شبس خالي من الجلوتين والكازيين في ابوظبي

[شمسه]

السلام عليكم اخواتي

ممكن تعطوني اسم شبسي خالي من الجلوتين والكازين لان ولدي يحب الشبس ودايما يشوفه عند الاطفال اذا في نوع مسموح لاطفال التوحد ساعدوني باسم
هل فعلا ليز شبس ممكن ياكله الطفل التوحدي وما يخرب الحميه حقه

 

[ام البراءه]

رد: شبس خالي من الجلوتين والكازيين في ابوظبي

شمسه هل بتسوين لولدك حميه اذا كنتي راح تسويها اولا سوي له تحليل شوفي ولدك من ايش يتحسس اكثر هل من الجلوتين او الكازيين لاترتكبي نفس غلطتي سويتها من نفسي كان من ولدي انه تعب عليها مره اذا كنتي راح تسويها تابعي مع دكتور عشان يعطيكي بدائل من فيتامينات ومكملات غذائيه راح يستفيد عليها وايد
اما بخصوص السيبس انا سمعت انه ليز بالملح فقط مسموحل لانه خالي من الالوان والمواد الحافظه ​

 

[شمسه]

رد: شبس خالي من الجلوتين والكازيين في ابوظبي

مشكوره اختي ام البراءه ما قصرتي انا سويت فحص الحساسيه الي هي فحص عينات على الظهر قال الدكتور انه ما في حساسيه لكن الي عرفته ان فحص مرضى التوحد للحساسيه عن طريق البول اعزكي الله
المهم انا قلت ببدا الي اقدر عليه بخفف قد ما اقدر لين ما اقدر امسك الحميه صح الله يعيني يا رب صراحه وايد مكلف اكل الحميه

 

[كفاح مثمر]

رد: شبس خالي من الجلوتين والكازيين في ابوظبي

مرة قريت لريم طريق شبس تسوينها في البيت طبعا جربتها وكانت فعلا روعة ما تفرق عن ليز

شوفي بعد ما تقشري البطاطس بنفس المقشرة قشري البطاطس راح تطلع معك دوائر رقييييقة جدا انقعيها بموية وملح وصفيها ورشي عليها ملح شوية بعدين سخني زيت في قدر عمييييق وسقطيها في الزيت على شوية شوية عشان ما تلصق في بعضها ولما تبدا تقرمش على طول طلعيها على ورق نشاااف يمتص الزيت وممكن تظل معك الشيبس مخبأ عدة ايام هذا اذا ما اكلتيها انتي ههههههه

 

[شمسه]

رد: شبس خالي من الجلوتين والكازيين في ابوظبي

يا سلام على الطريقه الحلوه اكيد انا الي باكله :bb (13):