تطورات حبيبة خلال شهر ونصف (أدعولها ربنا يزيد ويبارك ويشفيها)

[أختكم فى الله]

تطورات حبيبة خلال شهر ونصف (أدعولها ربنا يزيد ويبارك ويشفيها)

السلام عليكم ورحمة الله وبركاته

للتذكير .. بنتى عندها دلوقتى سنتين .. مازلت لم أستقر على تشخيص او طريقة للعلاج ومعاد الدكتورة مؤجل ليوم 4 \12 إن شاء الله
كل إللى بقوم بيه التوكل على الله والإطلاع فى المنتدى والإجتهاد الشخصى بتوفيق الله
مازلت لم أطبق الحمية فقط التقليل من القمح واللبن وطبعا منع السكريات والمواد الحافظة والملونات
حاليا بنتى مش بتأخد غير omega 3 وبعض الفيتامينات العادية ..
ومن إجتهادى الشخصى بعد الإطلاع على بعض المواضيع فى المنتدى .. داومت على إعطائها فى الصباح نصف ملعقة صغيرة عسل مع بعض حبات البركة المطحونة .. وبعد الفطار كوب شاى أخضر مع بعض شعيرات الزعفران
وطبعا التقليل جدااا من مشاهدة التيليفزيون .. والخروج كثير .. واللعب معها لوقت طويل الألعاب التى تحبها هى وتفضلها

الحمد لله فى الفترة دى أصبحت أكثر تركيز وأصبحت لماحة لبعض الأمور . وأكثر مرح وتقبل للأخرين واللعب معها

بالنسبة لتعليم الكلمات الجديدة او المهارات الجديدة .. عن طريق الفيديو أولا لفترة وبعد كدة بتدخل أنا فى بعض الأوقات لما بيكون مزاجها رايق وكتبت عن تجربتى معاها فى أحد المهارات فى الموضوع ده
http://www.t7di.net/vb/showthread.php?t=31106

بالنسبة للمهارات حتى الأن تعلمت مهارتين ( وضع مكعب فى إناء -ووضع المكعب فى الإناء بناء عن أمر لفظى - ونقل المكعب من إناء إلى إناء آخر )

دى المهارات إللى إتطورت فيها بدون تدخل منى فى الفترة دى
بدأت تأكل ساندويتش بنفسها بدون تدخل منى وبدأت تمسك بعض الأكلات بيديها وتأكلها بعد ما كانت بتتحسس منهم ومش بتقبل لمسهم زى الأسماك واللحوم والموز وكمان بدأت تضغط على أزرار التيليفزيون بنفسها وتستمتع بالتغيرات على الشاشة )

أما بالنسبة للكلمات الجديدة .. كنت بصورلها فيديو كل أسبوع تقريبا فيه حوالى 8 كلمات جديدة عبارة عن الأشياء المفضلة ليها فى البيت أو فى اللعب او الأدوات المستخدمة فى أكلها وشربها والملابس .. وكمان فيديو لملامح الوجه (العين والأنف والفم ) وكنت بكررهالها فى اليوم أكثر من ساعة حسب تقبلها ( وهى بصراحة كانت ماشاء الله متقبلة جدااا لأنها بتحب أى شئ على شاشة التيليفزيون )


المهم بعد الفترة دى .. هى ما شاء الله نطقت حوالى 25 كلمة جديدة ماشاء الله لا قوة إلا بالله .. وإن شافت أى شئ تعرف إسمه من الأشياء إللى مصورهالها تنطقه على طول .. فيهم بعض الكلمات الواضحة جداا والصحيحة مثال (كوباية -تيتة - بوء (يعنى فم بالمصرى ) ... وفى بعض الكلمات إللى بتبدل فيها حرف واحد فقط لتسهيل النطق زى (عين بتقولها إين ..وبطوط بتقولها أطوط .. وإسمها حبيبة بتقول بيبة ) .. إنما فى كلمات تانية بتنطق منها حرفين بس أو ثلاثة ملخبطين )

وكمان ماشاء الله دلوقتى لما بتشوف صورة افراد الأسرة على الكمبيوتر بتقول الأسم ( يعنى بابا - جدو - تيتة -حبيبة -خالو ) وتخيللللللووووووو مع كل ده حتى الآن لما بتشوف صورتى بتقول بابا ومش راضية تنطق ورايا كلمة ماما أبدا مع إنها بتنطق حرف الميم فى كلمات تانية

والحمد لله حاليا بقت إستجابتها أسرع فى ترديد الكلمات وحفظها .. بس هى فى تعلم المهارات بطيئة وبترفض كتير إنها تطيع الأمر مع إنى بكون متأكدة من قدرتها على فعل الشئ

حاليا بدأت أستخدم معاها طريقة سان رايز فى الكلمات يعنى لما يكون بينا تفاعل ما أطلق عليه إسم وأشجعها على نطقه .. وكمان لما تنطق أى كلمة بدون سبب بيكون فى إستجابة منى والحمد لله النتيجة كويسة حتى الآن .. بس أغلب الوقت بتتكلم كلام كتير غير مفهوم أو بتردد كلمات مفهومة

إيه رأيكم فى التطورات دى ..هل أنا كدة أعتبر ماشية صح الحمد لله ؟؟ وكمان هل إستجابت بنتى بالطريقة دى تدل على ذكاءها وقدرتها على التعلم ولا هو مجرد قدرة على الحفظ إللى بيتميز بيها أطفال التوحد ؟؟
أنا بعرض عليكم الموضوع ده علشان أقولكم أخبارى وعلشان كمان أعرف منكم رأيكم فى بنتى فى ضوء خبرتكم .. منتظرة ردودكم وكمان أى سؤال إن شاء الله أرد عليكم

 

[ام التواءم]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ما شاء الله ولا حول ولا قوة الا بالله ...

دايما يا رب فى تقدم ...استمرى على ما انت فيه وداومى عليه ...واذكرك يا اختى

العزيمة ثم العزيمة ..ولا تجعلى اى احد مهما يكن هذا الشخص ان يهبط من عزيمتك واصرارك...

بمشيئة الله تعالى ستصلى لبر الامان ...ان الله لا يضيع اجر من احسن عملا

هؤلاء الاطفال امانة وربنا سوف يسالنا عنهم....ودائما كونى على يقين وثقة بالله ان ربنا سيشفى ابنتك وان شاء الله سيكون...وربنا يفرحك بها دائما...:23:

 

[فاطمة سعد]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ما شاء الله تبارك الله اختي في الله تقدم ممتاز وجهودك بدأت تظهر نتائجها استمري وثابري بنفس التصميم واكثر لان بنتك بإذن الله ستصبح فتره احسن من كذا بكثير وكل استجابه منها قابليها بتصميم اكثر على التحسن وفقك الله في مشوارك واتم لك شفاء بنتك يا رب ..

 

[أم دانيال]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ما شاء الله
عزيزتي أختكم في الله
بالنسبة لعمر ابنتك فانها تقدمت تقدماً ملحوظاً،
بالشفاء التام باذن الله.


لكني أرى عندك شك هل ذلك حفظ او ذكاء. اختي أغلب الاطفال التوحديين عندهم ذكاء غير عادي.

إيه رأيكم فى التطورات دى ..هل أنا كدة أعتبر ماشية صح الحمد لله ؟؟ وكمان هل إستجابت بنتى بالطريقة دى تدل على ذكاءها وقدرتها على التعلم ولا هو مجرد قدرة على الحفظ إللى بيتميز بيها أطفال التوحد ؟؟
أنا بعرض عليكم الموضوع ده علشان أقولكم أخبارى وعلشان كمان أعرف منكم رأيكم فى بنتى فى ضوء خبرتكم .. منتظرة ردودكم وكمان أى سؤال إن شاء الله أرد عليكم

 

[أم عبيدة]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ما شاء الله لا قوة الا بالله ....
ربي يحفظها و يشفيها و أرى إنها تطورات جيدة .....

 

[أم مودي]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ماشاء الله تطور كبير وهذا بفضل الله أولا ثم بمجهودك والحمدلله ان بنتك لاتزال صغيرة وإن شاء الله تشوفيها متميزة ، سؤالي كيف طريقتك بتعليمها الكلمات عن طريق التلفزيون مافهمت هل تسجلين نفسك وانت تقولينها ماهي الطريقة أعجبتني وأتمنى أفهما علشان أطبقها مع ولدي ولك الشكر,

 

[انوشا]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

الله يحفظها ويشافيها يا رب يا ريت يا اختي توضحين لنا الطريقة بالتفصيل ودي اعلم ولدي طريقتج ولكي الاجر انشاء الله

 

[اام حسن]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ماشاء الله تبارك الله ، المزيد من التقدم الدائم يا رب

 

[أختكم فى الله]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

السلام عليكم ورحمة الله وبركاته
جزاكم الله كل خير على الردود والتشجيع ربنا يبركلكم .. وبالنسبة للطريقة .. أنا أسفة جداااا إنى إتأخرت فى الرد عليكم .. بس لأنى حابة أكتبهالكم بالتفصيل فالوقت كان ضيق عندى اليومين إللى فاتوا
إن شاء الله هكتبها النهاردة بالتفصيل إنتوا بس تؤموروا إنتظرونى بإذن الله

 

[قلبي ضاع معك]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

السلام عليكم ورحمة الله وبركاته

اختكم في الله ..
ما شاء الله تبارك الرحمن على حبيبة وام حبيبة بعد هههههه ... الله يعطيك الصحه والعافية اتمنى اكون مثلك مثابرة واعلم ابني على طووول لاني احس ان ابني يحتاج اقعد معاه واعلمه مثل ما تعلمي بنتك لكن هالايام خصوصا جدا ظروفي صعبة في العمل لاني دائما استأذن لعمل التحاليل واخرج كثيرا ولابد ان اعوض عن الوقت الفائت ...

ولكن ان شاء لله سأتفرغ لابني تمام التفرغ واطبق اسلوبك اللي احسه قريب جدا لابني مستنيين فكرتك اللي لازم تسجليها بأسمك برنامج اختكم في الله ههههه ويبقى يطبقوه باقي المعلمين ..

وبالفعل اثبت التعليم عن طريق التلفزيون وعن طريق الكمبيوتر جدارته وبششششششده لاني اشوف ابني يحبه جدا وفكرتك حلوة اطبقها معه ..
جزاك الله خيرا ذكرتينا فيها ..

اما عن حبيبة فهي ما شاء الله ذكية وان شاء الله تتطور اكثر وعلى اللي قلتيه انا اشوف ان تطورها ممتاز وقريب جدا للي بعمرها .. عليك بمواصلة العمل وبمواصلة مجهوداتك الله يحفظها لك ويخليها لكم .. وان شاء الله مع التحاليل والعلاج والمكملات الغذائية والتزامك الشديد بالحمية صدقيني راح تلاحظي الفرق وااااضح جدا ان شاء الله وخصوصا ان سنها صغير وعلاجها بهالسن جيد ..
الا ما هي اخبار ابن اخيك ؟؟؟ رجع من السفر ؟؟

سدد الله خطاك وحماك انت وطفلتك من كل شر .. على طول فرحينا بتطوراتها >>>عطيتني امل قوووي ان شاء الله

 

[أختكم فى الله]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

السلام عليكم ورحمة الله وبركاته
أخواتى العزيزات جداااااااا .. زى ما وعدتكم هقولكم الطريقة بالتفصيل
بسم الله
أولا أنا ملجأتش للأسلوب ده إلا لما لاقيت حبيبة رافضة إنى أعلمها أى شئ بنفسى وبتضايق وتمل بعد 5 دقائق بالضبط سواء كنت بعلمها كلمات أو مهارات
ففكرت لاقيت إن التيليفزيون أو الكمبيوتر هو اكتر شئ ممكن تركز معاه فترة طويلة ومتملش وكمان ماشاء الله بتحفظ منه بسرعة .. لدرجة إن كانت أغلب كلماتها من أناشيد من التيليفزيون وطبعا متعرفش معناها لأنها بتردد وبس
فقولت أجرب معاها التعليم عن طريق تصوير الشئ إللى أنا عايزاها تتعلمه وأشوفها هتستجيب ولا لأ
أول شئ بدأته هو مهارة .. إنى أعلمها إنها تحط مكعب فى علبة
كانت طريقة التصوير
إنى أدخل غرفة هادية بعيدة عن الدوشة وتكون إضائتها كويسة .. وأصور فى ركن ميكونش فيه شئ ملفت للنظر مجرد ترابيزة ووراها حيطة .. أنا ماسكة الكاميرا فى إيدى وبحط العلبة على الترابيزة وأبدأ أصور وأنا بشرح (إيدى فقط إللى باينة فى الفيديو علشان تكون مركزة ومتتشتتش لما تشوفنى ) بحاول أشرح الفعل بكلمة أو كلمتين بالكتير ..وكنت بعرضهالها على الكمبيوتر أو على التيليفزيون
وكنت بفرجها عليه فى اليوم حوالى ساعة أو ساعتين حسب ما بتكون متقبلة والحمد لله ظهرت نتيجة الفيديو ده بعد ثلاث أيام .. حتى كمان حفظت الكلمات إللى كنت بشرح بيها ما شاء الله
وبدأت أعلمها كمان كلمات عن طريق الفيديو لما لاقيتها حفظت الكلمات إللى كنت بشرح بيها المهارة
والطريقة كانت .... اولا إخترت حوالى 8 أشياء هما أكتر أشياء بتهتم بيهم فى اليوم أولهم كان التيليفزيون وكمان التيليفون وبعض اللعب بس حبيت أعمل حركة فى الفيديو علشان متملش
يعنى كنت أصور التيليفزيون واقول تيليفزيون واكرر الكلمة حوالى 4 مرات وأفتح التيليفزيون وأقفله .. وكمان كل لعبها كنت بقول إسمها وبعد كدة أشغل اللعبة حتى إنها بعد كدة كانت أحيانا تنطق إسم اللعبة وتقلد صوت اللعبة .. يعنى عندها بطوط كانت تقول (أطوط .. واك واك واك ) هههههه
ملحوظة .. كنت بعد ما أصور شئ أضغط على pause وبعد كدة أحضر الشئ الأخر فى نفس المكان وأكمل تصوير عادى وكل تصويرى بالطريقة دى .... وطبعا فى فيديوهات أخرى مكنتش بعمل فيها حركة أو كانت الحركات بسيطة .. كل فيديو بسيبها تتفرج عليه حوالى أسبوع وبعد كدة أورلها واحد جديد وأفرجها على القديم والجديد
ملحوظة
كنت أغلب الوقت أثناء تشغيل الفيديو بحط جمبها كل شئ مصور علشان ألاحظ عليها هل هتلاحظ التشابه بين الأشياء دى والأشياء المعروضة فى الفيديو بس الحمد لله كانت بتربط بينهم بسرعة .. حتى الأشياء إللى صعب طبعا أحطها جمبها وهى بتتفرج على الفيديو .. زى محتويات غرفتها (الباب والسرير والأباجورة والشباك ) لما بتشوفهم ما شاء الله بتقول الإسم
ومن أمثلة الأشياء إللى صورتهالها .. جبت صورة طفلة وشاورت على أجزاء وجهها ونطقت إسم كل جزء .. وبعد كدة لما نبقى قاعدين مع بعض فى لحظة صفا أفضل أشاور على أجزاء وجهها ووجهى وأقول الإسم
فى اوقات تانية بقعد معاها وهى بتتفرج وأنطق معاها الكلمات
ولما بحب أعرف مدى إستفادتها من الفيديو بعد يوم او إثنين بشغلها الفيديو من غير صوت .. فبلاحظ إنها بتبدأ تنطق بعض الكلمات أو أجزاء من بعض الكلمات لما بتشوف صورة الشئ وكل فترة بعملها كدة وبلاحظ إن الكلمات بتزيد ما شاء الله والكلمة إللى متعرفهاش بنطقهالها أو أصلحهالها لو كانت غلط .. وطبعا فى يومنا العادى كل أما أقابل شئ وهى معايا أنطقلها إسمه
وحاليا مع الطريقة دى بدأت اتبع طريقة سن رايز .. يعنى لما تنطق أى كلمة أنا فهماها (طبعا بدون مناسبة كالعادة ) بستجيب على طول وأجيبلها الشئ إللى نطقت إسمه
ولو قالت شئ مش مفهوم برده بحاول إن يكون له إستجابة عندى
أتمنى إن يكون شرحى دقيق ولو لسه فى حاجة حابين الإستفسار عنها انا تحت أمركم

 

[أختكم فى الله]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

السلام عليكم ورحمة الله وبركاته
أختى ضاع قلبى معك
ربنا يباركلك وتفرحى بمحمد قريبا إن شاء الله
بصراحة أسلوب الفيديو ده مش محتاج تفرغ اوى .. بصراحة مريحنى شوية يعنى أوقات كتير بكون مشغولة بشغل البيت لأن معنديش حد يساعدنى .. بخليها تتفرج على الفيديوهات وبكون مبسوطة لأنى ببقى مش قاعدة معاه وفى نفس الوقت حاسة إنها بتستفيد وكمان قلل فرجتها على التيليفزيون خااالص لأنه يعتبر بديل مفيد
وعلى فكرة إنتى وكل الأخوات إللى عندهم أطفال تانين ممكن تستفيدى جدااا بإبنك الآخر فى تصوير بعض المهارات الإجتماعية وطرق اللعب .. أنا والله عندى أفكار كتير جدااا بس محتاجة أشخاص أو أطفال أصورهم ومش لاقية حتى زوجى مش فاضى مستنياه يفضالى شوية علشان عايزه أعمله فيديو فى أشياء معينة فى دماغى تخص حبيبة ومش لاقى وقت
بالنسبة للطريقة دى مش طريقة أم حبيبة ولا حاجة أنا بعد ما فكرت وعملت كدة إكتشفت إن الطريقة دى موجوده وكمان بيستخدموها فى المراكز .. بس الفرق إن فى البيت ممكن تكون أفيد وأوضح لأنك إنتى عارفة إيه إللى يهم إبنك أكتر من أى حد .. حتى إنى لاحظت إن الصور إللى بيستخدموها فى الفيديوهات او التخاطب للأطفال أحيانا بحس إنها مش واضحة أو إن الطفل ممكن ميقدرش يربط بينها وبين الأشياء الواقعية لأنها بتكون رسم كرتون ممكن تكون بتساعده على النطق فقط
بالنسبة لإبن أخوية لسة إن شاء الله هيجى فى شهر 3 ربنا يجيبهم بالسلامة
طمنينى على محمد وقوليلى إيه اخبار الأشعة والتحاليل

 

[فوضت امري لله]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ماشاء الله لاقوة إلا بالله ....الله يحفظها ويحميها ويفرحك فيها كمان وكمان​

 

[أختكم فى الله]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

أختى فوضت أمرى لله جزاكى الله كل خير وبارك الله فيكى

 

[فاطمة سعد]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ما شاء الله تبارك الله اختي العزيزه انت رائعه استمري والى الشفاء السريع يا رب ’

 

[رحيمو]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

فكرة الفيديو رائعة سأجربها لابني جزاك الله كل خير وشافى حبيبة وكل الأطفال

 

[يا قرة عيني]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ما شاء الله يا ام حبيبة ربنا يفرحك بيها ويباركلك بيها ويشفيها الشفاء التام ..ومشكورة على فكرة الفيديو

 

[ام عبد القادر]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

اختي العزيزة هذي تطورات ممتازة استمري والله يقدرنا كلنا في مساعدةاولادنا وتطوير قدراتهم اللهم امين

 

[أختكم فى الله]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

جزاكم الله كل خير وبارك الله فيكم جميعا وكل عام وأنتم بخير .. وتقبل الله منا ومنكم .. ولا تنسوا أن تكثروا من الدعاء غدا وربنا يستجيب لنا إن شاء الله ويشفى ابناءنا ويفرحنا بيهم عاجلا وليس آجلا إنه على كل شئ قدير

 

[صبري بالله]

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

رد: تطورات حبيبة خلال شهر ونصف (أدعولها ربنا يزيد ويبارك ويشفيها)

ما شاء الله عليك الله يجزيكي الخير والله فكرة حلوة ورح اجربها على ابنتي ان شاء الله , ما شاء الله على ابنتك الله يشافيها ويشافي كل طفل مريض اللهم امين