شاب يكتب قصيدة محزنة عن (امه)

[مرام]

بسم الله الرحمن الرحيم



قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه



يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى الي يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني ​

 

[بقايا الامل]

رد: شاب يكتب قصيدة محزنة عن (امه)

الله يرحم امه
ويصبر صاحب القصيدة
فعلا محزنة كثير
ولكن المكتوب ما منه مفر
شكرا لك مرام

 

[بحر الأمل]

رد: شاب يكتب قصيدة محزنة عن (امه)

أجاد العزف على وتر الوجع
كلمات أثقلتها التناهيد
قصيدة مؤثرة تحكي معاناة واقعية
ولا تخلو من النصائح

انتقاء رائع برغم الألم الطاغي
شكرا لكِ عزيزتي​

 

[ام حسام]

رد: شاب يكتب قصيدة محزنة عن (امه)

اختنا الحبيبه مرام

اولا ارحب بكي وبعودتك الى المنتدى"

كلماااااااات محزنه كثيرا"

كان الله في عون كل من فقد امه الغاليه وخاصه من كان سببا في وفاتها

اسال الله لهذه الام الرحمة وكل امهات المسلمين وان يجمعنا الله بهن وكل موتانا وموتى المسلمين في اعالي الفردوس

 

[الهاربه]

رد: شاب يكتب قصيدة محزنة عن (امه)

ادعو لى ان ربنا يصبرنى على فراق امى ماعدت اطيق

بارك الله فيكى اختى