سؤال لأم محمود أكرمها الله

[متحدى المستحيل]

رد: سؤال لأم محمود أكرمها الله

السلام عليكم
يا أستاذة علا ياجماعة ماحدش يصدق الكلام ده .... ده ادعاء كاذب وغير صحيح ابدا وانا ندمان انى دخلت المنتدى ده وطلبت المساعدة من حد لأ وايه من واحدة كمان
وياادارة المنتدى ( الذكية ) اللى بتدعى الذكاء والوعى وحماية الاعضاء .. الاستاذة ميادة او زى ما بتسمى نفسها فى النيك نيم ( بسكونة) موظفة وزميلة وتعرف ان عندى بنت معاقة ذهنيا وهيا اللى ارشدتنى للمدونة دى والمنتدى ده وقالت لى ممكن تفيدك
انا بمسك شيفت مسائى وبستعمل نفس الجهاز علشان كده ادارة المنتدى ( الذكية) اكتشفت الواقعة المهولة التى يشيب لهولها الولدان لأ وبالعكس ده بيتجسس على الاعضاء من خلال ايبيهات الاجهزة( وللأسف ظنك مش فى محله) وكنت ممكن تستفسر منى عن حاجة زى دى منى انا بدل الشك ان اتنين على نفس الجهاز بيدخلوا الموقع مع ان ده ذوقيا وقانونيا وادبيا مش من حقك
وانا كنت بتكلم مع ام محمود بكل ادب وذوق واحترام وما زعلتهاش خالص زى ما الادارة بتتدعى عليا .... بالعكس اسلوب ام محمود هو اللى مكنش كويس معايا وكانت بتتجاهلنى باستمرار ومكنتش اعرف السبب
وانا مش بدعى ان عندى بنت معاقة ...... اللى عاوز يراسلنى ع الخاص ويكلمنى واخليه يشوفها انا تحت أمركم جميعا
وبعدين امبارح انا قولت لأم محمود قبل كده الله الغنى عنها وعن علمها .... ومش عاوزه طالما ان محمود بالشكل ده
وقولتيلها كمان ان انا هاعرف انمى قدرات بنتى لوحدى واخليها اجمل بنت فى الدنيا
ايه المطلوب منى بعد ده كله
مبدئيا انا مش محتاج اى حاجة من منتداكم وبشكر الاعضاء المحترمين اللى كانوا بيردوا عليا كويس وربنا يوفقكم
وتانى حاجة اعتقد ان ادارة المنتدى مدينة لى باعتذار
وتالت حاجة كان نفسى الاعضاء اللى بيهاجموا كده وخلاص يستفسروا ويستوضحوا الحقائق بدلا من انهم يمشوا مع التيار كده وخلاص
واخيرا انا ندمان اوى انى دخلت المنتدى ده وطلبت المساعدة من حد منك وخذلنى فى النهاية
وياأم محمود ربنا يخليلك محمود احسن واحد فى الدنيا .... بس انا مش مسامحك ابدا وحيبى الله ونعم الوكيل فيكى

 

[تناهيد]

رد: سؤال لأم محمود أكرمها الله

اخي الكريم
بغض النظر ان كنت بسكونه او لا نحن نرحب بالجميع هنا دون تمييز لكن ايضا من واجب الاداره حماية الاعضاء من بعض المتطفلين والذين فد يضرون بالاخرين
نعم الاداره عرفت انك انت وبسكونه وابوعبيده تدخلون من نفس الجهاز ونعلم ان هناك احتمال انكم اكثر من شخص والخطاء وارد فالادارة بشر وقد يصيب وقد يخطيء وانا اعتذر لك بالنيابه عن الاداره ان كنا قد اسأنا لك مع ان هذا لا ينفس احتمالية انكم شخص واحد
بالنسبه لمدونة ام محمود هي مدونه خاصه لها حرية فتحها للجميع او لاشخاص معينين لاننا جميعا نعلم ان هناك من يتربصون لسرقه مجهود الاخرين ونسبه لانفسهم وعلى العموم ان كنت تود الاستفاده مما في المدونه فالمنتدى يحوي تقريبا كل مافي المدونه او الجزء الاهم مما فيها اما ان كنت تبحث عن حجه للهجوم على المنتدى وام محمود مثل ما بدات به بعضويه بسكونه فذاك شأن اخر