تعلق التوحدي بالام؟

[ام عزو]

رد: تعلق التوحدي بالام؟

الله يشفي فلذات اكبادكم يارب
بس ترى كذا اطفالنا يطيحون بشي فتره بعدين يتركونه حتى لو طالت المده بس بالنسبه لولدي لانه لما كان بعمر سنتين وزياده ماكان يعيرني اهتمام يروح لاي احد حتى لو كنت موجوده بنفس المكان
فهالسلوك اللي اشتد بتعلقه على عمر اربع سنوات واللي زاد من هالوضع هو جلوسي اجازه الفتره الاخيره
على فكره ترى خروج الطفل يوميا لمركز يساهم كثير بتقليل عادات التمسك بالاشياء
بصراحه وسط الاسبوع وضع عزوز اوك عشانه ينام ويقوم بدري
بس اخر الاسبوع يصير يمل لانه يحب يطلع دايم

 

[ياربي رحمتك]

رد: تعلق التوحدي بالام؟

ههههه ياحلوه عزوز الله ابارك فيه مادامه بس اتعبك بنهاية الاسبوع تحمليه يااختي وصدقيني مع الوقت بيتعود علي بعدك بسبب ذهابه للمركز لساعات طويله وهذا حال ابناءنا الله يشفيهم سلوكهم ومزاجهم متقلب الله يشفيهم ويمكن نفس ماوضحتي جلوسك بجانبه او بسبب قدوم اخته والله يفرجها عليك ويشفيه وصدقيني هذي نعمه من الله تعلقه بك
اذكر اول ماتعب ابني والله كنت ابكي بحسره وألم الحمدالله علي ماأصابنا لانه لايعيرني اي اهتمام اما الان اذا اردت ان انزله للحضانه اشعر انني بقمة السعاده اذا رأيت تعلقه به حتي بكاءه اتألم له وافرح بنفس الوقت شعور جميل انه يشعر بي ويحس .فاصبري يااختي فمثلما تكيف علي الوضع الجديد وتغير طبعه واصبح متعود عليك سيتغير طبعه بإذن الله للاحسن مع الوضع الجديد من ذهابه لروضه وسيتعود علي الاستقلاليه.
الله يشفيهم جميعاً*

 

[مسك]

رد: تعلق التوحدي بالام؟

يالله
اعتقدت انها مشكلتي لوحدي لدرجه ان اللي محيرني كيف من الصفات التوحدي لايحب الاحضان وكيف انه يحب حضني بدرجه جنونيه متعلق في بطريقه غريبه لدرجه اني لما ابي انام تعبانه من الدوام يجي يفتح عيوني ويطالع يفتح عيني باصابعه بقوه احس عيني يتمزق اطرافها ويطالعني او يمسك خدودي بايدينه مايهدهم والله كنت معالج عصب ظرسي مره وضغط عليه بطريقه عجيبه المشكله اني لما اسوق السياره ينط من الكرسي ورى ويمسك خدودي الله يسترها معاي واقدر اسيطر
اقول الحمدالله على كل حال لانه قبل كان يحب السلالسل ومهما كان طول السلسله يحطها بحلجه كامله كل انواع السلالسل
قبلها كانت فوطه اللي ننشف فيها وجهه كل مكان اروح يسحبها وراه كل مكان الى ان وحده الله يجزاها خير خذتها ورمتها بكى ودور وانتهى التعلق بها يالله يستر على عيالنا ربي حبيبي يشافيهم
بس والله مساله التعلق تسبب لي الضيق لدرجه انه يكسر خاطري يمسك خدودي ودمعتي على خدي

 

[ياربي رحمتك]

رد: تعلق التوحدي بالام؟

ياحبيبي علوي الله اشافيه وان شاء الله بمره تنزل دموعج دموع الفرح علي تخرجه وزواجه يارب
ونصيحه الله احفطكم لما تجين تطلعين وياه بالسياره جيبيله لعبه ينشغل فيها وعلشان مايشغلج خطر والله
*

 

[ام عزو]

رد: تعلق التوحدي بالام؟

حبيبتي مسك شوفي وش يحب وخليه معك دايم اذا قرب طلعيله اياه
فالتره الاخيره جبت لعزوز ايباد وحملت عليه الفديو اللي يحبها صار يحبهوويفتح الفديو اللي يبه
ويسكره ويتنقل بين الالعاب اللي يحبها مو اي شي يعجبه
حاولي انك تلهينه
مشكلة ابناءنا انهم باستمرار لازم نلهيهم عشان تعلقهم بالاشياءً او حتى الحركات التكراريه والرفرفه وغيرها يتركونها وينسوها
غير الاهتمام الزائد والحنان الزائد اللي يحتاجونها
احيانا والله اجلس معه الوقت كله وهو على حجري خاصه اذا مريض او متضايق
ولو اخليه على طول يتتبعني
عشان كذا نصيحه لازم مركز او روضه يساعد انه يخفف عن الام