طفلي والمدرسه

[ام معتز]

السلام عليكم
بأعرض لكم مشكلتي وياليت القى الحل عندكم
انا عندي طفل احتياجات خاصه يمشي ويروح ويجي بس فهمه على قده الله يشفيه يارب
ومايتكلم بس ممكن يردد الكلمه ومو عارف معناتها
المهم انه المفروض هالسنه يدخل المدرسه صف اول مو تمهيدي
المدارس الحكوميه يبونه متعلم الحمام وهو لسى ماتعلم و مافيه احد استقبله كلهم شروطهم ماتنطبق عليه
الحين انا ابغى ادخله مدرسه تاهليه
يعلمونه يعتمد على نفسه وكيف ياكل والحمام الله يعزكم وكيف يلبس يعني امور الحياة
المشكه ان المدرسه غاليه واحنا على قد حالنا بس من هنا ومن هنا بيسرها ربي نضغط على انفسنا شوي وبأدخل الولد

وبعد ما الحيت اليوم عليه وعدت وزدت في الكلام قالي انتي مو هامك الولد ومصلحته انتي تبين تتخلصين منه
ماتتخيلون اش كثر طعنتني هالكلمه انا اللي اتنومت معاه بالشهور في المستشفى انا اللي رايحه جايه معاه من علاج طبيعي لمراكز طبيه لمستشفيات ومراجعات والحين انا ابي اتخلص من ولدي

والمدرسه هذي مو داخليه عشان يقول بالعكس الساعه 12 الظهر راجع
والله من قال هالكلمه انعقد لساني وماعاد كلمته
الحين المدرسه بدت ومابي ولدي تروح عليه هالسنه زي العام راحت حياته وهو ماتعلم شي
مابيه يصير عاله على احد
عمره 7 وماتعلم الحمام حاولت معاه بكل الطرق بس مانفع معه اذا حرصت وديته كل نصف ساعه يعرف انو حمام ويسوي
بس لو انسى او اتأخر عليه سواها على نفسه
يعني اكيد يبي احد متخصص يعلمه

ولدي الحمد لله عنده نسبة ذكاء يعني بيتعلم ان شاء الله
والله ضاقت فيني الوسيعه
كيف اقنع زوجي يدرس ولدي

الله يسخره يارب
المشكله لو اجلس اقنع فيه يقول انا قلت اللي عندي ولاتجادليني



والمدرسه الخاصه اللي ابي ادخله فيها مو تعليميه لا بس تأهيليه يتعلم امور الحياه مو حروف واراقم واشياء زي كذا
الحين ابيه يعتمد على نفسه بس
الله يهديك يازوجي الغالي كسرت ظهري بكلمتك


اي وبعد يقول يبغى يعالجه بالابر الصينيه اول قبل لايدرسه
اناقلت مافيه تعارض مع الدراسه والعلاج ينفعون مع بعض
من جرب او يعرف احد تعالج بالابر الصينيه ممكن تفيدني

 

[وكسلر]

رد: طفلي والمدرسه

السلام عليكم
بأعرض لكم مشكلتي وياليت القى الحل عندكم
انا عندي طفل احتياجات خاصه يمشي ويروح ويجي بس فهمه على قده الله يشفيه يارب
ومايتكلم بس ممكن يردد الكلمه ومو عارف معناتها
المهم انه المفروض هالسنه يدخل المدرسه صف اول مو تمهيدي
المدارس الحكوميه يبونه متعلم الحمام وهو لسى ماتعلم و مافيه احد استقبله كلهم شروطهم ماتنطبق عليه
الحين انا ابغى ادخله مدرسه تاهليه
يعلمونه يعتمد على نفسه وكيف ياكل والحمام الله يعزكم وكيف يلبس يعني امور الحياة
المشكه ان المدرسه غاليه واحنا على قد حالنا بس من هنا ومن هنا بيسرها ربي نضغط على انفسنا شوي وبأدخل الولد

وبعد ما الحيت اليوم عليه وعدت وزدت في الكلام قالي انتي مو هامك الولد ومصلحته انتي تبين تتخلصين منه
ماتتخيلون اش كثر طعنتني هالكلمه انا اللي اتنومت معاه بالشهور في المستشفى انا اللي رايحه جايه معاه من علاج طبيعي لمراكز طبيه لمستشفيات ومراجعات والحين انا ابي اتخلص من ولدي

والمدرسه هذي مو داخليه عشان يقول بالعكس الساعه 12 الظهر راجع
والله من قال هالكلمه انعقد لساني وماعاد كلمته
الحين المدرسه بدت ومابي ولدي تروح عليه هالسنه زي العام راحت حياته وهو ماتعلم شي
مابيه يصير عاله على احد
عمره 7 وماتعلم الحمام حاولت معاه بكل الطرق بس مانفع معه اذا حرصت وديته كل نصف ساعه يعرف انو حمام ويسوي
بس لو انسى او اتأخر عليه سواها على نفسه
يعني اكيد يبي احد متخصص يعلمه

ولدي الحمد لله عنده نسبة ذكاء يعني بيتعلم ان شاء الله
والله ضاقت فيني الوسيعه
كيف اقنع زوجي يدرس ولدي

الله يسخره يارب
المشكله لو اجلس اقنع فيه يقول انا قلت اللي عندي ولاتجادليني



والمدرسه الخاصه اللي ابي ادخله فيها مو تعليميه لا بس تأهيليه يتعلم امور الحياه مو حروف واراقم واشياء زي كذا
الحين ابيه يعتمد على نفسه بس
الله يهديك يازوجي الغالي كسرت ظهري بكلمتك


اي وبعد يقول يبغى يعالجه بالابر الصينيه اول قبل لايدرسه
اناقلت مافيه تعارض مع الدراسه والعلاج ينفعون مع بعض
من جرب او يعرف احد تعالج بالابر الصينيه ممكن تفيدني

اهلين فيك يا ام معتز
وهذا الشعور ليس شعورك لوحدك هو شعور اي ام تود ان تطور من قدرات ابنها وان يصل لحد الاستقلالية الذاتية
ومن خلال كلامك لايوجد في ذلك اي عدم مبالاة كما يقول زوجك ولكن من الواضح ان زوجك يريد التبرير للخروج من موقف الامور المالية بدون تصريح وربما تكون له اسبابه الخاصة وكما ذكرت ان رسوم الدراسة مرتفعة وجميعنا نعرف ان رسوم ذوي الاحتياجات الخاصة مبالغ فيها الواجب عليك ان تعذريه فيها فرب الاسرة دائما يحمل ضغوط تجاه اسرته كي يصل بها للافضل
انت لاتريدين التصادم مع زوجك في هذه المرحلة بالذات من اجل مصلحة ابنك والتي تعتبر في المقدمة فالعناد لن يؤدي لحل بينكما ولكن بالاقناع والكلمة الطيبة سوف تجدين حل يرضي الطرفين
ام معتز سددوا وقاربوا واختاري الافضل لابنك بدون ان تكلفي زوجك مالايطيق فهو ايضا ابنه ويريد مصلحته ولكن بالحدود التي يستطيع ان يقدمها
كما ذكرت من خلال كلامك ان المركز لا يقدم مفاهيم تعليمية ولكن يقدم مفاهيم استقلاليه وماهي الفائدة اذا كان عمر ابنك وصل 7 سنوات
الاستقلالية امرها سهل اذا وجدت انت الوقت الكافي لتعليم ابنك والمجهود ما الذي يمنع ان تختاري مركز لديه امكانيات متوسطة تخدم ابنك بمساعدتك انت ايضا لابنك في البيت وتكون رسوم دراسته معقولة لك ولزوجك ولاسرتك حتى لاتدخل الاسرة في متاهات ماليه هي في في غنى عنها وفكري في الامر هي لمدة سنة كاملة وهذه الاسرة ايضا لها احتياجاتها والتزاماتها وكما ذكرت لك سابقا سددي وقاربي وفكري بالمعقول والمقبول لكل الطرفين
دمت بود

 

[ام معتز]

رد: طفلي والمدرسه

مشكور اخوي على كلامك
انا دورت على اغلب مدارس الاحتياجات الخاصه وهذي اقلهم سعرا
وماطلبت منه انه يدرسه الا بعد ما وجدت هذي المدرسه بحدود 16 الف بدون نقل
الله يشفي ابني وجميع مرضى المسلمين

 

[المؤمنة بالله]

رد: طفلي والمدرسه

ربنا يشفى ابنك ام معتز ويهدى لك زوجك ويوسع رزقه ان شاء الله​

 

[شموخ الامل]

رد: طفلي والمدرسه

حاسة فيك حبيبتي
لاني عانيت تقريبا نفس معاناتك
بصراحة ابذلي ماستطعتي لاجل ان تدخلي ابنك هذا المركز
لاتيأسي ابداً
ومن راي اذهبي الي التأهيل الشامل واسأليهم عن مراكز حكومية تقوم بتدريب وتاهيل مثل حالات ابنك
وان شاء سوف تجديها
وفقك الله غاليتي

 

[اطفالي]

رد: طفلي والمدرسه

اختي انتي من وين اذا كنتي في الرياض روحي لمركز التشخيص وهم يدخلونه ان شاء الله مدارس خاصه مجانا ويعطونه مكافاه شهريا بس انتي تاخرتي اذاكنتي في الرياض ردي علي علشان اعطيك الرقم والله يشفي ولدك