اسئله لو سمحتو

[عبيد بن سعد]

بسم الله الرحمن الرحيم

قبل فتره شرحت لكم حالة الولد وماقصرتوا وجهتوني جزاكم الله خير


واليوم وديته للدكتور عمر المديفر سئلني الاسئله المتعارف عليها

وقالي اللي يبدو لي ان عنده سمات توحد بسيطه جداً وانا مااجزم ان عنده توحد

ولكن المهم سواء عنده توحد والا ماعنده توحد لازم يخضع لجلسات تدريب لفتره وحولني على المركز

السؤال اللي باسئله لكم

ناظر في الولد ولم يتخاطب معه وقال ان ذكاء الطفل طبيعي من خلال نظرتي له

هل يمكنه الحكم على ذكاء الطفل من اول مره

اليكم بعض مالاحظته على الطفل حتى تقيموا من خلال تجاربكم

.....................................................................................
العمر سنتين ونصف
الوزن طبيعي
الطول طبيعي
المشي والحبي والتسنين كلها على الوقت الطبيعي
الكلام بابا ماما ببه ممه دده دادا دودي بابا تليفون يجيب اخرها اون يغنيها ابيه باي ينطقها ياي ويشر بيده اذا قلت سلام مد يده لي يلعب بالكوره يشوتها مره مرتين ولايطول يتركها

الملاحظات

بعض الاحيان اناديه مايلتفت لي وبعض الاحيان يلتفت

اللعب يلعب معي ويضحك ويجبرني على اللعب معه مثل امسك ايديه وامشي به او اضحكه ببطنه او يديه يتخبا ورا الستاره عني واذا قلت وين حمودي وكشفت عنه يضحك

متعلق في كثير ويفرح اليا شافني ويتعلق في بيديه في

يفرفر بيديه اذا فرح يظهر صوت باسنانه ماياكل بيده ولايشرب بيده لكن لدينا تقصيرر في هذا الجانب لم ندربه مره الا ان العصير الربيع يمسكه بيده ويشرب منه ولكن مايطول به

ماهو متعلق بشي بلعبه معينه واي شي اخر ماعنده مشكله في التغيير يعني مايقاوم في لبس الملابس يكمل اللبس كأن يدخل يديه ويساعد امه

حركته ليست بالقليله وليست بالكثيره ولكنه حرك شوي من جدار الا جدار بدون هدف

يخاف يطلع الكنب وينزل بشكل طبيعي ويخاف السقوط يفرح بالخروج من البيت ويبكي اليا رجعته له اذا رددت كلمه يطالع في حركات الفم عندي واحيان ينطق بداية الكلمه ولكن مايطول بالتركيز معي

اذا وضعت يدي على عيوني وتباكيت يجي ويرفع يدي عن عيوني واحسه يتاثر ويتغير وجهه ياخذني بيدي اذا بغي الشي ولاهو دايم ولكن دايم يوديني الباب يبيني اطلعه
هذي ملاحظاتي

اتمنى من تجاربكم الاجابه

والسلام عليكم

 

[ام البراءه]

رد: اسئله لو سمحتو

انا والله اختلطت علي الامور فاعراض ابنك متساويه تماما مع ابني وعنده طيف توحد ودرجته متوسطه واحيان اشوف ناس اعراض ابنهم اكثر من ابني وعندما اسئلهم وش فيه يقولوا لي سمات توحد ووحده اليوم شفتها في المركز مع ابنها شفت ابنها مرتين ابنها مايسمعها ولايركز عليها ولايرد على اسمه وعنده سلوكيات متكرره وعندما سالتها وش فيه قالت تاخر في الكلام سبحان الله!!!! اخلفت المسميات والمرض واحد اخي الكريم مهما كانت درجه التوحد لايهم المهم ان تبدا مع ابنك في تدريبه وتاهيله الاهل هم اكثر الناس درايه من المشخص نفسه وفقك الله لما فيه الخير ​

 

[عبيد بن سعد]

رد: اسئله لو سمحتو

الاخت ام البراء شفى الله ابنائنا جميعاً ومن خلقهم وقدر لهم قادر على ان يخرجهم من ماهم فيه

وانا من النوع الذي لايحب اقناع النفس وانا اعلم انها ليست قناعتي وكثير اشوف انهم يقنعون انفسهم بكلام فاضي

سؤالي على اي شي قاس الدكتور ذكاء الطفل سئلته وقال لي التناسق عنده يوحي بذكاء طبيعي


واصريت على السوال هل عنده توحد والا لا

وقالي الاعراض التي ذكرتها تكون انطباع اول ولكن ليس بالضروره عنده توحد وان كان عنده فهي سمات توحد بسيطه جداً

وقال على العموم عنده والا ماعنده لازم يخضع لجلسات تدريبيه

 

[ام البراءه]

رد: اسئله لو سمحتو

لاادري ماذا تقصد هل تقصد وجهه هل يبدوا عليه انه طبيعي انا لما شخصت ابني في العيادات الشامله شخص من قبل 3دكاتره دكتور اطفال حينما رائ ولدي وقاس حجم راسه قال شكله ومظهره طبيعي فابني يمتع بوجه جميل حتئ الذي يراه يعتقد انه فتاه ومايشك فيه انه مختلف وهذه سمه لاغلب اطفال التوحد يبدون بمظهر ووجه مشرق جميل وشخصه كمان دكتور نفسي واخصاءي اعصاب سالوني ثلاثتهم كم هائل من الاسئله وعرض عليه الدكتور النفسي العاب ومن هنا تم تقيمه على انه مصاب بطيف التوحد طبعا يتم التشخيص على 3جلسات منفصله ​

 

[أم حمود]

رد: اسئله لو سمحتو

هو ماشاءالله عليه شبه طبيعي بهالعمر كم كلمه شي رائع اطفالنا ولاحرف يعني كلام الدكتور صحيح هو فيه شي بسيط جدا من السمات لايدعو للقلق ابدا الله يحفظه ويخليه ويقر اعينكم فيه ياااارب اهم شي دمجه مع الاطفال وعدم تركه امام التلفاز او لوحده فقط واتوقع انه بيصير طبيعي باءذن الله اللي فيه سمه او سمتين من التوحد تختفي باءذن الله سريعا ويكون الطفل طبيعي

 

[أم عزيمة]

رد: اسئله لو سمحتو

أخي سجله في روضة عادية للأطفال الطبيعيين بإذن الله يتعلم منهم بسسسسسسسسسسس قول تأخر نطق لا تقول توحد .​

 

[ام الحب]

رد: اسئله لو سمحتو

صفاته بسم الله عليه كانه ابني انا ابني شخصته د عبير بعد نا ابتديت معاه الحميه بشهرين انه تاخر نطق قالت انه طول ما انه يتواصل بصري ومشاركه باللعب فانه مو توحد لانه التوحد ما يشارك احد في اهتماماته

 

[ام خالد العنزي]

رد: اسئله لو سمحتو

السلام عليكم ورحمة الله وبركاته
انا مع اختي ام الحب
الدكتور محمد السوالمه قال نفس الكلام اللي قالته الدكتوره عبير العوض
وعلى مااعتقد انه الاثنين اطباء دان لعلاج التوحد
وانا مع فكرةالطفل يتعالج طبيا ومن ثم تأهيليا