شويه مصطلحات فلسطينية..... روووووعــــة

[بنت فلسطين 6]

شويه مصطلحات فلسطينية قح

يعني غزاويه ع مجدلاويه ع حماميه ع نابلسية ومن هنا مشكل يعني



بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

ككسة = كيكة

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة ههههههههه

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور الكاز)

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية

ونجك حالك = يعني زبط حالك

روق يا ضاوي = يعني وحد الله يا مجنون

على بلاطة = يعني من الآخر

كوشي = يعني اسود

شكشوكه = (اكله) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الدالية = هي شجرة العنب

يقال تعال نقعد تحت الداليه بمعني هيا بنا نجلس تحت شجرة العنب

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر

اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية متلجة = مياة مثلجة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة

كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية كلمه مصريه يتداولها اهل غزه

افتح مخك وطقطق دنيك = ركز معي الله لايسيئك مصريه ايضا

تلقحيه = واحد رامي حالو علينا مصريه

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح

قح = عالاخر

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ اسمها طنجره

الحين = الان بس احنا النا بعد تانى عن الحياه ( حمامي) ههههه

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط

الخوصة = السكين

شرشف = ملاية

جربان = شراب (في الرِجل بلبسوه)

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

سجرة = شجرة

اسكومية = يعني ايس كريم (الدلع)

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحي

مستهلسكو = يعني مش معبركو

مطعوج = من الفعل انطعج

والمصدر تاعو انطعاج وهو الشء المعوج

فشكة = بيت الرصاصة الفارغه...

ازعق عليه = نادي عليه

ضلك كاوي = ضلك ماشي على طول (نفس الطريق)

يختي = اسلوب نداء للمؤنث

يخو= اسلوب نداء للمذكر

بعكش = فتش = ابحث = دور

بسكليت = يعني دراجة

بنكش راس= بمزح

أنطي = معلمه =أبلة

عرسة= فأر كبير





مع تحياتي:22:
​

 

[فارس عمر]

رد: شويه مصطلحات فلسطينية..... روووووعــــة

اجمل شي . اطلاعنا على الكلمات المحلية المتداولة في كل بلد عربي .
بقترح على شي مهتم .
ان يعمل قاموس لكل كلمة محلية وماذا يقابلها باللهجات المحلية الرئيسية .
يعني :
كلمة محلية من بلاد الشام : التي تضم سوريا ولبنان وفلسطين والاردن .
يقابلها معناها باللهجة الخليجية . وان تعددت اللهجات الخليجية لكن الجميع من اهل الخليج يفهمها .
يقابلها معناه باللهجة المصرية والسودانية
يقابلها العراقية ويقابلها المغربية
شكرا لك اختي بنت فلسطين عرفتي الجميع على كلمات من اللهجة الفلسطينية خاصة والشامية عامة

 

[بنت التحدي]

رد: شويه مصطلحات فلسطينية..... روووووعــــة

يسلمووووووووووووووووووووووووو بنوته
كلمااااااات معروفه ومستخدمة بين الشعب الفلسطيني

 

[الامل مع الله]

رد: شويه مصطلحات فلسطينية..... روووووعــــة

تسلمي "بنت فلسطين"
قاموس كلمات ولا احلى :2:
على فكرة عارفه بعضها:19:

دمتي بسلام

 

[خلينا نعيش]

رد: شويه مصطلحات فلسطينية..... روووووعــــة

[align=center]
بس شو مصطلحات من الاخر طلعنا مش قللين
يعطيكي العافيه اختي
[/align]

 

[عيون القمر]

رد: شويه مصطلحات فلسطينية..... روووووعــــة

شكرا بنت فلسطين

انا بحكيلك شي عاللهجة الخليلية من لهجتي ..

هلئيتي = في هذا الوقت

بنص = ناصح او سمين

متكة + مكتة = طفاية او صحن السيجارة

وبس اتزكر بفيدكم شكرا حبيتي ودمت بخير

 

[مـايـبـاخ]

رد: شويه مصطلحات فلسطينية..... روووووعــــة


[align=center]
والله شـي حـلـو

اتـعـرفـنـا ع بـعـض الـمـصـطـلـحـات مـن أهـلـنـا بـفـلـسـطـيـن

يـعـطـيـك الـعـافـيـة
[/align]

 

[سمر خالد]

رد: شويه مصطلحات فلسطينية..... روووووعــــة

يا روووووحي عليكي يا بنت فلسطين ، أحلي كلام و اللة
بس عندي طلب كتير صغيييير منك اذا ممكن ​

و هو ​

أمانه عليكم و أبوس إيديكم ما حدا يجيب سيرة أسماء الاكلات الفلسطينية ، بلاش فضايح و خلي علاقتنا كويس مع الشعوب العربية :16:​

إييييييييييييييييوه​

 

[بنت فلسطين 6]

رد: شويه مصطلحات فلسطينية..... روووووعــــة

مشكورين على مروركم الكريم

اختي سمر ولو ليش زعلتيني منك

مالها اسماء اكلاتنا

المطبخ الفلسطيني مشهور باكلاته اللذيذه

وكمان اسمائهم مش غريبه لهاي الدرجه

على العموم شكرا لردك الظريف وبدون بوس ايادي

 

[لياني]

رد: شويه مصطلحات فلسطينية..... روووووعــــة

طلعت حوبة
لحد الان في كلمات لساتني بتعلمها
وكلمات اول مرة اسمعها

رمزون = إشارة مرور ضوئية

غريب
نحن منقلها رمزور مو رمزون


سمر
هههه الاكلات الفلسطينية اسماءها حلوة طبعا مو الي عزمن اجدادي الي اول مرة اسمعها

 

[ندى الورد]

رد: شويه مصطلحات فلسطينية..... روووووعــــة

يعطيج العافيه يا بنت فلسطين