وتمر الايام بشوق (الحلقه 18)

[بسبوسه]

ام الياس :حمود ليش طولت انتظرتك حبيبي
شوق تسمع صوت ام الياس وتدخل شقتها بسرعه وتسكر الباب وتعرف ان وصفتها جابت نتيجه وام الياس خففت جرعات النكد
بس برضه شوق مش مرتاحه لتوصيات حمود تقلقها (خليكي قويه ونتبهي لنفسك )
تدخل لغرفتها وتشم ريحت عطر حمودفيها تقوم تقرر تنام بصاله على غير العاده يعني
وتصحى شوق على دق قوي قوي على الباب وتطالع الساعه والساعه 12 ونص بظهر تقوم شوق تفتح الباب وقلبها يرجف ايش صاير
شوق :ميين ؟
ام الياس :افتحي يا شوق
شوق تخاف حمود مو عندي ومابيننا كلام ولا زيارات ماقدر افتحلك
ام الياس :شوق افتحي ارجوكي
قولي ايش تبغي وانا افتح لكي
شوق تتصل بحمود بس مايرد عليها
ام الياس :حمود تعبان وشكله دخل بغيبوبه رافض يصحى لي
شوق يطير عقلها وتفتحلها
شوق :حمود وين؟
ام الياس :اسفل بغرفتي
تاخذ شوق جوالها وتنزل بسرعه واول ماتدخل بيته تبداء خطواتها بثقل لحدماتوصل لغرفه النوم وتلاقي حمود نايم على السرير
تطلع شوق على السرير وتناديه
شوق :حمود حمود
تجس النبض تشوف تنفسه ولا حركه
تصرخ شوق باعلاء صوت طلع منها بحياتها
شوق:حمود حمود لا لا تخليني ياحمود انت وعدتني ماتخليني حمود انا شوق يا حمود تتصل شوق على خالد اخوها وتتصل على الاسعاف ولكنها تتاكد بانه ميت والي عسرير جثه فقط
شوق:حمود لسى فيه اشياء كثير ماسويتها معاك لسى نونو ولسى اشياء كثيره خبيتها لك 00حمود لا تتركني
يرن صوت حمود باذن شوق وهو يقلها خليكي قويه خلي بالك من نفسك
شوق :حاضر يا حمود بكون قويه وباخذ بالي من نفسي
تغطي وجهه
يجي الاسعاف وياخذ جثت حمود وياكدون وفاته
تنهار شوق بزياده ويدخل الياس ويعرف الخبر من امه
ويجي خالد وينهار لان حمود صديق عمره بغض النظر عن كونه زوج اخته 000
يلم اخته ويعزيها ويروح للمستشفى ويقام عزاء حمود
وتلزم شوق العده ببيتها وعيال حموديكتفو بتهميشها ماعداء الياس كان يتعهدها ويطلعلها دايم 000



وبنهايه اخر يوم من عدتها تلم ملابسها وتقرر ترجع بيتها
















وترجع شوق لغرفتها بعدسنه ونص من زواجها رجعت لغرفتها ارمله بنفسيه منكسره منهزمه مكتئبه غير معهوده عنها مثل هذ الفصل ابدا0
حزنت شوق على وفاه حمود حزن شديد جدا وكانت تتمنى يكون لها ولد او بنت منه
صارت تجلس بظلام مده طويله ولا تحب تتكلم مع احد بطريقه غير طبيعيه اضطرت الطاف تكلم هند وتقلها عن حالت شوق وانها رافضه المساعده من أي احد ورافضه تردعاى احد او تسمع من احد ماعداء الياس ولد حمود
تضطر هند ترجع لديره بسبب شوق وخوفها يجيها اكتئاب شديد ويصعب الخروج منه
يوافق زوجها وتجي هي ولما وقبل ماتروح بيتهم
تمر على شوق وتفتح غرفتها بشويش ودخلها لما بنتها تجنن
شوق :بسم الله ماشاء الله تبارك الله تعالي يا عمري انتي 000امي امي مين هذي ؟تقوم شوق من فراشها وتشيل البنت وتبوسها
هند
هند
هند


هندانتي بنت هند تترك شوق البنت وتطلع من غرفتها وهند عند الباب تضمها شوووق بقوه وكانها تبغى دمها يجري بعروقها وتبكي
هند :انتي شوق ؟ايش فيكي ؟ليش كذا يا شوق ليه ؟حمود لو كان عايش ماكان رضي بحالتك هذي ايش مسويه بنفسك ؟
شوق :خليكي مني انتي كيفك ومتى جيتي؟
هند :الحين جيت ولسى مارحت بيتنا جيت على هنا على طول
وذهلت بشكلك يا شوق كبرت خمسين سنه
شوق :الله لا يوريكي الي شفته يا هند بس خليها على ربك مانبغى نضيع الاجر حزن وشوق وحشه ووحده وغربه وفراق وعده واشياء مولمه كثير جدا الله لا يوريكي هي
هند :بس مش نهايه الحياه
شوق :أي حياه يا هند بعد حمود لا لا تقولي كان ابويه وخويه وصاحبي وولدي احيانا تمنيت بس يكون ليه ولد منه
هند : بس خلاص هذي حكمت الله ولا تعترضي وكل عيالنا عيالك وعيب عليكي يالله قومي تحممي الحين والبسي وامشي اخرج معاكي زي اول
تضحك شوق
شوق :لا يا عمري انتي جايه من مسافه طويله واكيد تعبانه 0 بكره نطلع والايام بيننا يا هنوده مابرتاح لحد مااقلك ايش صار بثلاث سني00
بعد كم يوم تطلع شوق وهند والي يوصلهم لسوق عبد الرحمن زي اول
وبعد ماينزلو تقول هند لشوق :لوعبد الرحمن يتقدملك ثاني مره تتزوجيه ؟
شوق :اتزوج بعد حمود لا والله مااتزوج بعد سيد الرجال وبعدين ماوافقت وانا بنت وهو شاب عاد بوافق الحين وانا ارمله وهو متزوج 000وتضحك شوق وتقول بعدين اتزوجه وتسع شهور ويموت وارمل مرته واخذ العده مره ثااانه000تضحك هند وتقول :ايه كذا ارجعي شوق الاولى ورجعي ضحكتك الاولى 000ولا تتشامي او تتعقدي من الي صارلك اكيد بكره ربي بيعوض عليكي
شوق :هي ايام نقضيها والله يعينا على الدنيا وبلاويها
يرن جوال شوق وترد بلهفه
هلا الياس كيفك ياريحت الغالي
الياس :كيفك يا خالتي
شوق :ماشي الحال اشتقتلكم كيفك وكيف اخواتك وكيف امك
الياس :كلنا مبسوطين والله يا خالتي نفسي اقلك على الورث وتقسيم التركه
شوق :الياس حبيبي انا تنازلت عن جميع مايخصني بتركت ابوك ولا ابغى منه شي ابدا انتو عياله وانتو ورثته وانا الله منعم عليه ومارزقني من ابوك بعيال اتركها لمين وايش ابغى فيها اصلا
الياس :والله يا خالتي احرجتينا بلطفك وطيبه اصلك ونفسي اسوي حاجه تسعدك
شوق :من جد نفسك تسوي حاجه تسعدني
الياس :طبعا
شوق :تتزوج اختي نوف الصغيره واصير خالت حفيد حمود وبكذا اكون اسعد انسانه
ويصعق الياس من عرض شوق عليه مع انه ماعنده مانع بالعكس من اشدالمعجبين بخالته وارتبط فيها بقوه ايام عدتها كان يسولف معاها وحس قد ايش هي حساسه ومرهفه الاحساس 00وعلى قد رفض امه الشديد لطلوعه المتكرر واليومي لشوق الى انه كان يختفي احياناويطلع لشوق زي ماكان حمود يسوي بضبط 00وهذ الحركه كانت تثير غضب ام الياس وحقدها على شوق000لما طلبت شوق منه يتزوج نوف 00 حس بمعركه حاميه جديده بين امه وشوق
ولكن هل مره مش على حمود ولكن على الياس
مين ينتصر هل مره ؟؟؟

وهل اصلا بيكون فيه معركه او ان ام الياس مايكون عندها مانع من البدايه ويتم الزواج ؟؟؟
او بيكون فيه معركه بالفعل ويطلعون كلهم خسرانين زي المعركه الاولى ؟؟؟




في هذي الفتره يطلب الياس منها التفكير بالموضوع ويعمل حساباته ويضبط اموره قبل لا يقول أي كلمه تنحسب عليه
شوق حاسه بان ام الياس ماراح تحب الفكره وراح ترفض
شوق :يالله يا هند طلبت من الياس طلب بايخ بياخذ منه مجهود كبير وبالاخير ماراح يصير
وتقلها السالفه
هند :يالله يا شوق خلاص خلي الولد بحاله لا توهقينه مع امه
شوق :ماابغاه يبعد عني نفسي يتزوج نوف عشان اربطه فيني من جد
هند :انتي مش صاحيه
شوق :اخ يا هندبقلبي نار يا صاحبتي 00حمود وحشني وحشني مره كان هني معايه يداري عني أي شي يزعجني
هند :يااااه رجعنا لموال حمود
شوق :لا تلوميني حموداعطاني فرصه حقيقيه باني امارس حياتي زي كاني انسانه طبيعيه بضبط 00استمتع بيه باعاقتي وحبني زي ماانا مطلب مني اغير حاجه فيه 00عمري ماحسيت معاه باني اقل من أي انسانه 00بالعربي مستحيل انساه
هند :يا شوق لازم تطلعي نفسك من هذي الافكار الي بتنسيكي نفسك وبتنسيك الي حوالينك واناس الي يحبوكي 000كل ماجينا نخرجكي من ذكرياتك مع حمود نلاقيكي مباشره تذكريه وتقلي قصص عنه عيشي حياتك اعطي نفسك بحياه جديده ساعدينا يا شوق ارجوكي
شوق :انتي تطلبي مني المستحيل بعينه 00وبعدين من قالك ان ذكرياتي مع حمود تاذيني ؟بالعكس لما تذكره احس الدنيا بخير وتتحسن نظرتي واتفال بكل شي 000ولما اتذكر الي كانو يخطبوني قبله تسود بعيني الدنيا بكبرها 00الي خارج من السجن والي راتبه الف ريال وطمعان بزوجه وبيت واكل وشرب ونافش نفسه كمان والي والي ولما جاني حمود خفت مااكون بمستواه ولما عشت معاه فاجاني بكل زين وبكل خلق طيب بهدنيا 00وتقولي انساه 00حرام عليكي
هند :غثيتيني
شوق تقوم بسرعه وبزعل من شوق
شوق:صحيح ان موضوعي مع حمود مايهمك بس يختي جامليني اقل حاجه والي مايحترم شعوري لزوجي ماابغى اجلس معاه
هند :شوق انتي حالتك صعبه من جد00اجلسي بلا بياخه
شوق :مسكينه انتي من البنات الي تزوجو عشان يتزوجو وبس لكن حب مالك في الحب مره 00وانتي والي زيك يصعبو عليه وماراح يفهمو كيف كانت حياتي مع زوجي لانهم محيطبقوها ويخافو يصيرلهم زي الي صارلي ويتورطو000
بس لو تحبيني ادعي الله بان الياس يتزوج نوف 0