وتمر الايام بشوق (الحلقه14)

[بسبوسه]

خالد :بغيتك بموضوع شخصي
شوق وهي تضحك :لو فلوس اسفه ماعندي لا تحرجني ارجوك سين سلف مانسلف
خالد يضحك :شوشو اتركي هل كلام واسمعي بغيتك بموضوع مهم
شوق:امرني ياخوي
خالد :انا البارح تفاجات ان صاحبي حمود يطلبك مني كزوجه ثانيه ايش رايك ؟
شوق :حمود ؟يطلبني انا ؟
خالد :هذ الي صار
شوق :تكلملي عنه شوي
خالد:يعني ماعندك مشكله انه متزوج ؟
شوق:لا طبعا لو كان محترم وابن ناس
خالد:بس له شرط
شوق :ايش
خالد :تتم الملكه وزواج بسرعه يعني بعد النظره الشرعيه باسبوع على الاكثر وتكوني زوجته
شوق:اف ايش ذا؟
خالد:هذ شرطه الوحيد000وهو انسان مصلي صايم يخاف الله من اكبر رجال الاعمال بالمنطقه الشرقيه اعرفه من مده مش بسيطه زوجته مافيها شي بس هو ناوي يعدد سواء منك او من غيرك
شوق تتلخبط كل اوراقهاوتقول معقوله تضبط معايه هذي المره ؟
تتفاجاء وتفكر بالموضوع بكل جديه ومن كل نو احيه وتستخير وتقل لجميع من حولها
الام كانت موافقه تماما ولكن الاخوات لا
الطاف :شوق انتي بتدخلي على حرمه وبتدخلي في دوامه المقارنه بينك وبينها وبيجروحكي وبينكدو بعيشتكي ولا راح تستفيدي حاجه غير الغيره وغير كلام الناس يعني تبغي نصيحتي لا تاخذيه ولو كانت الانسانه الطبيعيه بتتعب كثير لما تتزوج واحدمتزوج فانتي مع ضروفك بتتعب اكثر واكثر واكثر وانتي بلاساس تبغي واحد يريحك مو يزيد عليكي
شوق:بس الرجال محترم ومن اسره كريمه وعلى قدر من كل شي يعني من الغباء لو افوتوه وكونه متزوج افضل بكثير بنسبه لضروفي وبعدين انا بسكن بمكان مستقل عنها مالها فيه ولا لي فيها بنت الناس ولو انا مارضيت غيري حترضى
الطاف :وجه نظرك احترمها بس انتي فكري اعمق
شوق:تكون حياه ملئه بالاكشن والاثاره تجربه احسها بتكون مثيره وبذات انا احب المغامرات ويا حليلوه المسكين هو الي بيروح فيها
الطاف :شوق اعقلي تري هذ زواج مو بليستيشن
شوق :والله عارفه بس شكلي بتوكل على الله وبعدين هذ الرجال طيب وملامحه سمحه مره
الطاف :وين شفتيه ؟
شوق :شفتوه زمان
الطاف :انتي استخير كمان وكلنا نفسنا نفرح فيكي
ويكون لكي بيت ونزورك فيه ولكي اطفال تدوري وراهم وتشتكي من غلبتهم
شوق:الله ييسر ويكتب لي الطيب
شوق طبعا تتواصل مع هند يومياوتولد هندوتجيب بنوته حلوه وسمتها لما
وبدات تنشغل شوي عن شوق 00وشوق حاسه بهشي وعاذرتها وصارت شوق تبغى تكلم هند وتقلها عن سالفه العريس الجديد وهندمشغوله وماتستوعب نص الكلام من كثر ما لما مجننتها
بس بالغالب هندماتبغى لشوق زواجه زي كذا وتبغالها زواجه احلى 000








توافق شوق على حمود يجي يشوفها نظره الشرعيه ويعجب فيها وبعد مرور اسبوع تم الزواج بسرعه الصاروخ بس كان زواج الكل حس فيه بسعاده غامره00
بعدانتهاء كم يوم قضتها شوق مع حمود في شاليهات بشرقيه تفاجات شوق بان حمود لازم يرجع للبيت لان زوجته عرفت بزواجه وتركت عيالوه بالبيت مع الشغاله وراحت لاهلها
اضطرو ينزلو من شهر العسل الي كانو راسمين عليه الف شي وشي
بس لضروره احكام وتاسف حمود وشوق حاسه فيه
طبعا شوق راحت لبيتها شقه حلوه وروعه وهادئه بنفس البيت الي ساكنه فيه زوجته الاولى
وبعد يومين يطلعو عيال حموديتعرفو على خالتهم الجديده
حمود:هذ الياس ابني الاكبر 23سنه يعمل بشركتي وولدممتاز وعقله نظيف
الياس يصافح شوق بكل قرف وشوق متفهمه الموضوع بس كان الموقف اصعب مما تخيلت
حمود :هذي سحر 17 سنه بثنوي
سحر :اهلا بابا ذوقه حلو اختيار مناسب وموفق يا بابا 000بطريقه سخريه
شوق :شكرا كلك ذوق يا سحروبعدين اكيد حمود ذوق ويعرف يختار مش اختار ماما قبلي ؟
سحر تنقهر من شوق زياده بس ماتقدر تتكلم
حمود:هذ سمر 15 بالمتوسط
سمر :اهلا يا خلتي
شوق :اهلا بيكي
حمود:سهام اخر العنقودوحبيبت قلبي 10سنين
شوق :عيالك محترمين وحلوين يا حمود ابغى عيالي زيهم لو سمحت
حمود:لا ياشيخه
شوق :انا تشرفت معرفتكم وتمنى تقبلوني عضو جديد من اعضاء عائلتكم واتمنى يكون الحب والاحترام مابيينا متابادل وانا انسانه مسالمه ولكن نصيبي جا لحدعندي اقله لا ؟
انا مالي عداوه مع أي احدفيكم ولا بقلبي نيه سيئه لاحدوبعيش من حالي ببالي ولا راح تحسو بان لكم مرت اب بالبيت وهذالي الكل يبغاه وانا تحت امركم باي شي باي خدمه 000وغلاتكم من غلات حمود00وهذكل الي عندي
سحر :معقوله يا خالتي ماببيتك مرايه ؟
ابغى اشوف نفسي لان الي مايشوف نفسه بالمرايه يعرف دايم مستواه ومكانه

شوق عرفت ايش تقصد سحر
شوق :اكيدعندي مرايه كبييييييره بكبر قلبك روحي شوفي نفسك فيها يمكن ترتاح نفسيتك وتعرفي مكانتك بالمرايه
سحر تنحرج للمره الثانيه من رد شوق الدبلوماسي 0
وتعرف شوق بانها داخله على حياه بدايتها قمه بصعوبه ولكن حبها لزوجها واحساسها بانها هي الثانيه خلها تصبر وراح تصبر اكثر
شوق :بمناسبه تشرفيكم منزلي للمره الاولى 00لازم تتعشو عندي اليله ويصير بينا عيش وملح
الياس :لا تعبي نفسك ياخاله وعتبرينا تعشينا
شوق :ابدا تتعشو يعني تتعشو لو ماتبغو بالبيت عادي نطلع نتعشاء براء بس نجتمع على سفره وحده 00ايش رايك يا حمود ؟
حمود:فكره حلوه ولكن نتعشاء براء مو معقوله تدخلي المطبخ وانتي لسى ماكملتي شهر العسل 0
حمودكان حاس باحراج شوق بس قوتها ريحته وطريقه تفكيرها كمان ريحته 000هو حاس انها عزمتهم عشانوه هو وعشان تكسبوه اكثر برغم عدم راحتها من الجلوس معاهم وبرغم شرطها السابق لحمود بانه لاتشوف عياله ولا يشوفوها الا بعد انجابها الطفل الاول
ساعتها محايقدرو يهزو ثقتها بنفسها وحمود وافق على هذ الشي بس خاف امهم تطول ببيت اهلها يعني لازم يتعرفو على بعض ويقربو من بعض 000وشوق اتحملت هذالموقف الي حست انها فعلا مشلوله وثقلت خطواتها قدامهم كله عشان حمود 000وحمود حس بشوق فكان يعزز ثقتها بنفسها ويعبرلها قدام عيالوه قد ايش هو محظوظ انها وافقت عليه واصراروه بالجلوس على طرف الكنبه الي كانت جالسه شوق فيها ويده بيدها ويلعب بشعرها قدام الجميع وكانه يقول ايه هذي الي مش عجباكم زوجتي وحبها وكمان مساعدت حمود لشوق لما تجي تقوم اذهلت عيالوه وحسو بان فكره التجريح وهز الثقه بنفس مارح تمشي مع حمود وشوق بل بلعكس راح تخلي ابوهم يحس بذنب ويتمسك بشوق اكثر واكثر ويتعاطف معاها اكثر واكثر فقررو يلغون فكرت التجريح نهائيا وغيرو الخطه عشان يرجع ابوهم للبيت ويرجع امهم 0






راحوتعشو بمكان بحري راقي مره مره وتبادلو السوالف وبذات سحر وسهام وقضو ليله حلوه بينتلهم شوق بانها عمرها ماتكرهه امهم وراح تحسبها زي اختها وهي مش راضيه على طلعتها من البيت وطلبت منهم برسم خطه ولو حطولها دور بالخطه هذي راح تسويه بس عشان امهم ترجع وترجع الحياه بما يرضي الله يوم ليكم ويوم ليه وهذ شرع الله
حسو عيال حمود بشي نحو شوق يا انها طيبه مره يا انها خبيثه مره وماقدرو يحددو هي ايش فيهم بس تعرفو على بعض ودخلو البيت مع بعض وكل واحد يروح لشقته وتتفق شوق مع حمود يبات عند عيالوه ويفرحو عياله بهذ الشي لانه بينام لحالوه وبيذكر امهم ويحن عليها
وفعلا بات حمود ولكن كان يكلم شوق طول اليله على الجوال وياخذ انطباعاتها عن بيتوه وعيالوه
شوق زاد حبها لحمود
شوق:حمود انا شكلي حبيتك من جدوموقفك اليوم وحنيتك عليه قدام عيالك حسستني بشي اول مره احسه حسيت وانت ماسك يدي قدام عيالك بانك فخور فيه وحسيت الكلمه الي بقولها انك انت الي بتقولها من كثر مانحنا متفقين مع بعض 000حمود انت انسان رائع رائع واليوم ايقنت ان موافقتي عليك هي اصح قرار اتخذتوه بحياتي وطالما البدايه كذا اكيد راح نشوف ايام حلوه مع بعض 000لان اليوم لو حسيت انك استعريت مني راح يوصلني هذ الاحساس وراح اموت قهر ومن هنا الخوف بانا سمحنا لاي احد يهزالي بينا ويتصدع شي بداخلي ومن أي هزه ثانيه راح ينهار 000انا احبك يا حمود وانسان بهذي الطافه اكيد ماراح افرط فيه 00والله يعين ام الياس انا الحين حاسه فيها وحاس بمدى خسارتها الكبيره لو خسرتك ومالومها لو قتلتني 00انت يا حمود مافيه منك اثنين ابدا 000حمود شكرا حبيبي شكرا يا دنيتي 00وصدقني لاسعدك قد مااقدر وزياده ولا ابخل عليك باي مشاعر 0
حمود:يال ملعونه لو انا عندك ماكان قلتي نص الكلام هذ 000انتي استغليتي فرصه نومي عند العيال وتبغاني اشتاقلك اكثر
شوق :لا يا حمود لو انت عندي كان شوفتني بوضع الولهان العاشق 00حمود الله لا يحرمني منك 000ولو حبيتني بجد من بكره الصباح ترجع ام الياس وترضيها وترجعها لعيالها 000شوق :ابو الياس انا احبك ومااحب انقص حياتك انا حبيت ازيدها 00وانا حسيت معانات أي مره بتحب زوجها 00وبعدين توقع منها أي حاجه
حمود :انا طالعلك طالع مافيه اجلس لحالي
شوق :حمود اعقل ايش بيقول العيال بيكرهوني
حمود :ومن قالك انهم بيحبوكي بيوم من الايام 00انتي قلبك ابيض يا شوق تتوقعي يحبوكي وراسمه حلمك على مويه بيضاء يا قلبي هما لو حبوكي بقوه راح يخلوكي بحالك لكن تعيشو بحب ووائام مستحيل فخليكي بحالك ولا تفكري بحد غيري 00وخلي كل المشاكل هذي عليه انا احلها وانا حاسب حسابها واكثر كمان 00خمس دقايق وطالعلك اتجهزي لي
شوق:ماشي حبيبي
وتنهي اليله بشعور بالحب وليد وبداء يكبر بسرعه شديده وقويه وعلى اساس صلب ومتين 000
الكل يسال عن شوق وعن وضعها مع زوجها بعدنهايه شهر العسل وشوق تاكدلهم بان حمود اروع انسان وان الله سخره لها واعطاها حتى ارضاها واكثرمن ما كانت تتوقع 000









خالد وبتول زارو شوق وطارت فرحه
شوق :يالله يا خالدقدايش انامرتاحه مع حمود انسان روعه روعه
خالد :الله يوفقك انتي طيبه ياشوق وتستاهلي كل خير
بتول :عمتي بتجيبي نونو
شوق :تمسك بطنها :يارب الله كريم بحول الله لو حملت وجبت بنت بسميها بتول
يدخل حمود ويسلم على خالد ويتعاتبون 00
يهمس خالد باذن حمود :كيف شوق معاك وبكل امانه حمود :شوق ماعندي كلمه اقلك عنها غير ياليتني عرفتها من زمان خسارت عمري الي راح من غير ماتكون شوق فيه 00نفسي اعطيها وعوضها لانها تستاهل ومعدنها اصيل وراح اضمن لوايش مايصيرلي بدنيا شوق ماتتخلى عني 000لو اصير فقير ولا مريض ولا مجنون حتى 000وتجي تسالني عن شوق ؟انا لما امشي جنبها ف أي مكان عام احس نظرات الناس ليه نظرات احترام وكانهم يقولون هذي زوجتك انت انسان فعلا 00ومش عارفين ان الله سخرها ليه مو انا الي ربي سخرني لها
خالد :الحمداللله الحين تطمنت عليكم
يسلم خالد على شوق ويستاذن 00ويدخل حمود ينام 0 تنزل شوق لعيال حمود

شوق :انا جيتكم