أسئلة ترفع الضغط

[flower24]

اسئله ترفع الضغط
واللي مامعاه الضغط يجيله الضغط
ومو بس الظغط
القلب وكل شي كل شي
خلـونـــا نشــوف أمثله


# أنت بغرفتك منسدح بالسرير ومطفي النور ومتلحف بالبطانيه >>
يجي أحد أخوانك ويفتح الباب عليك ويقول : تبي تنام !!!

(( لا أبرقص على وحده ونص ,, أكيد أبنام ))

# أنتم معزومين عند ناس ورحتو لبيتهم وأول ما فتحوا الباب لكم : قال
ولدهم " جيتــوا " !!!!!

(( لا رحنـــا ,, أكيد جينا وأنت وش تشوف ))

والعكس : أنت لابس ثوبك وكاشخ ومشخّص بالشماغ وماشي بالبيت متجه لباب
الشارع ,, يجي أحد من أهلك وينادي بصوت عالي : هاه تبي تطلع !!!!

(( لا أبدخل ,, أيه أبطلع ))


أو مثلا راكب السياره وشغلت الموتر شوي وتدوس على البنزين يطلع لك واحد
ويطق على القزاز ,, أنت بكل ذوق تفتح القزازه وتقوله : آمر يالحبيب ؟
يقولك : أنت تبي تمشي !!!

(( لا أبفحط وأسوي خمسات .... أكيد أنا ماشي ))


عزيزتي الفتاة مثلا أنتي بالكليه وقمتي من الطاولة عقب ألف سالفه
وسلافه يتخللها الحش والضحك والغشمرة ورحتي عند الباب تلبسين عبايتك
...
تجي وحده ملقوفه من البنات وتقولك :فلانه مشيتي تبين تطلعين للبيت !!!!

لا أبطلع برا أشم هواء,, أكيد أبروح لـ بيتنا من زين الكليه ))

!!!!مثلا ماسك سماعه التلفون وقاعد تضغط بالارقام يجي أحد من أهلك
ويقولك : تبي تكلم بالتلفون

(( لا أبتفرج عليه ,, أكيد أبكلم ))

مثلا : ماسك مذكرة أو كتاب وقاعد تحفظ ومتحمس .. جاء أحد وقالك : قاعد
تذاكر !

(( لا أطالع التلفزيون ,,, أيه أذاكر ))

تسبح بالمسبح بالاستراحه يجي واحد من خوياك يمر عليك ويقول : فلان تسبح
!!!

(( لا أتروش ... اللي يسمعك ما تشوف أيه قاعد أسبح ))

ولا تعالــو شوفو قنواتنا واسئلتهم البديهيه البايخه ..,,


# برنامج اهداءات يتصل واحد يطلب أغنيه ؟
ترد عليه المذيعه بكل سخافه : أنتا بتحب هي الغنيّة !!!

(( لا ما أحبها بس طالبها أستهبل ,, ايه أحبها ليش أجل متصل ))


# أو مثلا بالعيد جايين يقابلون مع الناس شوفو حوارتهم :
المذيع : مرحبا عرفنا على اسمك ؟
المواطن : فلان الفلاني .
المذيع : وش تقول لأهلك بالعيد ؟!!!
المواطن : أقولهم كل عام وأنتم بخير ..

(( أكيد يبي يقولهم هالعباره أجل وش تبونه يقول بهالمناسبه ))

والأسخف من هالبديهيات اللي تضيع وقتنا اذا قابلو مع بزارينا ,,,

يقول المذيع للبزر : أنت تحب ماما وبابا !!!

(( أيه يحبهم أجل تبي يقول لا ))

المذيع : ايش تسوي بالعيد أكيد تروح لأهلك تسلم عليهم وتقولهم كل سنه
وانتو طيبين !!!!

(( لا أبروح أكفخهم وأسوي هوشه ,,, أكيد أبعايدهم ))

& مدري البديهيات تملا الفراغ ولا سالفة لنا نقولها علشان نغث اللي
عندنا


ملطووش لطشاا قويا

 

[جنرال الاحزان]

المذيع : ايش تسوي بالعيد أكيد تروح لأهلك تسلم عليهم وتقولهم كل سنه
وانتو طيبين !!!!

(( لا أبروح أكفخهم وأسوي هوشه ,,, أكيد أبعايدهم ))


ههههههههههههههههههه

حلوه منك اختي الكريمه ..

تقبلي خالص تحيــــاتي .

 

[المحبة لدينها]

# أنت بغرفتك منسدح بالسرير ومطفي النور ومتلحف بالبطانيه >>
يجي أحد أخوانك ويفتح الباب عليك ويقول : تبي تنام !!!

(( لا أبرقص على وحده ونص ,, أكيد أبنام ))

:11: :11: :11:
حلووووووووووووووووه
تسلم يمناك غاليتي زهره

 

[flower24]

تسلمو على هالطلة الحلوة


و إن شاء الله تكون هده السطور أدخلت البهجة على قلوبكم و رسمت الضحكة على شفاهكم

 

[صمت الغروب]

مشكورة زهورة الحلوة
بس ما تستاهل ترفع الضغط :19:

 

[flower24]

شكرا أختي صموت على المرور

 

[امال]

!!!!مثلا ماسك سماعه التلفون وقاعد تضغط بالارقام يجي أحد من أهلك
ويقولك : تبي تكلم بالتلفون

(( لا أبتفرج عليه ,, أكيد أبكلم ))

حلوة منك غاليتي تسلمي

 

[مروض الحب]

# أنت بغرفتك منسدح بالسرير ومطفي النور ومتلحف بالبطانيه >>
يجي أحد أخوانك ويفتح الباب عليك ويقول : تبي تنام !!!

(( لا أبرقص على وحده ونص ,, أكيد أبنام ))

والله اسئله ترفع الضغط بالواقع بس ف المنتدى لها طابع الضحك
الله يعطيك الصحه والعافيه اختي فلور 24

لك خالص تحياتي

مروض الحب :11: :11: :11: :11:

 

[ام حسام]

:11: :11: :11: :11: بصراحه هذي الاسئله تقهر 00

الحمد لله ضغطي دائما مرتفع وماشاء الله اولادي عندهم كوكتيل من هذي الاسئله ومتواصلين بهاا:7: :2: :2:

الله يسعدك اختي الغاليه/ فلور24ويديم الابتسامه عليكي دنيا وآخره

 

[flower24]

الله يبارك فيكي أختي أم حسام


مرورك أسعد قلبي

 

[roosaa]

حاجه تفور الدم مش تجيب الضغط بس , بارك الله فيك اختى على الموضوع