبته في وقتها، بمعنى تأخري عن تقديم الغداء او تشغيل التلفاز في وقت كرتونه المفضل...إلخ

-----------------------------------------------------------

اتمنى ان تكون المقترحات مناسبة لمستواه اللغوي والاستيعابي الفعلي
وان لم تكن كذلك فيمكنك توضيح مستواه الاستيعابي اكتر وسأحاول تعديل المقترح بما يتناسب معها

بالتوفيق
^_^
 
رد: اريد النصيحه والمساعده

اختي الاخصائيه هنا اولا شكرا كتير لاهتمامك و ردك على موضوعي
الحمد الله ابني لا يعاني من اي نمطيه بحياتوا ولا بأي شكل من الاشكال
ممكن انو سبب التأخر اللغوي هو انو لما انولد ابني لم يستجيب لفصحص السمع عند الولاده و طلبوا اعملوا فحص على 3 اشهر وانا عملتلوا فحص سمع على 6 اشهر و على 9 اشهر كان يعاني من نسبه عاليه من وجود الماء في الاذنين و عملتلوا على السنه و و 3 اشهر فحص البيرا كان منيح وسليم هو كان دايمن بعاني من التهاب و جود اوساخ و مي في الاذنين لعمر السنتين و شهرين والحمد لله من بعد ما خفت هادي المشكله بلش يتحسن و لما لغية التلفزيون من حياتوا بلش يتحسن اكتر و اكتر
هو في الوقت الحاضر في اطار علاجي بمركز و حضانه للاشخاص الي بعانوا من التوحد باخد علاجات الي هيه علاج وظيفي علاج نطق سباحه و فنون وانا بعطيه على حسابي الخاص علاج بالموسيقى و كمان علاج و ظيفي و اليوم الاخصائيه تاعت العلاج الوظيفي الي هيه نفسها بتعطيه بالمركز حكتلي انو لازم نوقف الجلسه هادي لانو مش بحاجه الها و حرام على المصاري بدل ما تدفيعيها لعلاج هو مش بحاجتوا لانوا تركيزوا وفهموا واستيعابوا وتواصلوا الحمد لله كتير منيح وبمده قصيره قدر يقفز فقزه كتير كبيره و بدل ما اعطيه علاج وظيفي اعطي جلسة نطق بهالمصاري لانو هو هادا الاشي الي هو بحاجتوا.
الاخصائين بالمركز و معلمة الصف بحكولي انو هو بفهم كتير منيح كل اشي بنحكالوا و شو ما تطلبي منو برد و اخصائية النطق مره بحضوري عملتوا اختبار عن طريق انو تحط صورتين و تسالوا وين الولد الي بلعب بالسياره او الي نايم او الي بشرب وكان يعرف كل الصور و يأشر على الصوره و اذا طلبوا منو يجيب اي اشي انو هات كرسي او سياره او طابه بعرف فهم بحكوا انو مستواه الفهم كتير منيح و الحمد لله
واحنا بالبيت اذا بدنا نختبروا بنسير نحكيلوا ايوب روح جيبلي معلقه بروح على المطبخ بجيب و بيجي او روح جيب كاسه او خبز او صحن بنحس انو مستواه بالفهم منيح
انا الحمد لله اني ربة بيت ولو كنت موظفه اكيد كنت راح اضحي بهلاشي عشان ابني لانو هو اهم من اي اشي و هو المستقبل مش اي اشي تاني وانا الحمد لله مفرغيتلوا كل وقتي و هلق عم بشتغل معاه بنفس الطريقه الي حضرتك اقترحتيها بصعب الامور عليه و اذا مثلا بدوا عصير ما بعطيه بسير احكيلوا ايوب شو بدك هو بسير يحكيلي اه بحكيلوا لا ما بنحكي اه بنحكي بدي عصير برجع بحكيلوا شو بدك يله احكي عصير فبحكيلي عصير فبعطيه العصير وكل ما يمسك اشي او ياشر على اشي انا بسميلوا شو هو هالاشي
برجع بتشكرك على ردك
 

عودة
أعلى