شوفوا الاجانب بيعلموا ولادهم ازاى .. القراءه فى عمر سنة ونص !!

[زهرة برية]

شوفوا الاجانب بيعلموا ولادهم ازاى .. القراءه فى عمر سنة ونص !!

السلام عليكم

يارب الجميع بخير

يا جماعه والله انا احترت جدا
انا شفت فيديوهات لاطفال داون اجانب
وشفت طرق تعليهم ورعايتهم وعجبتنى جدا

وقلت ليه ما يحصلش كده فى بلادنا العربية
واطفالنا يتمتعوا بالرعاية والاهتمام ده زى الاطفال فى الخارج
حتى طرق تعليمهم مختلفة عنا

هل اطفالهم بيكونوا احسن من اطفالنا من حيث التعلم؟
وليه وايه السبب؟

يمكن لان فى البلاد العربية بيكون الاعتماد الكلى على الاهل
فى التعليم والتدريب .. ولان مراكزنا هنا ينقصها حاجات كتير ابتداء من الضمير المنعدم
وانتهاء بقلة الخبرة وعدم القدرة على التعامل السليم معاهم؟

طبعا مش بعمم ولكن دة الغالبية العظمى منهم

وتفتكروا ايه الحل السليم؟
ناخد خبرة احسن من الغرب فى كيفية تعليم اطفالنا
ونحاول نقلدهم .. طبعا التقليد ده جائز ومهم مش تقليد اعمى وخلاص لعاداتهم
لانهم فعلا بيهتموا بيهم وبيعرفوا يخلوهم اشبه الاطفال الطبيعيين بشكل كبير


شوفوا معايا الفيديوهات واترك لكم التعليق فى النهاية


ده فيديو بيعلموا الطفل القراءه بشكل الحروف ووصفها بالفعل
عمره سنة و5 شهور

https://www.youtube.com/watch?v=c8hJaxrOsIQ

https://www.youtube.com/watch?v=hKQ2cUXNNEo


فيديو فيه طفل عمره سنتين رائع
وفى شاب عمره 19 سنة حاصل على عدة جوائز
ومعهم طبيب بيشرح كيفية حدوث المتلازمة

https://www.youtube.com/watch?v=cfQCQDBHu1o



دى بنت عمرها 25 سنة بتتكلم عن نفسها وشغلها وحياتها
ببتكلم بشكل جميل ونطقها واضح
انا لحد النهاردة ما شفتش طفل داون عربى بينطق الكلام بشكل كويس

https://www.youtube.com/watch?v=6HdyO8mdKJA

وده شاب نفس الكلام بردو بيتكلم عن اصابته بالداون وشغله وحياته

https://www.youtube.com/watch?v=TIcbFrt4F_c



معلش يمكن تزعلوا منى
او تقولوا نظرتى متشائمة
ولكن بجد انا زعلانه جدا للفرق الواضح بيننا وبين الغرب

دمتم بخير

​

 

[ام الحلوحمودي]

رد: شوفوا الاجانب بيعلموا ولادهم ازاى .. القراءه فى عمر سنة ونص !!

رد: شوفوا الاجانب بيعلموا ولادهم ازاى .. القراءه فى عمر سنة ونص !!

عزيزتي زهرة برية بوركت اناملك على هذا الموضوع 000
حقا لكم نتمنى ان تكون المراكز والمدارس بالمستوى الذي يرقى به اولادنا بنفس المستوى 000
في الغرب مبدا الاهتمام بالفرد مهما كان وايمانهم بان ذلك يطور مجتنعهم وجعل كل افراده منتجين فاعلين في المجتمع هو هذف اساسي

عن نفسي افتح المقاطع وافتش وابحث واكثر المقاطع والافكار وحتى اوراق العمل لكل الدروس اخذها ن مواقع اجنبية صحيح توجد منها في المواقع العربية ولكن بشكل محدودوتكون مقتبسة من مواقع اجنبية اما في المواقع الاجنبية ترين الافكار والاساليب المتنوعة
ياالله كم توجد افكار حلوة وجميلة وسهلة وطرق وتوجيهات حتى طريقة تقييم للتخاطب موجود بالتفصيل 00
ولا تساليني عن الكتب المبسطة المفيدة العملية التي تشرح وتفيد كل ام واب وتمدهم بمعلومات وافية كافية عن كل صغيرة وكبيرة وتوفرلهم برامج في المنزل

تعرفي في العرب الطفل عندما يبلغ 4 سنوات يجب ان يدخل مدرسة والاهناك غرامة للوالدين وهذا يشمل حتى ذوي الاعاقة ويدخلوهم مدارس عادية في البداية كتجربة لمده اربعة اشهر واذا نجح الامر معهم يكمل الطفل ذوي الاحتياجات الاخاصة دراسته في المدارس العادية واذا وجدو ان الطفل يحتاج ان يدخل مدرسة او مركز خاص لذوي الاحتياجات الخاصة يوجه الى هناك


شكرا لك اختي عل الموضوع الرائع ودمتي بود

 

[زهرة برية]

رد: شوفوا الاجانب بيعلموا ولادهم ازاى .. القراءه فى عمر سنة ونص !!

رد: شوفوا الاجانب بيعلموا ولادهم ازاى .. القراءه فى عمر سنة ونص !!

والله معاك حق يا ام حمودى
طرقهم جميلة ومحبوبة اوى للطفل
يعنى بيحببوا الطفل فى التعليم وتقبل الاوامر

والله لو بامكانى اسافر واعيش بره عشان خاطر سيف
كنت عملت كده
لكن للاسف مش حينفع

نفسى والله ولادنا يبقوا زيهم واحسن
ونفسى الدلوة والمجتمع يحس بيهم ويقدرهم ويوفر لهم حياة كريمة ادمية
لكن للاسف على ما ده يحصل نكون عدينا قرون من الزمن
ويمكن ما يحصلش

بس ياريت حضرتك تنزلى لنا الفيديوهات اللى شفتيها ونوهتى عنها
فى موضوع خاص ليكى
علشان الكل يستفيد

جزاك الله كل خير ياقمر
وبارك لك فى حمودى السكرة

 

[ام الحلوحمودي]

رد: شوفوا الاجانب بيعلموا ولادهم ازاى .. القراءه فى عمر سنة ونص !!

رد: شوفوا الاجانب بيعلموا ولادهم ازاى .. القراءه فى عمر سنة ونص !!

باذن الله انزل لكم صور وفيديوهات ومواقع جميلة جدا وكتب رائعة واكتب لكم ماهي الاشياء التي استفدت منها ولكن امهلوني بعض الوقت 0000

دمتي بود اختي الكريمة وكل اسرتك

 

[زهرة برية]

رد: شوفوا الاجانب بيعلموا ولادهم ازاى .. القراءه فى عمر سنة ونص !!

رد: شوفوا الاجانب بيعلموا ولادهم ازاى .. القراءه فى عمر سنة ونص !!

تسلمى يارب
على ذوقك

براحتك طبعا
واحنا فى انتظارك