تطورات اخويا ولعبه معي

[يحي]

اليوم محمود قال ازازة
كان ماشي في الارض ولزق برجله شيء
ماما وجدته بيرفع رجله ويحوش الي لزق فيها
قالت له محمود مالك حبيبي ازارزة في رجلك
ازازة
محمود قال ازازة ماما فرحت ورلاددتها كثير ونادتنا كلنا بابا سمع محمود

وانا اليوم برجع من المدرسه لاعبته الرمي بالكورة في سله القمامه
طبعا هي سله مش متوسخه بس ماما جعلتها مخصوص لرمي الكور فيها لنعلم اخويا اقاء عن بعد
محمود عملها
وعلمناه يقول هش واش ويضع صابعه علي فمه
علشان نسكت هش اش
محمود مدمن نيكولوين وسلطع ملطع واوبي واغنيه عيونوا تشتاقيلوا وياريت بابا ياريت
وبيقلد حركاتهم كمان
طلع السلم امبارح بدون اي مساعده واقف بدون ما يسند علي الدرابزين
ماما بتعلمه كده والحمد لله تعلمها بسرعه
بحب اخويا وبحب انام جنبه
لما يشوفي رايح السرير ينادي اسمي ويجي ورايا ينام ويغطي نفسه
يارب اخويا يكبر ويكبر ويروح الجامعه
يارب اخويا يصبح رجل كبير
يارب اخويا يتعلم كل الدنيا

 

[SHAMS O GOMAR]

ماشاء الله
اكيد ييحيي الأمهات لوحدهم مايقدروا يعملة كل شى لازم انتوا تساعدونا
علشان اخوك صرت تشارك معاه فى كل شى منها تواصل ومنها مهارات
حياتيه يكتسبها منك
برافوووووووووووووووووووو يحيي

 

[ام يويو]

ربي يحفظك يا يحيى ويخليلك اخوك محمود وياريت ولدي الكبير يتعلم منك الحنية على اخوه هو لما شاف صورة يوسف على البوستر زعل ويقول ليش ماطلعت صورتي بعد مجنني هالولد الله يهدية ويهديك يا يحيى

 

[تناهيد]

تطورات جميله
ربي يخليكم لبعض يا يحيى وعقبال ما ترقص في فرح محمود يا رب

 

[صدى الأحبه]

ماشاء الله تبارك الله
الله يحفظه يارب :23:

 

[ام لوجى]

ماشاء الله عليك يايحى اهتمامك وحبك لاخوك ملحوظ الله يخليكم لبعض
ويخلى ماما لكم ويشفى محمود ولوجين وكل اطفال الداون قل امين

 

[ام محمود]

ماشاء الله عليك يايحى اهتمامك وحبك لاخوك ملحوظ الله يخليكم لبعض
ويخلى ماما لكم ويشفى محمود ولوجين وكل اطفال الداون قل امين

اليوم محمود قال ازازة
كان ماشي في الارض ولزق برجله شيء
ماما وجدته بيرفع رجله ويحوش الي لزق فيها
قالت له محمود مالك حبيبي ازارزة في رجلك
ازازة
محمود قال ازازة ماما فرحت ورلاددتها كثير ونادتنا كلنا بابا سمع محمود

وانا اليوم برجع من المدرسه لاعبته الرمي بالكورة في سله القمامه
طبعا هي سله مش متوسخه بس ماما جعلتها مخصوص لرمي الكور فيها لنعلم اخويا اقاء عن بعد
محمود عملها
وعلمناه يقول هش واش ويضع صابعه علي فمه
علشان نسكت هش اش
محمود مدمن نيكولوين وسلطع ملطع واوبي واغنيه عيونوا تشتاقيلوا وياريت بابا ياريت
وبيقلد حركاتهم كمان
طلع السلم امبارح بدون اي مساعده واقف بدون ما يسند علي الدرابزين
ماما بتعلمه كده والحمد لله تعلمها بسرعه
بحب اخويا وبحب انام جنبه
لما يشوفي رايح السرير ينادي اسمي ويجي ورايا ينام ويغطي نفسه
يارب اخويا يكبر ويكبر ويروح الجامعه
يارب اخويا يصبح رجل كبير
يارب اخويا يتعلم كل الدنيا

يارب يابني يسمع منك ويتعلم كلام اهل الدنيا ولغه القران الكريم
امين
ويسعدني بكم يا اولادي ولا اري فيكم مكروة
واقر اعيني بكم في الدارين
امين
فعلا حبيبي يحي انت بتساعدني كثير مع محمود لانك رجل وصح كلامك الحمد لله بفضل الله محمود قال ازازة وبيقول كلمات كثيرة
لازم نزود عليه الكلمات لكن بهدؤ ونكررها
وانا معتمده اننا نعلمه اولا الاشياء والكلمات التي تعبر عن رغباته
وبالفعل بفضل الله بيعرف لما يريد يفتح الباب او شيء يقول افتح وتعلم ايدا فتح اوكرة الباب بنفسه فضل من الله
ويقول ها تها او خد
وعندما يريد ان يبعد احد عنه يدفعه بيدة ويقول اوعي
بيقول هش لو حب يسكت حد يضع اصبعه علي فمه ويقولها
وغير سابق الكلمات التي تعلمها بنفضل الله عارف افتح واغلق
وفوق وتحت
وبفضل الله تم تعليمه يصعد السلم درجتين بدون استناد يطلع واقف متماسك
بفضل الله بيلعب اللعب الايهامي
اليوم
جلس يرص السيارات كتصنيف

ولا انسي يا يحي يا بني الغالي انك انت الي علمت ماما كيف تستخدم النت وكنت يدا بيد معي في تربيه محمود
وحملت المسئوليه من الصغر
اللهم اعني علي حسن تربيتكم واجعلكم من حفظة القراْن الكريم وبارين لكل الناس وخير اجناد الارض يارب
امين:23::23::23::23:

 

[ام محمود]

جزاك الله خيرا ام محمد فعلا لازم ولابد ان يتفاعل الاهل جميعا اخوة واخوات اباء واجداد في مسانده الطفل معاااااا
وبفضل الله بنحاول نحبب الاسرة في بعض وندرب اطفالنا من بعيد علي التعاون واللعب الهادف
وايضا اعطاؤة فرصه ليعبر عن حبه لاخيه بطريقته
ليس اجبارا علي الابن اللعب بل حبا واخوة
لو كان اجبار هيولد كرهه وغيرة لا سمح الله

ان شاء الله ام يويو يدب الحب والتعاون
لا تخافي لدي اخو محمود الاوسط بيغير اوقات كثيرة
وبيلاعبه بعنف لكن اعتقد ليس كرها بل هي طريقته
ربما لانه كان المدلل وجاء محمود
اصبري
ولا يهمك ارسلي صورة اخوة بالمنتدي وهنفتخر به ايضا جنبا مع صورة يويو

اهلا بالاخ الغالي ابو رازان
الله يسمع منك يارب ونفرح بهم وبزواجهم
لكن الا الرقص قول ممكن يوسف من الفرح يرقص لكن يحي ملتزم جدااااااا وخجول
هيكتفي بالابتسامه فقط
لاني علمته بان جسم الرجل ان اهتز بالرقص اهتزت له عرش الله
بنحاول مع يوسف نتبع معه
طبعا محمود لا يتوصي بيرقص كثير
ويارب يرقص لرازان يوم فرحها
امين
الله يفرحك بدحوم ياصدي ما هي اخر اخبارة
انتي ونعم الاخت مجاهده مع اخيكي جدا واعلم كم تعبك وقلقكك عليه الله ياجرك يارب
ام فارس
ام لوجي
امين امين امين يارب واياكم تسعدي بابنائك
وتشوفي لوجي بالجامعه ان شاء الله
شكرااااا
لكم جميعا
وان شاء الله يحي يشكركم في وقت فراغه بامر الله

 

[يحي]

شكرا
انا بحب محمود وعاوز اعلمه
باجلسه علي الكمبيوتر واسمعه الاغاني اوقات
واوقات اجلسه اعلمه المهارات والتمييز زي ما ماما قالتلي
اسئله فين الصورة ويشاور عليها
هو بيحب الحصان والكلب والقطه
لما بيقلع هدومة يجري من ماما فرحان بجسمه ويبوس في ايده وانا ويوسف نزغزغه عشان يغير ويلبس هدومه ويحب يستحمي بس بهدومة يقعد بالميه