اريد نصيحتكم الله يجزاكم خير

[ياربي رحمتك]

رد: اريد نصيحتكم الله يجزاكم خير

ماشاء الله تبارك الله الله احفظها
من ناحية الحضانه شوف في قوقل اكتب دليل الحضانات في الكويت
راح يطلعلك اسم الحضانه والمنطقه والحين فترة صيف مافيه الا نادي صيفي اختاروا علي حسب اقرب شي لبيتكم او منطقتكم وخل والدتها تروح للحضانه وتشوف ونصيحه لاتقولولها عن حالة البنت اذا شافوها بعدين قولوا مشكلتها بس الكلام ومع الاختلاط بأطفال الحضانه متأملين انها راح تتكلم ان شاء الله لاتجيبون طاري التركيز لان انا تعبوني نفسياً علي ولدي واذا لاسمح الله ووصفلها الدكتوراتباع حميه وقتها قولوا فيها حساسيه من الاكل خلوهم بالصوره والله اسهل امركم ويشفي بنتكم ودعوااااتكم لولدي وان الله ارده لي مثل الاول سليم ومعافى

 

[ولد الكويت]

رد: اريد نصيحتكم الله يجزاكم خير

هلا اخوي (ولد الكويت ) الف الف الحمدالله علي السلامه
الله ابشرك بالخير قرت عينكم بسلامتها ياربي لك الف حمد وشكر
بلغ تبريكاتي لوالدتها والله اني بحاله مايعلم فيها الا الله لان ولدي من خذا العلاج ماتغير ولاتحسن ووديته حضانه وللاسف قالولي فيه فرط حركه وماقدرنا انسيطر عليه والله اكتبلك والله عالم بحالي ماعاد شفت الكيبورد الله لايضعفه وقالولي قدامه اسبوع لانه شاف اكل مع طفل وخخخ وهجم واكل اكل الولد لان ولدي يتبع حميه ياقلبي عليه الله اعوض طفولته خير بس والله اثلج قلبي هالخبر السار حاسه بمشاعركم ووالله اني كنت احاتيكم اخوي بس ربي احبكم لان البرماوي امس ارسلي مسج اعتذار عن عدم استطاعته الحضور لجلسة ولدي وكنت احاتيكم الحمدالله ماوصيكم بسجدة الشكر وان شاء الله ان فيكم الخير بس الذكري تنفع المؤمنين ومركز سالم العلي للاسف مايستقبل الا من عمر ثلاث سنوات اذا تقدرون تواصلوا مع اني انصحك نصيحه اخويه ولوجه الله والمرض مهو عيب بس حاول تجنب دخول اسمها في الاماكن الحكوميه لان اللي عندنا وللاسف معقدين واخاف يدخل في ملفها الدراسي كلم البرماوي واتفق معاه قوله مستعد انتظرك لو بعد رمضان تعطيها الجلسات ومادري وين مفكر اتابع مع الاردن او الدكتوره عبير

الله يسلمج من الشـر ... وبشووف نبيك ان شاءلله

الله يعطيج العافيه .. ولاتائيسن وتحملي وكله اجر لج ان شاءلله.. ولله ماينسي عبده

اى ولله سمعت كلامج عن البرماوي واخذت برايج وجاني الاخصائي مع العلم ماطول معا البنت نص ساعه .. جلسه تقييم

وقالي داه مش توحد اللي فيها عدم انتباه وتاخر بالكلام .. وقالي ابشوف لك حضانه كويسه

انا عاد ماعرف لو تكون الحضانه وين مكانها ماعندي مشكله بس تكون زينه

لا اهو نصحني بسالم العلي وقالي اسبوعيا يقعدون معا البت لمن تكمل .. وهي بعد اشهر تكمل

لا ابتابع مع دكتورة عبير كل يوم ادق عليهم :2bb (40): ويقولولي انطر يمكن اندخلك بعد يومين

بدال موعد واحد الظاهر مايرد عليهم .. واخذ مكانه ...

الله يشفي ولدج يارب وتفرحين فيه ... وبعدين جان قلتي للحضانه خلو ياكل ذبحه الجووع

ولله مشكله الحضانات علي ادني سبب يتشكوون

 

[ياربي رحمتك]

رد: اريد نصيحتكم الله يجزاكم خير

الله يجزاك خير يااخوي (ولد الكويت ) والحمدالله انكم تطمنتوا عليها وان شاء الله مع الحضانه وعلاج الدكتوره عبير بتحسن الله يشافيها . وولدي لان يتبع حميه فعينه علي الممنوع وانا صابره ومحتسبه الاجر الله اشافيه واشكر لك دعوتك واذا رحت لدكتوره عبير لاتجيبلها سيرة ان احد شخص حالة البنت بس اهم شي انها تكون ماكله وماخذه كفايتها من النوم لان موعدهم كان وقت قيلولة ولدي فكان متنرفز شوي وماتجاوب مع الدكتوره عدل فكنت خايفه من التشخيص والله ستر وبعد ماطلعته الدكتوره وتكلمت معاي انا ووالده الا هو نايم . حبيت انصحك علشان والدتها تاخذ احتياطها والله اباركلكم فيها*

 

[ولد الكويت]

رد: اريد نصيحتكم الله يجزاكم خير

ياربي رحمتك ... الدكتورة عبير .. تخصصها توحد عدل ؟

طيب البنت فيها تاخر كلام وعدم انتباه .. تعالجهم ولا تقوولي البنت مافيها توحد وروح سالم العلي

لان ماني فاهم .. انا للحين ابراجعها عشان اخذ التشخيص منها كــ متخصصه .. وبالنسبه للتاخر بالكلام والانتباه

مادري اذا تعطيني علاج او تقولي روح لمتخصص ....

بالنسبه للمواعيد عدل قالت لي السكرتيره بوقت الظهر يستقبلون من 11 اعتقد للساعه 4

 

[ياربي رحمتك]

رد: اريد نصيحتكم الله يجزاكم خير

شوف اخوي (ولد الكويت )
عند حضوركم للعياده تدفع المبلغ وهو ١٨٠ بالنسبه لعمر سنتين مادري اذا اكبر ماني متأكده من رسومهم وبعدين يعطونك استماره تعبي بياناتها
وبعدها ياخذون وزن وطول الطفله
بعدين تدخل حصرتك مع والدتها فقط عند الدكتوره وتقولكم تكلموا عن حالة البنت والاعراض مثل انها انها بدأت النطق من عمر كذا والكلمات اللي تقولها وان كلامها مو مفهوم .....
بعد ماخلت المجال لكم تتكلمون الحين تبدأ اهي بالاسئله عن البنت وصحتها ...
ثم تدخلون غرفه انتم والبنت وتعطيها العاب وتختبرها والاختبار والاسئله الموجهه لكم اسمه اختبار كارز اللي اهو يثبت اذا الطفله توحد بعد الشر او لا اللهم اشفها وابني وابناء المسلمين اجمعين.
ثم تخبركم بالنتيجه .
وتطلب منكم عمل تحاليل للبنت في نختبر البشر والكاظمي وتعطيكم كارت فيه عنوانهم وارقامهم.
ثم تطلب منكم اتباع حميه
وتعطيكم اوراق فيها الاكل المسموح والممنوع
ثم ورقه فيها الادويه اللي هي المكملات الغذائيه وهي صيدليه لها فرعين في المارينا والثاني في الافنيوز
ثم ارقام اخصائي تعديل سلوك وراح تقولكم اذا صارت اتركز والاخصائي قال. انها اوكي ودوها لاخصائي نطق وتخاطب وراح تعطيكم كروت فيها اسماءهم وارقامهم.
وتقولكم من اول ماتخلصون من التحليل بلشوا في الحميه.
وراح تعطيكم رقمها علشان تواصلون معاها.
من ناحية مركز سالم العلي ماعندي خبر بحكم صغر عمر ولدي .
وحاول انك تطلب منها تقرير ورسومه ٢٥دينار ويخلص بعد يومين او ثلاث .
وللامانه كانت رافصه اتسويه لابتي بس طلبتها بناءاً علي طلب من الحضانه وبصراحه لاني ماكنت مصدقه ان ولدي مافيه توحد .لاني الي اللحظه هذي اشك ان فيه من اعراضه المشابه لتوحد الله اشافيه .
واتمني من الله ان ييسر امركم ويشفي كريمتكم*

 

[ياربي رحمتك]

رد: اريد نصيحتكم الله يجزاكم خير

ونفس ماقالت الاخت سابقاً صرنا انشخص والله الله العالم هل بكون تشخيصها ضعف تركيز وتشتت انتباه او لاسمح الله فرط حركه بعد
او نفس ولدي تأخر في التواصل اللغوي .
وطبعاً العلاج كتبت علي المكملات اللي اهي
كالسيوم .وقالت انه ازيد ذكاء الطفل.
واوميقا ٣
وdmg وهذا قالت للكلام . نسأل الله ان يحلل عقدةٍ من لسانهم يفقهوا قولهم .
والباقي الله اعلم لان كل طفل يختلف عن الثاني بالعلاج.
والكالسيوم كانت بتكتب لولدي كبسولتين بس شافت الحليب اللي كنت شاريته من اللي قالت عنه فكتبتله كبسوله واحده بس للاسف ولدي ماتقبل اي نوع من الحليب المسموح .

 

[ولد الكويت]

رد: اريد نصيحتكم الله يجزاكم خير

بارك الله فيج ياربي رحمتك على المعلومات القيمه والمفيده بنفس الوقت ..

مشاءلله اا رديت وقريت حاله ولدج مشاءلله مافي توحد على تشخيص الدكاتره عدل ...

وانه الولد كان زين مع الرقيه وحليب الابل .... طيب ليش ماتستمرين عليهم ..

انا شاك انه نفس او عين اصابته الله يشفيه .....

 

[ياربي رحمتك]

رد: اريد نصيحتكم الله يجزاكم خير

هلا اخوي (بدر الكويت )جزاك الله خير علي دعائك واهتمامك والعالم الله هل ماحدث عين اولا ؟
الرقيه ان شاء الله مستمره عليها اما الحليب فهو السبب في تحسن ابني سابقاً بعد الله ولكن للاسف لم اعد اجد الطازج فأحضره الآن من محلات الشويخ وولدي صارله انتكاس ولا اعلم هل هو بسبب انه ببداية العلاج او ان الحليب به سكر؟الله العالم واسأل الله ان يكشف ضرهم جميعاً وبسفيهم شفاءاً لايغادر سقماً .*

 

[ياربي رحمتك]

رد: اريد نصيحتكم الله يجزاكم خير

ومن ناعية ان مافيه توحد نعم وسبحان الله كنت لما ادخله اي عياده يلفت النطر بكلامه علي صغر عمره والآن ربي لك الف حمد يلفت النطر ببكاءه وصراخه والله اني في معركه لما اشيله صاراخاف من الاماكن العامه واعراض التوحد اكثرها فيه لدرجة احيانا اقول يمكن تشخيص الدكتوره غلط ؟جلّ من لا يسهو ولكنه لما سوتله اختبار كان اتملل ويدور في المكان وتقول خليه علي راحته وتراقبه شوي الارد لها مره ثانيه قالت مادام رجع اطالع شنو عندي معني هذا انه مافيه نهائي توحد لان التوحديين مايسون هذه الحركه الله اشافيه واسافي بنتك وابناء المسلمين جميعاً

 

[مسك]

رد: اريد نصيحتكم الله يجزاكم خير

ياربي رحمتك ماشاءالله عليك
كل اللي كتبتيه عن عبير عوض كان نفس سيناريو ولدي علي بس تصدقين انها لما سكرت علي انا وزوجي الباب وخلت علي عن الاخصائيه الفلبينيه علي يدورني ويفتح الغرف يدور علينا اناوابوه وفتح باب الغرفة اللي إحنا فيها وركظ وحظني؟؟؟؟؟
قتلها دكتوره طالعي علي جاني
قالت ولدك عنده توحد والسبب عدم التركيز ونايف لغه تواصل
بس حبيت اسالك انت سويتي التحاليل بالبشر والكاظمي أللي هي التسمم بالمعادن وتحليل الشعر
اذا سمح لنا ولد الكويت تكون المناقشة بموضوعه الله يشافي عيالنا

 

[ولد الكويت]

رد: اريد نصيحتكم الله يجزاكم خير

هلا اخوي (بدر الكويت )جزاك الله خير علي دعائك واهتمامك والعالم الله هل ماحدث عين اولا ؟
الرقيه ان شاء الله مستمره عليها اما الحليب فهو السبب في تحسن ابني سابقاً بعد الله ولكن للاسف لم اعد اجد الطازج فأحضره الآن من محلات الشويخ وولدي صارله انتكاس ولا اعلم هل هو بسبب انه ببداية العلاج او ان الحليب به سكر؟الله العالم واسأل الله ان يكشف ضرهم جميعاً وبسفيهم شفاءاً لايغادر سقماً .*

بعض الناس فيه فزه تطرح الطير من السماء .. ومايذكر اسم الله يكفينا شرهم ...

ياليت تستمرين علي حليب الابل تراة زين حتي حقنا احنا وطبيعي .. قولي حق ابو الولد

يرووح البر شكثرهم اهل الابل مايقصرون ومايردون احد مايبون غير الدعوه بظهر الغيب

وبما انه الدكتوره عبير قالت مافي توحد لا توسوسين ان شاءلله خير .. يمكن تشتت انتباه

وتاخر بالنطق .. وهذة يبيلها صبر ومثابره بالعلاج ويتحسن وتشوووفينه معرس ان شاءلله

 

[ياربي رحمتك]

رد: اريد نصيحتكم الله يجزاكم خير

آمين وجزاك الله خير علي الاهتمام والمشاركه واللهم آمين
اسأل الله الشفاء لابني وابنتك وابناء المسلمين اجمعين

 

[ام البراءه]

رد: اريد نصيحتكم الله يجزاكم خير

فعلا والله اوافقكم الراي علئ ان التوحد عين طالما ان العلماء لم يكتشفوا ماهي مسبباته فهي بلا شك عين
ياجماعه الخير ابني عندما ارقيه وهو في قمه النشاط يبدا بالتثاؤب والنعاس وينام قرير العين برايكم ماهو السبب ؟

 

[ولد الكويت]

رد: اريد نصيحتكم الله يجزاكم خير

ياربي رحمتك ماشاءالله عليك
كل اللي كتبتيه عن عبير عوض كان نفس سيناريو ولدي علي بس تصدقين انها لما سكرت علي انا وزوجي الباب وخلت علي عن الاخصائيه الفلبينيه علي يدورني ويفتح الغرف يدور علينا اناوابوه وفتح باب الغرفة اللي إحنا فيها وركظ وحظني؟؟؟؟؟
قتلها دكتوره طالعي علي جاني
قالت ولدك عنده توحد والسبب عدم التركيز ونايف لغه تواصل
بس حبيت اسالك انت سويتي التحاليل بالبشر والكاظمي أللي هي التسمم بالمعادن وتحليل الشعر
اذا سمح لنا ولد الكويت تكون المناقشة بموضوعه الله يشافي عيالنا

حياااج الله اختي مسك ....

مسموحين لو تبون تصكرون الموضوع .. لي الشرف مشاركتكم ونصايحكم المفيده

 

[ياربي رحمتك]

رد: اريد نصيحتكم الله يجزاكم خير

اختي (ام البراءه )مابي افتي ولكن الذي اسمعه ان التثاوب من اعراض العين
اللهم اني اسأله ان يشفي ابني وابنك وجميع ابناء المسلمين

 

[ياربي رحمتك]

رد: اريد نصيحتكم الله يجزاكم خير

مرحبا اختي (مسك ) اود ان افهم الموضوع وسأشحن جهازي واناقشك في نقطه تكلمت عنها الدكتوره.
اود معرفة هل عندك طفلين الاول علي وبه توحد
والثاني نايف وبه ضعف تواصل
ولا انا فاهمه غلط
بعد الاحابه عنه سأرد عليك .
اما بالنسبه لك اخي (ولد الكويت )اكرر تهنئتي بسلامة بنتك.
وبما انك تطمنت عليها فمن رايي بالفعل سنسكر الموضوع بعد اذنكم ولكن لنا طلب ان تطمنا عليها كما وعدتنا بعد زيارتك لدكتوره عبير.
ولي طلب لجميع الاعضاء المشاركين من الكويت (نبي نفتح موضوع نفس اهل قطر لنناقش ونكتسب خبره من بعض عن الحضانات واسماء الاخصائين تعديل السلوك والنطق والتخاطب ومكان بيع اكل الحميه )لنأخذ بيد الاعضاء الجدد ولنتساعد فيما بيننا ولكم مني كل الشكر

 

[ياربي رحمتك]

رد: اريد نصيحتكم الله يجزاكم خير

بالنسبه لاجابة سؤالك اختي (مسك)سألت الدكتوره عبير عن خوفي ان ابني فيه تسمم بالمعادن او الزئبق وطلبت منها تحليل المعادن اجابتني انه لايحتاج ثم قالت كيفك اذا تبين وهنا احسست انه لافائده منه بما انها لم تطلب من الاساس فسألتها هو ضروري قالت لا لا اعتقد انه يحتاج ومن ناحية. الزئبق قالت لا اظن انه به زئبق فلا اعلم هل في الزياره الثانيه ستطلب هذا التحليل بعد ان يكون اتبع الحميه ونظف تقريباً جسمه وتخلص من الكازين والقلوتين ام لا
ونعم التحاليل في مختبر البشر والكاظمي انتظر اجابتك علي سؤالي

 

[ياربي رحمتك]

رد: اريد نصيحتكم الله يجزاكم خير

ياربي رحمتك ماشاءالله عليك
كل اللي كتبتيه عن عبير عوض كان نفس سيناريو ولدي علي بس تصدقين انها لما سكرت علي انا وزوجي الباب وخلت علي عن الاخصائيه الفلبينيه علي يدورني ويفتح الغرف يدور علينا اناوابوه وفتح باب الغرفة اللي إحنا فيها وركظ وحظني؟؟؟؟؟
قتلها دكتوره طالعي علي جاني
قالت ولدك عنده توحد والسبب عدم التركيز ونايف لغه تواصل
بس حبيت اسالك انت سويتي التحاليل بالبشر والكاظمي أللي هي التسمم بالمعادن وتحليل الشعر
اذا سمح لنا ولد الكويت تكون المناقشة بموضوعه الله يشافي عيالنا

،.،،،،،،،،،،،،،،،،،،،،،،،،،،،،،،،،،،،،
انا جداً متأسفه منك اختي (مسك) بعد الشر عن جميع ابناءك اعتقد انه خطأ مطبعي منك ففهمت الموضوع غلط .
،،،،،،،،،،،،،،،،،،،،،،،،،،،،،،،،،،،،
تقصدين ان ابنك علي به توحد وضعف تواصل

 

[ياربي رحمتك]

رد: اريد نصيحتكم الله يجزاكم خير

لا احب ان اطيل عليك اختي مسك ولكن استغرب تشخيص الدكتوره ففعلاً انه مرض غاااامض .
لان الذي قرأته وعرفته ان الطفل الذي يفقد ابويه او امه بحكم قربها منه وجلوسها اكثر الوقت في المنزل( ليس طفل توحدي ).
وهذا التعليق اقتبسته من موضوع عن التوحد :
*في مراحل الطفولة المبكرة قد يستمر الأطفال التوحديون في تجنب التلامس النظري ولكن يستمتع بالمداعبة أو يتقبل الاحتكاك الجسمي بسلبية ، لا ينمو لديهم سلوك المودة والترابط ، كما أنهم لا يتبعون والديهم في المنزل ، ولا يحسون بالانفصال عند ابتعاد والديهم عنهم ، كما أنهم لا يخافون من الغرباء .
،،،،،،،،،،،،،،،،،،،،،،،،،،،،،
وللامانه كل اخصائي اعرض ابني عليه من ضمن الاسئله التي يوجهونها لي هل يفقدك عندما تخرجين من المنزل وطبعاً كانت الاجابه لا
ووالله والله علي ما اقول شهيد .
انني كنت ارتدي عباءتي واخذ ابني واوقفه عند الباب ولايهتم بي بل يكمل طريقه ويلعب
وكنت ألبس عباءتي وامر من عنده وارمي المفاتيح عند قدمه واطرق الباب بقوه لكي انبهه انني خارجه ولا حياة لمن تنادي وطبعاً كانت اجابتهم ان به سمات توحد.
،،،،،،،،،،،،،،،،،،،،،،،،،،،،،،،،،،،،،،،،،
بعدما استمريت علي (الاستغفار+واعطاءه حليب الابل) ابني بدأ يتعلق بي صحيح انه الآن انتكس ولايركز عدل ولكن الحمدالله اذا خرجت من امامه يفقدني.
،،،،،،،،،،،،،،،،،،،،،،،،،،،،،،،،،،،،،،،،،،،
فأرجو من الله له ولابنك وابناء المسلمين بالشفاء
ولاتشغلين نفسك ياعزيزتي بأسم المرض لان ابني هو نفس اعراض ابناءكم ماعدي المسمي .
كلهم في عنق الزجاجه اسأل الله ان يذهب عنهم هذا البلاء وان يشفيهم شفاءاً لايغادر سقماً*

 

[ام رشود]

رد: اريد نصيحتكم الله يجزاكم خير

الاخت يا رب رحمتك ،، بالنسبه لحليب الابل انا شفته بارض الطبيعه االي بحولي خلف الايوب بس ما جربته. بس اتوقع زين وزوجي اخذ منهم حليب الماعز يقول حلو
وعندهم بعد الكنوا. وهي مثل الشوفان. مناسبه للحميه. تقدرين تسووين منها جريش وشوربه.
انتي. جربتي من كريكمان بودره البطاط. تسوينها مثل الحليب. هذا حليب ولدي من عمر سنتين. قالت لي عنه دكتوره عبير. لما شخصت ولدي بالتوحد بهذا العمر
واذا بتفتحين موضوع. لاهالي الكويت انا اوافقك. بس اشوف اللي من الكويت عددهم شويه. وابسألك عن الاخصائيه الامريكيه. شلونها زينه؟؟ وتتكلم عربي؟؟
وشنو طريقتهاabaاو سن رايز
ويعطيج العافيه*