وتمر الايام بشوق(الحلقه 12)

[بسبوسه]

ابو ثامر : هيفاء انتي ام عيالي وستري وغطاي وتستوعبني وتحبني قدك 00البيت من غيرك يا ام ثامر مايسوى اصلا ماصرت انام فيه ولا ادخله ابدا 00انا انام ببيت اهلي والكل يسالني عنك 00هيفاء انا ماحسيت بقيمتك الا لما خليتيني 00
في هذي الوقت هيفاء تسمع ومش مصدقه ايش الي ينقال لها مش مصدقه انه فهمي يطلع منه كلام زي كذا مستحيل بس هي التزمت الصمت وهذ الشي اعطا فهمي يتكلم ويطلع الي جواءه _يعني تفسير الطاف للموضوع صحيح _وهيفاء تسمع ومبسوطه وقلبها يتقطع بس ماسكه برضه نفسها
ابو ثامر :ايش فيكي سا كته ؟انا عارف انا غلطان وسويت معاكي حركه ندمت عليها ومستحي منها ولما جيت لامك وعرفت انك ماقلتي لهم السالفه استحيت اكثر واكثر 000بس ماتوقعتك بتروحي وتخليني اتوقعتك بتقولي كلمه مش حاسب حسابها وبيروق الحين ويهداء وتنتهي الحكايه 00هيفاء انت روحي انتي حياتي _هيفاء طبعا منتهيه لما سمعت هذ الكلام بس اصرت اكثر لو بترجعلوه ترجعلوه وراسها مرفوع وبشكل وحياه ثانيه _انتي شمعه حياتي الي لو انطفت انا انتهي اعيش بظلام طول حياتي 000000 نتضارب ان شاء الله نعطي بعض بشلوت بس نعرف الي بقلوب بعض _فهمي يقرب من هيفاء اكثر_هيفاء
انا احبك وحب اطفالنا انتي زوجه ناجحه بكل المقاييس بس انا مااستوعبتك 00كنت اتخيلك قبل الزواج حاجه ولما تزوجتك لقيتك حاجه عكسها تماما 00رفض عقلي يغير الصوره الي رسمك عليها ورفضتي انتي تستوعبيني
انا غلطان وانتي غلطانه 00هيفاء ارجعي لبيتك ونوريه والي تامريني عليه انا حاضر 00ايش فيكي ساكته
هيفاء :خلصت كلامك ؟
ابو ثامر :ايه
هيفاء :انا ماعندي أي تعليق على كلامك والي بينا عيالك ووعدك اربيهم احسن وافضل تربيه مايسالني الله عنها
ابو ثامر :مافهمت عليكي؟
هيفاء :انت جرحتني واهنتني وماوصل الموضوع للاهانه الى لما كرهتني
ابو ثامر :كرهتك ؟
هيفاء :ايه كرهتني ولا ماسمحت لنفسك بطردي من بيتك 000وانا من اول ليله تزوجتك فيها قلتلك :ابشر بحب كبير وعطاء ماله حدود وصبر منقطع النظير حتتتتتتى تطلب مني التوقف وعمر الاشياء هذي لما تتوقف ماترجع ابد تصير ذكريات وهذ الي صار
فهمي يطالع بهيفاءبنظرات فاجات هيفاء كثير نظرات كلهاحب وعيونه مليانه دمع
ابو ثامر :ايش تقصدي ؟
هيفاء :للحين ومافهمت ؟قلتلك عيالك بربيهم لك وخلاص
ابو ثامر :هيفاء انا فهمي 000وين كلامك انت حبيبي وانا من غيرك اضيع وانت اغلى غالي بحياتي وانت لو تتركني اموت 00وين كلامك عن السعاده والحب والحنان وغيره الاعداء منا ؟وين هذ كله تبخر ؟ولا انتي تبيعين عليه كلام ؟
هيفاء :انا قلت ووفيت وصبرت وحاولت اغير فيك ولو شي بسيط ماياست واصريت واصريت واصريت وتمسكت وطنشت كل الي كان ينقال وكان ممكن اضل اتمسك فيك واصر على استمرار حياتنا وكافح وبذات بعد وجود الاطفال يخليني اصر اكثر واكثر 000غرقتك بحب وحنان ولطف لحدماوصلت لطرد وانت مش طاردني من بيتك انت طاردني من حياتك 00وبرغم حبي لك وتفننني باسعادك ماقدرت احتويك وعجزت وغلبتني وغلبت لا انا قادره اوصلك ولا انت قادر تستوعبني وتاخذني على قد عقلي انت اصريت تحسسني بانك صاحب فضل عليه لانك تزوجتني وهذ الشي صعب جدا عليه ومع كذاتغاضيت وسويت نفسي هبلا وماافهم تتعمد تجرحني وقول مشي يا بنت بكره الله يعدلها ابيحلك بمشاعري تقلي كلام افلام وكذب
تعبت تعبت تعبت000
ماتتحمل هيفاء وتبكي يقرب فهمي منها ويمسك يدها
ابو ثامر :كل هذ فيني ؟
هيفاء واكثر واكثر بس ماكنت ابغى ابين لك عشان ماابغاك حتى تفكر او تاخذ بخاطرك كنت اضن اني بطريقه هذي اسعدك وماكان يهمني نفسي حتى لو كان على حسابها 00بس الحين انا اعترف ان الي يحب شخص اكثر من نفسه يكون غلطان وظالم ظالم لنفسه لانه بيهضم كثير من حقوقها ومتعها 00الحب حلو واحب زوجي جميل جدا ولكن مش على حساب نفسي ومع هذ رضيت بس عشان مااكون اوعدك بسعاده وماتلاقيها
ابو ثامر :الحياه يا هيفاء مره كذا ومره كذا احيانا اتمنى تزعقي اتمنى تطلعي من ثوب المثاليه الي جننتيني فيه احيانا اتعمدازعلك ابغاكي تزعلي عشان اراضيكي وتتعاملين مع الموضوع بكل برود وسذاجه واحيانا اتعمد اكركب البيت ابغى شويه فوضى 00هذي مش حياه لازم نتناغش وتختلف وجهات نظرنا ونتناقش بالاشياء المهم ونقرر مع بعض انتي الغيتي وجودي صرت الام والاب الي تتحكم في كل شي من غير الرجوع ليه بشي حتى لو بمدارس العيال او باستقدام شغاله او بمكان بنسافر ليه او حتى اسم الفندق الي بنسكن فيه كل شي ترتبينه لحالك وتوقفيني امام الامر الواقع وتحسبيها سعاده ؟
هيفاء:ولمن اختار مدارس لعيالك واسال وطقس عن مدرسينهم وحط رسومها كامله ولا عمري يوم طلبتك شي هذي ما تعبني ؟ماتعبت فيها عشان اسعدك ؟
ولما احجز لطيارنا ورتب امور سفرنا وذهاب واياب وميزانيه وقدرها عشان نقضي كم يوم حلوه مش تعبت فيها عشان اسعدك ؟
ولمن اختارلك ارقى الفنادق واريحها مش عشان اسعدك ؟
ابو ثامر :ممكن فيها وفيها ؟انا احب اشترك معاكي بكل شي انتي ماتعطيني فرصه انتي عايشه الرجال والحرمه حتى في الاشياء الشخصيه الي بيننا
00اعذريني يا هيفاء بس لا مو كذا السعاده انتي شايفه السعاده تلغيني بالمره 00وهذ الشي يخليكي تتعبي ضعفين ولا تعجبني هذي الطريقه السعاده مش كذا الراجل راجل والست ست مهما وصلت من مراتب ودرجات تضل زوجه وام ومسوله عن بيتها
هيفاء :رجال مايملا عيونكم غير التراب لا كذا عاجب ولا كذا عاجب 000
الي تحب تتعسوها والي ماتحب برضه تتعسوها
وهيفاء تقول بنفسها (تفسير الطاف للموضوع صح شكلي سببت لرجال عقده بنفسه والطاف قالتلي حاولي ماترضين الحين خليني ازودها شوي وماارضالوه بسرعه يمكن اغير حاجه من الي بباله عني )
هيفاء :عموما طيب ايش المطلوب مني الحين ؟
ابو ثامر :تلمي حاجاتك وحاجات العيال وترجعي بيتك
هيفاء :مين انا ؟
ابو ثامر :ايه طبعا
هيفاء :بلبساطه هذي؟يعني الي مسويه انت مره بسيط ويستاهل اني ارجع لك بسرعه هذي ؟لا يا حبيبي انا صحيح احبك وماراح احب غيرك طول العمر ولااظن بيدخل بقلبي انسان غيرك بس ارجع لك لا 000كرامتي وقلبي الي ماسكن فيه احد غيرك رافضينك نهائيا
يحاول فهمي محاولات كثيره تخللها كل شي اعترافات وعهود ومواثيق ولكن بات بالفشل لان جرح هيفاء اكبر من كم كلمه انقالت
يخرج فهمي وهو متضايق وعند الباب يضم هيفاء غصب عنها ويقلها :انتي حبيبتي بس بتركك حتى زواج امل وبعدين بجيكي وتمنى تكوني تعوذتي من الشيطان 000واعملي حساب باني جيت وتاسفت وندمت وتكلمت معاكي بكل صدق وانتي رفضتي ولو براسك موال اهانه او ذل فانصحكي تعيدي الحسابات من جديد 00برجعلك بعد فرح امل وبنتضرك اسفل لو نزلتي معناتها لسىتحبيني وبترجع حياتنا احسن من اول ولو مانزلتي فانتي السبب الي عندي قلته وفكري بكلامي مضبوط وانتي ست العاقلين اكيد 000بوسي العيال وبجيهم بكره المغرب امشيهم ويارب يكون بعض الناس شالوالي براسهم وينزلو معاهم اويعزموني على عشوه حلوه من اياديهم لاني اشتقت لاكلهم وتشحططت من بعدهم 0
هيفاء تتعمد ماتحط عينها بعينه وتسرق النظره سرقه عشان تتمسك بكلمتها 0
يطلع فهمي وتروح هيفاء لالطاف وتشكرها على تفسيرها الصحيح للموقف وتعترف لها بانه كانت لها يدبالفجوه الي بينها وبين زوجها بس
هيفاء :قهرني يهددني بانه محيرجعلي ثاني لو مانزلتلوه يقولي لو مانزلتي يبقا انتي السبب وتحملي الي بيصير 00يعني بيهددني بطلاق وتصدقي يقولي عقلي اعانده ووقفو موقف بايخ وماانزلوه واشوف ايش بيسوي يعني 0
الطاف :انتي اكيد مجنونه ايوه يا حبيبتي هذ رجال ماتقدري تلويلوه ذراعه وبيجيب بدل الوحده الف وبتجلسي انتي تربيلوه اولاده وهو متهني لكن لو كنتي ذكيه وعرفتي تستغلين الموضوع هذ لصالحك فانتي بتسكري عليه من جد ياهيفاء فكري بعقل ولا تجي تكحليها تقومي تعميها مره وحده انتبهي انتي الحين مش زوجه وبس انتي زوجه وام 0
وتحاول الطاف بكل هدوء تبين لهيفاء بضروره استمرار حياتها الزوجيه ولازم ترجع لبيتها وعيالها بس مع قليل من التغير الايجابي بمعنى ماتكون عكس ما كانت وتبالغ لا تحاول تتوسط بكل امورها ومابتنهي حكايه هيفاء الا بعد زواج امل يعني كمان عشر ايام تفكر فيها بلي صار والي بيصير بالايام الجايه ونشوف ايش بيصيرلها بعد هذا
بتركب راسها وتعاند ولا بترجع لبعله وبيتها ؟؟؟؟














تبداء تجهيزات لفرح امل وعادل والطاف قلبها على امل وخايفه عليها
وامل مش مستمتعه ابدا بزواج الي كانت بتتجنن ويصير
في هذ الوقت اعترفت هند بحب عبد الرحمن لشوق
هند :بصراحه يا شوق ماراح تلاقي احسن من عبدالرحمن يرتبط فيكي وبصراحه بلغني بهشي وانا تقبلت الموضوع وفرحت فيه وهذا انا اخذ رايك
شوق :كيف يعني ؟عبد الرحمن ايش يبغى ؟
هند:يبغى يتزوجك
شوق: قلت البنات عشان يطالع فيني ؟وبذات عبدالرحمن لاعب معروف ايش تبغي الناس يقولو؟ تزوج وحده لها ضرف خاص ؟ولا وين امه وخواته ؟ايش مايشوفو ؟
_شوق قالت نفس كلام هند لما تناقشت هي وزوجها بالموضوع وهذ الشي بكاء هند وحسسها بذنب لدرجه فضيعه _
هند:ايش تقولي يا شوق استحي
شوق :هند انت اخر وحده اشك بانها ماتفهمني او ماتعرف لوين انا ابغى اوصل
عبد الرحمن اعزه وقدره زي اخويه وقوليله شوق تقلك شكرا لمنحها هذي الفرصه ويمكن تكون فرصه ارتباطي فيه هي فرصه عمري ولكن انا احترم ضروفي ووضعي ومااراح ابني حياه على حساب أي احد
وبعدين يا هندكيف تعطينه الفرصه يفكر اصلا فيه
هند:هذ حياته وهو حر فيها 00000وكاني مااسمعت شي فكري ثاني مره واستخيري وبعدين قرري
شوق :الموضوع منتهي وانا مو رافضته انا اشوفه كثير مره عليه وانا اعرف الناس بامكانياتي المتواضعه حرام اظلمه واظلم نفسي
هند:هذاخر كلام عندك ؟
شوق :للاسف ايه والله يسعده ويوفقه ببنت الحلال الي تسعده وتهنيه
تنتهي المكالمه بذهول شديد من الموضوع ومن طريقه الرد 000وباسف وندم من جهت هند
وتبلغ هندعبدالرحمن ويزعل زعل شدييييييييد لانه فعلا حبها وتمناها زوجه ومؤمن بان سعادته بتكون بين يديها ولكن رفضها كان له ردت فعل سريعه وعنيفه وقرر يتزوج باسرع وقت ممكن من اول بنت ترشحها ام عبد الرحمن وفعلا زواج سريع من بنت عمه حضرت شوق وجميع اخواتها عشان مايحسو بفقد هند لان هندماقدرت تحضر زواج اخوها
تمت ليله عبد الرحمن والكل مبسوط وفرحان 00
بعد نهايه الزواج وبعد رجوع شوق لبيتهم تخبر امها بانه عبدالرحمن خطبها وهي رفضت
الام بكل غضب :ليه ماقلتيلي ؟ليه ماشاورتيني ؟انتي اكيد تبغي تقهريني ؟انا بموت على يدك انا متاكده
شوق :بعد الشر عنك يا امي بس الموضوع مايحتمل التفكير فيه
الام :لا ياشيخه
شوق :ايش فيكي يا امي لو عرفت انك بتزعلي ماقلتلك شي
الام :ليتك مااقلتيلي وقهرتيني
شوق:لا ياامي لا تقولي كذا
الام :اه يا قلبي يعني كان المفروض انتي اليوم عروسه 000اه يا قلبي
شوق :ايش ايش فيكي يا امي تبغي تفتكي مني ؟
الام :ياليت
شوق :جالسه على انفاسك عشان ما تقولي خلاص بناتي تزوجو ورتحت منهم وجا دوري افكر بواد حليوه ارجع فيه شبابي وتسكنينوه ببيتنا ولما نجي نزورك تطردينا براءالبيت
الام :اسمعو يا خواتي اسمعو ؟؟؟
روحي نامي لا تخليني اكسر عكازك على راسك وبطلي كلام ماله داعي 00شوق تقوم وتروح لغرفتها
الام :شوق