التنبيهات
  التصفح للزوار محدود

اصله حماااااااااااار

ايندا برزنجي

ايندا برزنجي

Well-known member
مدرس جا تله بعثة لدولة أوروبية ، فأخد مراته وراح
هيَّ تسع شهور ومراته حامل وجابتله واد أبيض ، وشعره أشقر ، وعيونه ملونة !!



الراجل استغرب وسألها : إيه دة ؟



فجاوبته : وانا اعمل إيه ؟ إنت بتروح المدرسة ، وانا بقعد في البلكونة . إشي أوروبي رايح ، وإشي أوروبي جاي . الظاهر إني اتوحمت على واحد أوروبي



فهز صاحبنا راسه وقال لها : إذا الحكاية كدة ، يبأة مافيش مشكلة



بعد فترة جاتله بعثة لدولة في أفريقيا . وكمان هيَّ تسع شهور ومراته حامل ، وجابتله واد أسود ، وشعره أكرت ، ومناخيره

مفطوسة !!




إتنطط الراجل وقال لها : وإيه الواد دة كمان؟


قالت له : وانا اعمل إيه ؟ إنت بتروح المدرسة ، وانا بقعد في البلكونة . إشي أفريقي رايح ، وإشي أفريقي جاي . الظاهر إني اتوحمت على واحد افريقى



فهز صاحبنا راسه وقال لها : إذا الحكاية كدة ، يبأة مافيش مشكلة



خلصت مدة البعثة ، و رجع الراجل على بلده ، وراح يزور أمه في الفلاحين



الست استغربت وبلـِّمِت ، وسألته : مين العيال دي ؟


قال لها : ولادي



قالتله : إزاي يعني ؟


فشرح لها إن مراته مرة اتوحمت على أوروبي ، ومرة على أفريقي


فهزت أمه راسها وقالتله : تعرف يا ابني أنا كمان حصل معايا كدة وقت ماولدتك .


قال لها : معقول يا امـَّه ؟ ماحكتيليش يعني قبل كدة . ها إيه اللي حصل ؟



قالتله : أبداً ........ أبوك كان يروح الأرض وأنا قاعدة في الدار، إشي حمار رايح ، وإشي حمار جاي​
 
رد: اصله حماااااااااااار

ههههههههههه
يعني ابنها حمار صدق كلام مراته
تخيل مرة رجل فعلا اسمر تزوج سيده شقراء وانجبت له طفل ابيض وشعره ذهبي مثل امه
تخيلوا زوجها عدمها من الضرب وشك في سلوكها
هو جاهل ما يعرف في الصفات الوراثيه
والله السيده كانت في كل مرة تنجب تدعوا الله يكونوا سمر البشرة كابيهم لتترحم من العلقه السخنه
 
رد: اصله حماااااااااااار

ههههههههههههه
خطيرة

شكرا ليك
لهدرجة حمار
 
يجب تسجيل الدخول أو التسجيل كي تتمكن من الرد هنا.

عودة
أعلى