وتمر الايام بشوق (الحلقه 4)

[بسبوسه]

وفي يوم من الأيام تدخل رهف على أمها في غرفتها وتجلس بحضنها كالعادة وتقلها :مامي سالم يبغى يجي ويجيب معاه المهر ويحدد موعد الزواج
الأم :يجي فين ؟
رهف:هنا
الأم :هنا فين
رهف :مامي ايش فيك
الأم :مدري عنك تقولي كلام مافهمته كيف يجي هنا ؟يتفاهم مع مين معاك ولا معايه ؟
وبعدين كيف تتصوري راح ارضى يدخل البيت ومافيه رجال ؟
رهف:الله واكبر يا مامي إلي يسمعك يقول انه مو عاقدعليه وابغي أشوفه بالحرام ؟مامي هذا زوجي بشرع
الأم :يا قلب مامي مافيه سمعنا حركات كثيرة عن المخطوبين قبل الزواج والمشاكل إلي تصير بهذي الفترة فالله يرضى عليك لا تفتحي باب مايجي منه غير وجع الرأس لو خلاص معدفيكم صبر نزوجكم نهاية الأسبوع هذ وكل استعدادات الفرح أنا أتكفل فيها
رهف :لااااااااااا ياامامي ايش تقولي حرام عليك
الأم :غير هذ الكلام ماعندي
رهف :طيب يتفق مع مين ؟

الأم :ليه إلي ملك لك مين ؟
تسكت رهف وتكرر السوال أمها هوخطبك وملك عليك من مين ؟مني؟ولا من الهواء ؟
رهف :من خالد
الأم :ايش معنى عرف رقمه زمان وحجز وراحلوه الشرقيه لما جا يخطبك ؟والحين نسي رقمه ؟ولا نمسح من جواله يا عيني ؟
رهف :لا نساه ولا انمسح
الأم :طيب وين المشكله ؟يكلم خالدويتفهموعلى كل شي
رهف تقوم من حضن أمها زعلانه بس كلام أمها صحيح ومقنع
الأم :رهف
رهف :لبيه وترجع بسرعة تحسب أمها رجعت بكلامها وحنت عليها
الأم :اصحك ثم اصحك ثم اصحك يصير غير إلي قلتلك عليه 000مفهوم
يزيدزعل رهف وتقول :أكيد يا مامي أكيد
وسالم بيقدر هذ أكيد
الأم رهف ؟
رهف :نعمين يا مامي
الام : معليش يا أعذب وارق بنت بهدنيا أنا أخاف عليك والي يبدءا صح يكمل صح ويعيش طول حياته صح والعكس بالعكس أنتي يا بنتي الحين تبدئين مرحله من حياتك جديدة مع رجال ماعرفتيه ولا راح تعرفيه إلا مع العشرة انتو الحين تبنو قواعد قويه جدا عشان متبادلين بالأفكار وبالعواطف استغلي هذي ألفرصه يا بنتي وخليه يلمس جوهرك لاتجلسي تتكلمي معاه عن الحب وبس عشان ماتخيبي خيبت أختك هيفاء ,ارسمو حياه حلوه ارسمو خطط بعيده المدى حاولو تبدءا صغار وتكبر,لا تعملوفرح كبير وفخم وتخسريه حاولي تكون لك لمسات اقتصاديه في حياته اقتصدوورجال يحب الحرمة الذكية إلي تعمل حساب لبكرة عشان أطفالكم ومستقبلهم ونحنا جايين على مرحله الله واعلم كيف بتكون
أنا ساعدت ابوكي لحدماوصل للي هو فيه وفي الأخير راح وتركها لينا تعلمي من تجارب إلي جنبك تري الحياة الزوجية زوج وطبخ وغسيل ملابس وغسيل صحون وتلميع بلاط مو بس لبس وبرفانات وشكشكه والسلام 00انتبهي لهذي الأمور يا بنتي أنتي منتي صغيره وكل إلي قدك متزوجات
رهف:الله لا يحرمني منك يا ست الحبايب أنتي فتحتي عيني على أشياء بالفعل كانت غايبه عني
الأم :الله يفتح عليك يا بنتي ويسرلك ويهدي سرك وشوفك بالكوشة وأشوفك أم عشان تعرفي بحساس الأم كيف يصير اتجاه عيالها
رهف ترجع وتبوس يد أمها وتحضنها وماخرجت من الغرفة وهي زعلانه العكس خرجت فرحانه وبرأسها ألف فكره تبغي تتكلم مع سالم فيها واقتنعت بان كلام أمها صح وتخاف على مصلحتها .
تدخل رهف لغرفتها وتكلم سالم وتقله على رأي أمها
يحترم سالم رأيها مع قليل من الزعل بسرعه يختفي
وكلعاده كملوليلتهم ولكن أليله مختلفة أليله حطو نقاط كثيرة على الحروف وكانو قمة بالانسجام
وبعد كم يوم كلم سالم خالد وأرسله باقي المهرواتفقولى موعد الزوااااااااااااااااااااااااج
شي مبهج جدا وخاصة لما يكون زواج اثنين يحبو بعض لدرجه تحسهم صارو يشبهو بعض بالملامح
شي عجيب










وتبداتجهيزات الفرح والأغراض
وهذ جاي وهذرايح
وفي يوم من الأيام تنزل هندوشوق لسوق عشان يشوفو فستان لفرح رهف واذذذذذذذذذذ؟؟؟؟مين تتوقعوشافو؟؟؟؟؟؟؟



شافو الرجال الوسيم إلي أعجبت فيه هند بسوبر ويطالعهم بطريقه عجيبة وكأنه فرحان
وتنجن هند وتفتح عينيها بلكامل وكأنها تعرفه
وتقول :شششششششوق
شوق:ايش فيك؟
هند : شوفي الرجال الوسيم إلي شفناه بسوبر
شوق :يا سبحان الله من جد ؟
هند:تحسيه فرحان 000يوه يا شوق أحس قلبي
بيوقف
شوق :من جد ايش فيك يا بنت ماني مصدقه إلي اسمعه
هند:يبغى يقرب والله يبغى يقرب وخايف
شوق بكل ذهول :لو كان كويس تتزوجيه ؟
هند:وتزوج أبوه كمان
شوق :هندتبغي الحلال ؟
هند :طبعا يا شوشو انتي أكثر وحده تعرفني كيف أفكر شوق :اتفقنا اجل وعشان كذا بسوي حركه ونقرب منه بطريقتي
هند:لا ياشوق لا ايش بتسوي يا مجنونه لا بطلت
شوق :انطمي ومشي معايه وأنتي ساكته لو سمحتي
هند:لا تحرجي الراجل
شوق :مالك دخل بسوي حركه وهو لو كان بباله شي طيب بيعرف يستغل الموضوع ولو مش حاط عينه وكانت الحكايه صدفه مش أكثر بيطنش وبيمشي
هند :لا لا يا شوق
شوق:هند ثقي فيه وتوكلي على الله ونحنا ناوين خير ونجمع راسين بالحلال خليك تزوجي وافتك منك جالسه على قلبي وكل عرسانك يجيبو الهم ويغثون
تضحك هند
شوق :اتبعي التعليمات بس فهمتي
هند :ماشي والله يستر
شوق :حلوه الله يستر ليه بنغتصبه ولا بنخطفه
هند ضحكت من قلب ضحك إنسانه مختلط عندها الأمور فرح +وخوف اتلخبطت فيها كل شي وشوق حاسه فيها



مشو لحدماصادفوه في احد الممرات وكان على اليمين وطلبت شوق من هند تجي على يسارها عشان يكون الرجال اقرب لشوق أكثر من هند ويمشووووو لحد مايقربو منه
وتسوي شوق كأنها طاحت على جيت الرجال ويقوم يقول سلاماااات عسى ماتعورتي ؟
شوق :انت عيونك حاره أكيد كنت تطالع فينا ؟
الرجال :أنا ؟لا لا صدقيني
شوق :حصل خير وشكرا على ذوقك
الرجال يطالع في هند ويقول :هذ كرتي ممكن اطمن عليكي ويعطي الكرت لهند
تقوم شوق تخطف الكرت وتقول :مو تطمن عليه ليش تعطيها هي ؟مين إلي طاح أنا ولا هي ؟
الرجال يقول :هييييييييي هيييي
شوق :نعم ياخويه
الرجال :اوه قصدي انتي اوعديني تطمنيني عليكي
شوق :بإذن الله أوعدك يا خوي بس اطمنك بس
الرجال :طيب مايخالف
شوق :يالله وثاني مره لما تشوف ناس حلوين قول ماشاء الله عشان لا يزلقو ويطيحو
الرجال يقول وهو يطالع هند ويضحك :طيب
مشت هند وشوق وهند ميته في هدومها وشوق أكثر منها لأنها بطلت الموقف
طلبت شوق من هند الخروج من السوق ويطلعو لأي مكان أو كافي عشان يستوعبو ايش صار
وطلعو من السوق ميتين من الضحك وراحو فعلا
لكافي هادئ
هند:انتي مجرمه 00اول مره اعرف انك ممثله بارعه كيف طيحتي عكازك بطريقه المحترفه هذي ؟أصلا كيف طرت الفكرة على بالك
شوق :سبحان الله ياهند يمكن هذالرجال هو نصيبك والله جعلني سبب وألهمني هطريقه عشان أقربكم من بعض ولا عمري بحياتي ماطرت فكره من هنوع ببالي نهائيا 000
هند:أنا مستغربه هذي الحركة لا والسوالف مع الرجال كمان
شوق: استغليت فرصه إن عيونه عليكي فتشجعت أكثر
هند:يا شيخه الله لا يحرمني منك
شوق:لا ياحلوه لا
هند:ايش فيه
شوق : أنا أساعدك بس لو كان نيته حلال فقط 000
ولا راح تعرفي عنه ولا شي إلا من أهله وأمه لما يجو يخطبوكي
هند:الله واكبر على إبليسك كيف تفكري أنتي؟ بديت أخاف منك
شوق :ليه تخافي هذ شرطي عليكي من البداية صح؟
هند :صح وأنا أشجعك وحبيت تفكيرك هذا أصلا ماابغاه إلا زوج ماابغى واحديلعب عليه وبمشاعري حرام
شوق :ممتاز اجل اتفقنا
هند:ومن متى أصلا اختلفنا يا أم كشه
شوق :تدرين يأرب يكون ناوي زواج وافتك منك يأرب
هند:ويكون عنده اخو وزوجه لك ياااارب
شوق :أبغى افتك منك تقومي تزوجيني اخو زوجك والله مااوافق
هند:ليش حبيبتي ماتوافقي ايش فيهم يتعيب؟لو فيهم عيب ماخذت منهم
شوق :لا لا يقولو خلفتهم كلها بنات وأنا بصراحة ابغي عيله يجيبو أولاد
هند:من قالك الشي هذ؟ شوفيني عندي ولد وحامل بولد ياحبيبتي بس إلي مايطول العنب
شوق :لو سمحتي ياهند لا تضغطي عليه بصراحه مو من مواخذينا
هند:نعم نعم 00اسم الله عليكي الأخت من الاسره المالكه ؟
شوق :تضحك تضحك تضحك من قلب
هند:من كثر ماضحكت دمعت عيونها
شوق :خطبك وتزوجك وجبت منه ولد وحامل بولد لا وتمونين بعد وتخطبيني لخوه كمااااان
تقولها شوق وهي مايته من الضحك
وهند :لا وقنعك ودافع عنهم كمااان وهي برضه تضحك
شوق :طيب الحين ايش ألطريقه
هند:أرسلي رسالة وشوفي على ايش ناوي وخلينا نرد على رسايله برسايل لحدمانعرف صادق أو لا
شوق :بسم الله توكلنا على الله
وتكتب شوق :السلام عليكم بعد الطيحه قمت زي الحصان والحمد الله اطمن عليه حبيت بس أوفي بوعدي
رجع أرسل رسالة أهلا يا ختي ألف الحمد الله على السلامه أنا سلطان بن محمد ضابط طيار حربي عمري30سنه أعزب من عائله معروفه جدا غرضي شريف وأتمنى ارتبط بالأخت إلي كانت ماشيه جنبك هذاك اليوم لو ماكانت مرتبطة
تلعب شوق بحسبت هند لعب مضبوط
شوق تقرءا الرسالة وتقول :أف أف يا قليل الأدب
هند:ايش قال ؟
شوق :ماينفع شكله لعاب اتركيكي منه بس
هند:هاتي أشوف
شوق ترفض ماتبغها تشوف الرقم ولكن تقلها الرساله وهي تضحك
تقوم هندمن الكرسي وتضم شوق وتقول معقوله ؟يخطبني من أول رسالة ؟يا عمري يا سلطان
شوق تفاجات بحماس هند واندفاعها بس مابينت لها عشان لا يروح تفكيرها لبعيد وكانت فرحانه لهند وزعلانه لأنها بتتزوج وبيكون لها حياه ثانيه غير حياتها الحين وهذالي ماحسبتله شوق ولا كان في مخيلتها
شوق :ايش أرد عليه ؟
هند:قولي هي عمرها 24سنه ومتخرجه تاريخ بنت وعلى قدر من كل شي وعزباء وماراح تفرح بكلمه زياده خلي الوالده تشرفنا بالبيت وتشرب القهوة معنا ونأخذ وندي معاها وبعدين لو فيه نصيب الله يكتب إلي فيه الخير
ورد سلطان :أنا أليله افتح الموضوع مع أمي وبخليها تزوركم
ونتهت السالفه .
جلست هندعلى أعصابها وأقلقت شوق كل شوي وهي تتصل وتسال ايش صار احد أرسلك هرتها اسئله
شوق :هند جننتيني تري أعطيه العنوان خطاء وخليكي تنهبلين من جد رجيتيني حرام عليكي
هند:لا يا شوشو يا دلبي أنتي يا عمري أنتي مافيه زيك ثنتين 000
وقامت هند تمدح شوق بطريقه دخلها شوي سخريه بس على مين ؟على شوق
شوق :قولي أنتي قمر عشر مرات
هند :انتي قمر 0000عشر مرات
شوق :قولي انتي عسل لا مو عشره تسع مرات
هند:تتنفس وتقول أنتي عسل 0000تسع مرات
شوق :شاطره تدرين لو قلتي أنتي عسل عشر مرات مو تسعه كان وصفتله العنوان خطاء
هند :الله لا يوليكي على مسلم
شوق :ايه يا حبيبتي هذ عريس مو أي شي يستاهل والعرسان قليلو
تضحك هند :الله يعيني على جنونك الرسمي يا شوق أنتي أكيد مو صاحيه أنا كنت اشك بس اليوم تأكدت
شوق :نعم نعم طيييييييييييييييييب أنا بوصف له غلط بوصف له غلط لا تحاولين
هند:أنت ست العاقلات يا شيخه أنتي أنتي ايش أنت حكيمه وفطينه فطنه مو طبيعيه على السليقه
تضحك شوق :على السليقه هاه 00اعجبني هل مصطلح عشان كذا خلاص بقله العنوان صح
شوق:تذكري رنت التلفون يوم حفلتي ؟الحين أرجعها لك
هند:ياااه لساتك متذكره ؟يختي أنا كنت جزمه
شوق وهي ميته من الضحك :محشومه يا دنيتي أنتي أنت أغلى حاجه بعمري والله يشهد عليه ياهند ولكن ازعجتيني ياختي صدقيني أول مايرسلي بقلك بس فكينا الله يوفقك
هند :احرجتيني يا أم كشه أنتي خلاص طيب
بعدماقفلت هند أرسل سلطان رساله على جوال شوق يطلب فيها عنوان هند وفعلا ترسل عنوان هندوتحدد يوم الأربعاء تجي أمه بعد المغرب هي ومن تحب عشان يشوفو ألعروسه وينتهي دور شوق لحد هنا
وتبلغ هندبلي صار وطير هند فرح وخوف وربشه وكل شي وتصر هندعلى وجود شوق معاها لما تجي أمه
وتبلغ هند أمها أمها فرحت لدرجه البكاء وقامت تدعيلها من صميم قلبها 000
مرت اليومين إلي متبقيه وجاء يوم الأربعاء وفعلا جات أم سلطان وأخته الكبيرة وكانت شوق وأم هند في استقبالهم
وكانو ناس عايدين وباين عليهم محترمين مره سولفو عن هند وطلبو يشوفوها
هند مرتبكه لدرجه فضيعه مره وشوق تحاول تهدي فيها
شوق :يختي بتتلفين أعصابك كذا تعوذي من الشيطان ولو لك نصيب فيه بتعجبينهم وبيتم الزواج ولو العكس 000
وهند زي القمر قرأت المعوذات ودخلت
شوق تمشي قدامها
اتفضلي يا هنوده
أم سلطان :ماشاء الله تبارك الله اللله يحفظكي يا بنتي
أخت سلطان :ماشاء الله ولا أروع
تبتسم هندوتقوم
ويبدوا يتكلمو في التفاصيل
ياخذو أرقام بعض ويستفسرو عن امورالزواج
المهم تطلع شوق لهند وتقولها :أنا لازم أروح البيت الحين أليله ليله حنا ء لرهف خلاص مقدر أطول
هند:أنا محتاجتك أكثر
شوق:يالله بلا دلع كل الموضوع عند أمك وابوكي الحين والله يوفقك ونبداء نقضي ليك أنتي كمان ماامداني ارتاح من رهف جاتني هند الله يعيني عليكم
هند:عقبال مانجهزك يا شوق
شوق :اوووه شكلك مطوله
تلبس شوق عبايتها وتخرج
وهي خارجه تصادف عبد الرحمن اخو هند لاعب كره مشهور
عبد الرحمن :مرحبا يا شوق
شوق :أهلا كيفك
عبد الرحمن :تمام والحمد الله
أنتي كيفك أنا دايم أجيب هند عندكم ودايم أسالها عنك وتمنالك الخير والله
شوق :أكيد وانا كمان أشوف مبارياتك دايما هندجننتني تقول هي إلي تلعب مو أنت
عبد الرحمن :يضحك :هند فضيعه مره
شوق :فرصه سعيده شفناك يا كبتن
عبد الرحمن :وأنا اسعد
شوق :مع ألسلامه
عبد الرحمن :مع ألف سلامه
ونتها الموقف بدون مايحرك شعره من شوق ولا فكرت ولا فسرت الموقف ولا حتى قالت لهند ولا شي وكان هذالموقف أنمسح من ذاكرتها نهائيا يمكن عشان كانت مشغوله مع رهف لانها ليله الحناء حقتها وتاركه كل شي ورآها
توصل شوق لبيتهم والناس يكونون ماليين البيت
ألطاف :بدري ؟تبتسم شوق :انتو تكفون وتوفون أحس بصداع
تدخل شوق لغرفتها ولكن ماقدرت ماتخرج بليله زي هذي والزغريط ماليه الدنيا تأخذ قرص مسكن وتلبس وتخرج