عشـان انتى مصـرى

[شيرين]

عشان انت مصري
::عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

::عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

::ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

::بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

::هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

::عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف


أعجبتنى نقلتها
أول مرة اشوف كلمة " العماص " فى الاشعار:24:
ومتأثر بالمتغيرا الحديثة التوك توك:2:

 

[محمودالسيد]

مساء اللغة المصرية ههههههههههههههههه
مساء الخير
و الله العظيم كلام في الصميم أنت قلت اللي في نفسي
جزاك الله خير

 

[دكتور مجدى]

اختى الكريمه شرين اى نعم الشعب المصرى مظلوم بس مش للدرجه المريعه اللى انتى بينتيها فى شعرك
يعنى الكلام مش فى الصميم ولا حاجه زى ما قال الاخ محمود

 

[عاشقة الصوت]

شـكــ وبارك الله فيك ـــرا لك ... لك مني أجمل تحية .

 

[فتافيت سكر]

الله يكون في عونه كاتب القصيدة
شكل الدنيا ضايقة به
شكراً لكِ شيرين ودمتِ بخير

 

[ahmed abady]

شيرين..... هو الوضع سىء
بس مش لدرجة ده كما قال الدكتور مجدى
بس اكيد الشاعر ده متفاعل مع رائحة الشعب العامل

انا بحب اشعار الشارع جدا , بس مع الاسف
اكثر هولاء الشعار من الشيوعيين مثل احمد فؤاد نجم

فكرتنى بكلمات اغنية كنت بحبها زمن

رصيف نمرة خمسة

رصيف نمرة خمسة و الشارع زحام
و ساكت كلامنا ما لاقى كلام
تسالى يا خال تدخن يا عم
تتوه المعانى فى لسانى لجام
كلاكس الترولى بيسور ودانى
و شحتة المزين بياكل ودانى
يا نادل باريس تعالى و حاسبنى
و جدول ديونه عشانه و عشانى
و عبد الله رشدى المحامى القدير
بيرفع قضية فى باب الوزير
على عم فكرى بتاع البليلة عشان مرة زعق بصوته الجهير
بقالة الأمانة و نصحى السروجى عاملين شركة فى مشروع بوتيك
و نادوا لعبده الفرارجى يشاركهم فرد بألاطة ما أحبش شريك
و جت واقعة سودة فى سوق الإمام
عشان عم لمعى بتاع الحمام
ما قدرش يوصل لأى إتفاق مع عم سبعى أفندى فى قضية سلام
و أطفال عجايز فى مهد الطفولة
و أفلام قديمة و إعلان كاكولا
تبزنس تعيش لآخر حياتك و لو باعوا فرخة حا تخد عمولة
ترماى بسنجة فى روض الفرج
و أعمار تعدى لييجى الفرج
و لا البحر باين لآخره مراسى لحد راسى من الفرج

 

[شيرين]

مساء اللغة المصرية ههههههههههههههههه
مساء الخير
و الله العظيم كلام في الصميم أنت قلت اللي في نفسي
جزاك الله خير

يا مساء الانوار العربية
طبعا اى كلمات من الواقع
بتكون فى الصميم
نورت أخى محمود السيد:22:

 

[شيرين]

اختى الكريمه شرين اى نعم الشعب المصرى
مظلوم بس مش للدرجه المريعه اللى انتى بينتيها فى شعرك
يعنى الكلام مش فى الصميم ولا حاجه زى ما قال الاخ محمود

هههههههههه يبقى حضرتك مش عايش معانا
أولا مش انا اللى كتبت الكلمات
لكنى على ثقة ان حياة الشعب المصرى
أفظع بكثير .. حتى الشعب الهندى أفضل منه معيشة
ويكفى انها ما زالت وستزال من الدول النامية ودول العالم الثالث
وبعدين الموظفين واللى طالع عيونهم فى المواصلات
الموضوع بيعبر عنهم ولذلك بيشعروا بصدق الكلمات:2:
شكرا لك دكتووور مجدى واضح انك بتغسل بصابون لوكس :15:

 

[شيرين]

عاشقة الصوت / فتافيت سكر

شكرا لكم على التواجد والمشاركة
الدنيا ضايقة بكل الناس يا فتفوتة
هذا بيرجع للشعور الداخلى وتقبل الفرد للاحوال
والظروف المحيطة به ... ومافى من شخص ما مر بالحزن والضيق
مثل ما مر بالفرح والرخاء

 

[شيرين]

شيرين..... هو الوضع سىء
بس مش لدرجة ده كما قال الدكتور مجدى
بس اكيد الشاعر ده متفاعل مع رائحة الشعب العامل

انا بحب اشعار الشارع جدا , بس مع الاسف
اكثر هولاء الشعار من الشيوعيين مثل احمد فؤاد نجم

فكرتنى بكلمات اغنية كنت بحبها زمن

رصيف نمرة خمسة

هو الكاتب عبر حسب ما شاف وشعر بتلك الكلمات
تعبر عن الوضع ،، مش هنقدر نكذبه :2:
الاشعار العامية جمالها فى بساطتها ووصولها
بسرعة للعقل والقلب .. وهذه اغنية عمرو دياب
شكرا لك على التواجد الحلو
وعلى تلك الكلمات للاغنية !:22:

 

[سَرابٌ و تُرابٌ]

عشت بمصر و شفت حالها و كان اليم... ربنا يصلح حالهم و حال المسلمين...

ربنا يكرمك أختي...