تحضير حليب جوز الهند

[لـيـلووو]

رد: تحضير حليب جوز الهند

السلام عليكم ورحمة الله وبركاته

مشكووورة اختي ام عبيدة على مشاركتك وحليب بدياشور كومبليت قايلين انه بيحتوي على سكروز ونشاء الذرة المحلل بالماء,كازينات الصوديوم(بروتين الحليب)زيت دوار الشمس
الغني بالاولييك,زيت فول الصويا,غليسريدات ثلالثية متوسطة السلسلة,معادن,بروتين مصل الحليب المركز(بروتين الحليب)نكهة الفانيليا الاصطناعية..خالي من الغلوتين
هيدي المحتويات واذا فيها شي ممنوع ارجوا ان تخبروني ولكم جزيل الشكر

 

[لـيـلووو]

رد: تحضير حليب جوز الهند

هلا حبيبتي فوضت امري لله..ربي يخليكي عالمعلومات تسلمي لي
وياليت تتيسر معنا نلاقي حدا لنا شهر عم نحاول..الله كريم
شـكــ وبارك الله فيك ـــرا لك ... لك مني أجمل تحية .

 

[أم دانيال]

رد: تحضير حليب جوز الهند

اختي ليلوو
أسأل الله ان يشفي ابنك وابني وجميع الاطفال آمين يا رب.
مظبوط بلبنان مش معترف بعلاج الدان، كل الدكاترة رافضين الفكرة من اساسها، انه يمتنع الطفل عن مشتقات القمح والحليب،
أنا حضرت مقابلة لدكتور نفسي مشهور بلبنان اسمه باسكال رعد، كان عم يحكي عن التوحد، وصار يتمسخر عالحمية.
بس ضروري لما بدك تعملي الحمية لابنك تعطيه مكملات وفيتامينات لانها بتساعد كتير باعتقادي أكتر من الحمية لانه فيها فيتامينات بتغذي الدماغ وبتخلي التواصل والتفاعل أقوى.
أنا بنصحك تسألي بالصيدليات عن فيتامينات او Omega 3 كتير مفيدة.
في موضوع الي كاتبة فيه وصفة طحين خالي من الجلوتين راجعيه، وهيدي المقادير:
نشاء البطاطا، نشاء الذرة، طحين الذرة، طحين الآرز (أرز مطحون).
أنا والله ما عندي فكرة عن اغراض الحمية بلبنان، لاني عايشة بألمانيا من 6 سنين لكن بنصحك تفتشي بالسوبر ماركت الكبيرة متل سبينس Spyness
انشالله بتلاقي على الاقل حليب الارز، كمان في حليب الصويا، بس مش مسموح للصبيان بس للبنات، لأنه بيقوي هورمونات الأنوثة (يعني ممنوع للصبيان).
واذا ما لقيتي جربي تحضري المواد بالبيت، مطبخ الحمية فيه كتير وصفات للحليب تحضير منزلي.
بالمناسبة ما عرفت، حضرتك من اية منطقة بلبنان، الشمال او الجنوب او البقاع او بيروت، سمعت انه في سوبر ماركت فهد بجونية فيها مواد تخص الحمية.
أنا والله بعلم ابني وحدي بالبيت يعني ما في مركز معين، لكن في اخصائية بتجي مرة بالاسبوع بتعلمه لمدة ساعتين، بس عبارة عن لعب، ما في تمارين معينة، أنا وزوجي منحاول ندمج ابني أد ما منقدر ونحكي معه ونفهمه، والحمدلله ماشي الحال.
أنا عملت الحمية لابني حوالي 9 اشهر وتحسن كتير، بعدان وقفتها والحمدلله ما تأثر، بس مكفاية بالفيتامينات والمكملات.
الحليب يلي ذكرتيه ما عندي فكرة عنه والله، بس الحمدلله أم عبيدة نبهتك انه فقط خالي من اللاكتوز، يعني للي عندن حساسية من مادة اللاكتوز، لازم يكون مكتوب على المواد: Casein free, Gluten free .
بالكويت في د. عبير عوض، اذا عندكن قدرة تسافروا لعندها، كل الاهالي بيشكروا فيها بتعالج التوحد بعلاج دان DAN وبالكويت في الادوية مأمنة.
انشالله كون قدرت افيدك شوي
بالتوفيق يا رب.

 

[ابنى الحبيب]

رد: تحضير حليب جوز الهند

شكرا جزاكى الله خيراااااااااا

 

[لـيـلووو]

رد: تحضير حليب جوز الهند

السلام عليكم ورحمة الله وبركاته

مساء الخير اختي ام دانيال بارك الله فيكي عالمعلومات وانا من جبل لبنان اقليم الخروب

وبالنسبة للفيتامينات اللي قلتلي عنها العادية اللي بالصيدليات او تكون مخصصة لحالته يعني خالية من مواد معينة؟

وحليب الارز سألت عنه وكل ماأقول اسمه لحدا يقوللي شو هيدا حليب الارز اول مرة نسمع عنه,وشفت مرة هون عن حليب اللوز وجوز الهند قلت اجرب له

حليب اللوز رفضه وماكان ياكل منه معذبني كتير بالاكل ان جربت احط له شي لايذكر بالحليب تمر وجوز واي شي مفيد له بيرفض الحليب ومابياكل

وبتركه بلا اكل ساعات يمكن يجوع ويقبل يشربه بس مافي فايدة..اتصلت بالدكتورة هيفاء الكيالي وصفت له دواء اسمه (موسالون)قالت انه بيعمله شوية اسهال

بس بنظف له معدته وبجوعه وبصير ياكل كل الاكل وصيت عليه امس وان شاء الله يمشي الحال..وهو في عادة بياكل اي شي عن الارض خيط او ورقة وشفت بالنت انه اللي بكون

عنده هالحالة متعرض للزئبق وعنده نقص بالزنك,وانا عم حاول قد مافيني عشان امن له لوازم الحمية وكل شي هو لازمه حتى يصير ان شاء الله احسن...الله كريم

والحمدلله انك قدرتي تساعدي ابنك وانه تحسن عن قبل وان شاء الله عطول يارب كل يوم احسن من اليوم اللي قبله ويفرح قلبك فيه

الله يشفيهم ياااااارب

 

[قلبي ضاع معك]

رد: تحضير حليب جوز الهند

شـكــ وبارك الله فيك ـــرا لك ... لك مني أجمل تحية .

 

[لـيـلووو]

رد: تحضير حليب جوز الهند

السلام عليكم ورحمة الله وبركاته

مشكووورة اختي قلبي ضاع معك

جزاكي الله كل خير

 

[ام المتوحد]

رد: تحضير حليب جوز الهند

السلام عليكم ورحمة الله وبركاته شكرا اختي على هذا الموضوع المهم لكن عندي اضافة على فوائد زيت جوز الهند انا سمعت احد الاطباء اللي يعالجون المصابين بالتوحد انه اول مايعطي الطفل زيت جوز الهند لانه يقوي التواصل البصري وكان هذا البرنامج على الجزيرة ودورت على الزيت للاكل ما حصلت فقط للشعر موجود اللي عنده فكرة او معلومة تاكد هذه الفائدة يذكرها للاستفادة وشكرا مرة اخرى على الموضوع.

 

[أم دانيال]

رد: تحضير حليب جوز الهند

أختي ليلوو
بالنسبة للفيتامينات ممكن تسألي الصيدلي عن اوميغا 3 زيت السمك، هومغذي للدماغ ويقوي التواصل البصري
وله فوائد عديدة، يكون مناسب لعمر الاطفال وهو بيدلك.
لكن أثناء بحثي عن الصيدليات في لبنان وجدت هذا الموقع الهام لمؤسسة لايف لونغ Life Long ، هي تعالج بالابر الصينية والعلاجات والأعشاب الطبيعية لجميع الامراض تقريباً. أنصحك بالاتصال بهم واطلب تحويلك الى د. نقولا ايماز واشرحي له حالة ابنك، وان شاء الله خير.
http://www.lifelongherbs.com/
وبتمنى تخبريني شو بيصير معك.

 

[أم دانيال]

رد: تحضير حليب جوز الهند

السلام عليكم ورحمة الله وبركاته شكرا اختي على هذا الموضوع المهم لكن عندي اضافة على فوائد زيت جوز الهند انا سمعت احد الاطباء اللي يعالجون المصابين بالتوحد انه اول مايعطي الطفل زيت جوز الهند لانه يقوي التواصل البصري وكان هذا البرنامج على الجزيرة ودورت على الزيت للاكل ما حصلت فقط للشعر موجود اللي عنده فكرة او معلومة تاكد هذه الفائدة يذكرها للاستفادة وشكرا مرة اخرى على الموضوع.

وعليكم السلام ورحمة الله وبركاته
أختي ام المتوحد ممكن ان تجديه بسهولة في جميع السوبرماركت اسألي عن سمن جوز الهند النباتي.
موفقة ان شاء الله.

 

[ام المتوحد]

رد: تحضير حليب جوز الهند

اشكرك اختي ام دانيال على الرد وساحاول السؤال عنه.

 

[فوضت امري لله]

رد: تحضير حليب جوز الهند

السلام عليكم ورحمة الله وبركاته شكرا اختي على هذا الموضوع المهم لكن عندي اضافة على فوائد زيت جوز الهند انا سمعت احد الاطباء اللي يعالجون المصابين بالتوحد انه اول مايعطي الطفل زيت جوز الهند لانه يقوي التواصل البصري وكان هذا البرنامج على الجزيرة ودورت على الزيت للاكل ما حصلت فقط للشعر موجود اللي عنده فكرة او معلومة تاكد هذه الفائدة يذكرها للاستفادة وشكرا مرة اخرى على الموضوع.

اختي ام المتوحد
اذا لم تجديه في السوبرماركت واذا كنت تستطيعين الحصول على زيت جوز هند من جده فهو موجود فيها في محل ابازير يمكن استخدامه للأكل وللشعر

 

[لـيـلووو]

رد: تحضير حليب جوز الهند

السلام عليكم ورحمة الله وبركاته

مشكووورة اختي ام التوحد على هالمعلومة

بارك الله فيكي

 

[لـيـلووو]

رد: تحضير حليب جوز الهند

اختي ام دانيال

يسلمووو كلك ذووء ربي يخليكي ويشفيلك ابنك..واسفة اذا تأخرت بالرد بس كنت مشغولة

باابني كان عنده فحوصات..وبخصوص اوميغا 3 بكرا ان شاء الله راح اسأل عنه

وانا من زمان بعرف عن الدكتور نقولا ايماز وكذا مرة شايفة مقابلاته عال تي في بس مااجى

ببالي انه اسأل عن حالة ابني عنده..عالعموم ان شاء الله تتيسر الامور وكله خير يارب

ومشكورة كتير حبيبتي ام دانيال عالمساعدة ... مع تحياتي .

 

[ام المتوحد]

رد: تحضير حليب جوز الهند

مشكورة اختي فوضت امري لله لكن لو في محل في الرياض افضل . الاخت ليلووو لا شكر على واجب .

 

[جيهان]

رد: تحضير حليب جوز الهند

بسم الله الرحمن الرحيم
موفق بإذن الله ... لك مني أجمل تحية .
شـكــ وبارك الله فيك ـــرا لك ...

 

[حبيبتى بنتى]

رد: تحضير حليب جوز الهند

شكرا للمعلومات البسيطه والمفيده ام دانيال

 

[أم دانيال]

رد: تحضير حليب جوز الهند

العفو اختي العزيزة.