أشهر جُمل للامهات والاباء فى مصر !!

[شيرين]

هذا الموضوع قرأته واعجبنى جدا اتمنى يعجيكم

أشهر جمل بيقولوها الأب و الأم في مصر ...

* ربنا يرزقك بعيل يوريك اللي ورتهوني .

* جتها نيلة الى عايزة خلف تيجى تتفرج .
* امشى جاتك مشش فى ركبك.

* رحلة ايه ان شاء الله, على أيامنا ماكوناش بنتطلع زفت رحلات .

*أوعا حد يضحك عليك ويقولك جرب السيجارة دي.

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

* بلاش أكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انت كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* متفتحش الباب لحد و انت لوحدك و متدلدلش راسك من شباك العربيه .

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟!

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صا..

* ماتتأخرش علشان عندك كلية بكرة بدرى.

* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لمـا يــــــخدك .


* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي سدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صا.. بره البيت .

* مالكش دعوة بالسياسة .. وماتمشيش في مظاهرات .

* احمد ربنا الاكل الى مش عجبك ده فى ناس مش لقينه .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.


* ومن اشهر الجمل الى بتتقال كل يوم بعد الاكل :
انا مش الخدامه اللي اشترهالكوا ابوكوا اللي ياكل في طبق او يشرب في كباية
يغسلها ما يركنهاش في الحوض.


* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركز والناس ماشيه حوليه فى الشارع...

:::::::::::::::::::::::::::::::::

 

[شيرين]

السابق كان الموضوووع وهذه كانت مشاركتى بالرد :2:


ههههههههههههههههههههه هههههههههههههههههه ههههههههههههههه

ههههههههههههههههههههههههههههههههه

اى والله ومين فينا ما سمع قاموس الجمل دى يوميا

أيام دراستى اشهر كلمة والدتى كانت تسمعها لى ليل نهار

" السنة اللى أولها نوم أخرها نوم " :15:


عســـــــــــل عســـــــــــــل ... والله كنت هموت من الضحك

مين الرايق والمتعذب اللى جمع هذه الجُمل ..

وفى كمان اهم حاجة " ما تتكلمش كثير فى التليفون عشان الفاتورة عالية "

اى والله وواضح ان الكلمات دى وراثة فى الامهات ..

اقتباس

* كنت فين لحد دلوقتى يا صا..

واضحة قووى دى ههههههههههه ، فعلا مفيش داعى لتكملتها !

اقتباس

* انا : ياماما بقه ايه ده ؟؟؟
ماما:مووو لمـا يــــــخدك .

اللى عندنا بتقول .. يتنفخك ! هههههه

ومن زمان عايزة افهم يعنى ايه يتنفخك او حتى مووو اصلا ! دا بعبع ولا ايه !

اقتباس

* احمد ربنا الاكل الى مش عجبك ده فى ناس مش لقينه .

الحمدلله ... والله كنت بعتقد ان الكلام ده عندنا فى البيت بس

اتضح انها كلمات وطنية بس أهدافها خير ومشروعة !

الموووضووووع فانى فانى :24: :24:

 

[ahmed abady]

الكلمات ده كانت تخنقنى زمن
بس بصراحة عندهم حق

 

[ميسون قصاص]

كلام موجود بكل اللهجات ... ولكن في كثير منها صواب وإن أخطأ الأمهات الأسلوب ...
مشكورة حبيبتي شيرين ...
ودمت بخير ...

 

[ندى الورد]

انا سامعتهم بس كلها بالافلام ومسلسلات المصريه

تشكراااااااااااااات شيرين