تبى تعرف حكايه عشق وبنت حيل لعابه

[عايشة بنورى]

ذبحني هالسؤال أرجوك .. قل لي بس وش جابه
دخيلك ليه تتعمد مع ضحكك تبكّيني
من البارح .. تعيد هالسؤال وتطرق أبوابه
وعلى نفس الطريق اللي تجي منه .. توديني
يا أخي وش تبي مني ؟؟ وحزني ويش تلقى به
يهمك إيش في هذا ؟؟ عذابي وإنخلق فيني
تبي تعرف حكاية شاعر .. جمهوره أحبابه
تبي تعرف يصفق ليه .. جمهوري .. ويحييني
لأن الشعر عندي .. ماهو بس أوراق وكتابة
ولاني من فراغ أكتب .. وأبي تكثر دواويني
تبي تعرف شاعر ليه ؟؟ هاك الشعر وأسبابه
تبي تعرف مكاني وين ؟؟ رتّبها وتلاقيني
فقر مال .. وفقر حال .. وفقر حيلة .. وطلابه
وفقر حظ كريم .. أمدّ له كفي ويعطيني
فقر دين وفقر دنيا .. وجوع تنهش أنيابه
فقر راحة .. وفقر صحة .. وفقر فرحة تنسّيني
(فقر) .. إيه الفقر يعني ضياع العمر وركابه
(فقر)يعني فقر يعني عذاب وضيم ماليني
ورأس الفقر ورأس الجوع وعمر طارد أسرابه
وحق الدرهم اللي مانوى مرة يخاويني
رضعت الويل من صغري ولبست الحزن وثيابه
على شط الشقى مولود .. وهمّي كان يرويني
تقطّع وجهي وجفني ب ناب الفقر ومخلابه
ولكني عزيز النفس ولو أحتاج تغنيني
كساني ثوبي المشقوق وبين الناس أزهى به
وكل يلتفت يمي .. يظن ب تنكسر عيني
حشا ما تنكسر عيني وأنا اللي وقته يهابه
عزاي إني فقير صارت النظرات ترميني
عيون الناس تطعني .. وكل يغرس حرابه
وبعض عيون أقدرها وبعض عيون تدميني
وش اللي مابعد قلته .. وتبغى تعرف إعرابه
مضت ساعات أتكلم وإنت بس توحيني
تبي تعرف حكاية عشق وبنت حيل لعّابه
تبي تعرف عن أسباب الجفاء مابينها وبيني
تخيل جتني وقالت ( فمان الله يا بابه )
تشرفنا بمعرفتك ويا الله لا تأذيني
وأنا أعشقها ثمان سنين وهي تلعب وكذابة
تسلي نفسها فيني ونيّتها تخليني
تبي تعرف حكاية قبر وطفلة تسكن ترابه
تبي أقول لك مظلوم ودم الطفلة بيديني
تبي تعرف وش الغربة ومن اللي طوّل غيابه
تبي أحكي .. قبل أعوام .. بالتفصيل أنا ويني ؟؟
تبي أحكي عن الزاهد وعن ذنبه في محرابه
دخيلك ما أقدر أتكلم .. خلاص أرجوك .. أعفيني
قسم بالله في صدري مدينة تلفح ترابه
مدينة ساكنة قلبي وغابتها شراييني
دخيلك سكّر الموضوع وشف لك شيء تسلى به
أنا منك ألاقيها أو ألقاها من سنيني




م ن ق و و و ل
للامآآآآنة

 

[بنت التحدي]

يسلموووووووووووووو
يعطيك العافية
بنت التحدي

 

[مروض الحب]

كلمات جميله جداا واحساس فضيع لهاذ الكاتب
تصوير فضيع وذوق عالي منج على اختيار الكلمات والحروف الجميله
نهاية مضمونه وبداية منصفه 000

اشكرك على ذوقك الراقي سيدتي "" عايشه بنوري ""
(( مروض الحب ))

اقول اليوم حلم العمر مات // عقب هالحال اعلنها وفاته
واعزي القلب في فقد الحياة // شعور الحب مكسوره مراته
طريقي اجمل دروبه شتات // قدم رجلي تعثر في حصاته
اقوم ولا سند عودي عصاة // واطيح وخاطري مشلول ذاته
على منهو تحلى بالصفات // على من كان للخافق حياته
على من كان عزي والغناة // انا والملك والدنيا فداته
شعوري ماسبقني فيه ذات // شعوري حطم احلامه عداته
عدو الحب شيطان الوشاة // وراعي الحب معناه بغلات