سما خلصت الكورس يا ولاد

[علا]

السلام عليكم ورحمة الله وبركاته
مع بداية عام جديد ويارب يكون سعيد على الجميع وسعيد على بلادنا العربيه جميعا
اول حاجه حلوة تظهر للسنة الجديدة
سما انتهت والحمد لله رب العالمين من كورس التمكين الاسرى بمركز سيتى ( كاريتاس مصر )
كنت كتبت عن البرنامج واهدافه فى موضوع تطور سما وان شاء الله هكتب عن ازاى اى ام تقدر تضع بنفسها البرنامج اللى تقدر تعرف بيه ابنها على اى هدف هى عاوزاه عن طريق خطوات سهلة وبسيطة ان شاء الله

شوفوا سما فرحانه بنهاية المذاكرة ازااى














وده جانب من الادوات اللى صنعناه فى سبيل وصول الهدف للطفل دى ادوات سما

 

[ام محمود]

رد: سما خلصت الكورس يا ولاد

ماشاء الله مبروك ياسمسمه الكورس
شهاده معتمده ماشاء الله عليكي
عقبال المدرسه
قموره وانتي بروب التخرج مكسوفه يا خرابي علي كسوف سما براءه فعلا الله يحميها ويكلل تعبك بالفرح ياعلا يارب
جدا حلوة الوسائل الايضاحيه متعوب عليها فعلا الله يعطيكي العافيه وكويس ان المركز بيجعل الاسره تتفاعل وتصنع الالعاب
علا
ممكن تكتبي هنا عنوان المركز وارقام تليفوناته
عاوزين نفيد كل ام بالمراكز المحترمه التي تتنتج فعلا

 

[ايمان سيف]

رد: سما خلصت الكورس يا ولاد

كل عام وانتم بخير وعام جديد عليكم وسعيد يارب
مليون مبروك يا سمسمة يا قمروعقبال ما نشوفك بروب التخرج من الكلية ان شاء الله
ويفرح قلبك يا علا بجني وسما يارب
ماشاء الله عليها قمورة ياسما
شكل الوسائل الايضاحية جميل اوي علا شوقني اعرف واطلب منك شرح
ما هو البرنامج بجانب الخطوات بالتفصيل وايضا كيفية عمل الادوات كل علي حده حتي نستفيد جميعا لان الادوات عجباني جدا
وكمان صورة سما الابيض والاسود جميلة وهي في روب التخرج كسوفة قمر ياخواتي عليها ربنا يحفظها
وجعله الله في ميزان حسناتك علا ويباركلك في سما

وبموضوع اختبارات الذكاء اتمني منكي مراجعته ياعلا للاهمية شكرا علي جهودك لمنفعتنا نفع الله بك

 

[أم التوأم]

رد: سما خلصت الكورس يا ولاد

مبروووووووووووك ياسمسمة الشهادة الرائعة، انتى متفوقة حقا وشكلك يجنن بالروب ، عقبال الجامعة يارب.
علا: ماشاء الله واضح انه كان كورس مكثف وشكللكم تعبتو كتير فيه، فهنيئا لكى ولسما النجاح،
ودائما للامام والتفوق يارب.
واحنا فى انتظارك لما الاجازة تبتدى ، تكتبى لنا عن الدورة وعن اختبارات الذكاء،لكى نستفيد من خبرتك بالمركز.
تحياتى لكى ولسما وجنى والاسرة جميعا وعام سعيد ان شاء الله.

 

[علا]

رد: سما خلصت الكورس يا ولاد

ام محمود...ايمان.... ام التوأم .ربنا يخليكم وشكرا لتهانيكم الجميلة وده كله وراه تشجيعكم للجميع هنا فى المنتدى وان شاء الله نكمل المشوار مع بعض على خير
ان شاء الله هكتب العناوين ام محمود وسبق انى كتبتها فى موضوع لكى تجميع مراكز التدريب والتأهيل لكن هكتبه تانى وكمان البرنامج وازاى نحقق الاهداف وندرب لالاولاد عليها ما هما امتحنونى انا كمان فى كده وكانت نتيجتى جيد جدا والحمد لله وان شاء الله الاسبوع اللى جاى هفتح موضوع نبتدى فيه البرنامج ولو عاوزين كل هدف بهدف مفيش مشكله بأدواته كمان هصورها منفردة واقولكم ازاى ننفذها والاسبوع اللى جاى علشان تكون جنى كمان خلصت امتحاناتها وبالى يرتاح شويه واى استفسارات انا حاضرة ومش عارفة بالنسبة لموضوع اختبارات الذكاء يا ايمان من عيونى ان شاء الله هنزل الصور تانى المشكله ان حجمها كبير لكن اتعلمت خلاص اصغرها ازاى وان شاء الله يكون الموضوع صوره كويسه

 

[القبطان عادل]

رد: سما خلصت الكورس يا ولاد

الف الف مليوم مبروك يا سما
الله واكبر عليك ياجميلة
بسم الله ماشاء الله ربنا يحميك ويخليك يارب
عقبال الجامعة امين يارب

 

[علا]

رد: سما خلصت الكورس يا ولاد

ربنا يخليك قبطان عادل ويارب يسعدوا قلوبنا كلهم ونقدر نحقق له الاهتمام الكافى بهم

 

[ألم الأمل]

رد: سما خلصت الكورس يا ولاد

ما شاء الله عليها قمر ربي يحفظها لكم
وإن شاء الله من تميز لتميز أخر أكبر

 

[ملكة الاحساس]

رد: سما خلصت الكورس يا ولاد

الف مبروووك النجاح وعقبال دخول المدرسه صورتها و هيه لابسه الروب تجنن
​

 

[أم آية المصرية]

رد: سما خلصت الكورس يا ولاد

ماشاء الله تبارك الله ولاحول ولاقوة إلا بالله
ألف مبروك ياسمسمة وعقبال شهادة التخرج الكبير ة بإذن الله

 

[بيبى]

رد: سما خلصت الكورس يا ولاد

الف مليون مبرووووووووووووووووك يا سمسمه ياحببتى وعقبال الجامعه يارب
قمر ما شاء الله بروب التخرج بوسه كبيره ليكى
وربنا يجزيك خير يا علا ويفرح قلبك بجنى وسما
وسنه سعيده عليكوا يا رب

 

[علا]

رد: سما خلصت الكورس يا ولاد

ربنا يخليكم لى ولسما ده وراه تشجيعكم ليا ولها وان شاء الله مع بعض هنكمل مشوار اولادنا كلهم

 

[ام النور]

رد: سما خلصت الكورس يا ولاد

مبروك ياحبيبتى وعقبال ما تخلصى المرحلة الابتدائية انا على فكرة اعرفك ابنى اخد دورة تدخل مبكر فى كاريتاس وكمان الان فى الرعاية المتكاملة لو سمحتى عندى سؤال ما هو سن التمكين الاسرى ومدتة وكيفية الاشتراك فية والف مبروك

 

[زهرة برية]

رد: سما خلصت الكورس يا ولاد

الف مبرووووووووووووووووووك ياقمر
شكلها عسولة خالص ما شاء الله

ربنا يخليهالك ياعلا
وتبقى فى احسن المراكز ان شاء الله

انا كانت فى واحده فى مستشفى نصحتنى بمركز كاريتاس مصر
بس بصراحه ماروحتش لانى مش متأكده من انها كويسه او لا
بس ان شاء الله حروح واشوف نظامهم لان سمسمة اعطتنى امل
واحب اعرف بيقبلوا الاطفال من عمر كام

واحنا فى انتظار العناوين والتفاصيل

 

[ترياق]

رد: سما خلصت الكورس يا ولاد

ألف مبروك يا سمسمة. و عقبال ما شوفك في فستان الفرح يا رب

 

[علا]

رد: سما خلصت الكورس يا ولاد

مبروك ياحبيبتى وعقبال ما تخلصى المرحلة الابتدائية انا على فكرة اعرفك ابنى اخد دورة تدخل مبكر فى كاريتاس وكمان الان فى الرعاية المتكاملة لو سمحتى عندى سؤال ما هو سن التمكين الاسرى ومدتة وكيفية الاشتراك فية والف مبروك

نورتى الموضوع ام النور
شكرا لتهنئتك
احنا بدأنا التمكين الاسرى وسما ان عندها 3 سنوات ونصف تقريبا
ومن ضمن توصياتنا فى حفل التخرج للمجموعات الجديدة انهم يطولوا الكورس شويه علشان تدخل معاه مهارات ما قبل الاكاديمى
اما عن طريق الاشتراك لازم تعملى مقابلة مبدئية بالمركز هما بيوجهوكى للخطوة اللى بعدها لان فيه انتظار كتير عندهم
وان شاء الله اشوفك فى الرعاية انا موجوده هناك كل يوم اثنين ان شاء الله

 

[علا]

رد: سما خلصت الكورس يا ولاد

الف مبرووووووووووووووووووك ياقمر
شكلها عسولة خالص ما شاء الله

ربنا يخليهالك ياعلا
وتبقى فى احسن المراكز ان شاء الله

انا كانت فى واحده فى مستشفى نصحتنى بمركز كاريتاس مصر
بس بصراحه ماروحتش لانى مش متأكده من انها كويسه او لا
بس ان شاء الله حروح واشوف نظامهم لان سمسمة اعطتنى امل
واحب اعرف بيقبلوا الاطفال من عمر كام

واحنا فى انتظار العناوين والتفاصيل

تسلميلى ام سيف يارب نشوف ولادنا كلهم زى ما بنتمنى لهم
بالنسبة لكاريتاس هو واحد من المراكز المحترمة واللى بتأدى خدمة كويسة وبيحاولوا يطوروا خدماتهم
والمهم انهم بيحاولوا يثقفوا الام اكتر علشان تتفهم كل التدريبات بتاعة الاولاد
وان شاء الله ابدأ الاسبوع اللى جاى انزفل موضوع سما وهتلاقى كل ارقامهم ان شاء الله

 

[علا]

رد: سما خلصت الكورس يا ولاد

ألف مبروك يا سمسمة. و عقبال ما شوفك في فستان الفرح يا رب

تسلمى يارب ربنا يوفقهم كلهم