وتمر الايم بشوق (الحلقه 11)

[بسبوسه]

خالد :حمود ايش فيك ليه ماخليت العيال يجو ويتعرفو على اهلي
حمود:الطريق يخوف خليها مره ثانيه
خالد:براحتك بس انا استاجرت شاليهين عشان عيالك ياخذو راحتهم
حمود :ولا يهمك الجايات اكثر وبصراحه بطلع على الشاطي شوي وانت ادخل لاهلك
يستاذن حمود ويطلع عشاطي ويتخيل شوق ويحاول يفسر ايش الشعور الي حس بيه لما شافها حب ولا شفقه ولا استلطاف ولا رحمه ولا ايش بضبط ؟مو داري
هذ من ناحيه حمود
اما شوق صارت تضرب اخماس في اسداس وتعمل حساب لخالد وهذ اهم شي لكن لما دخل خالد ولا قال ولا علق عرفت انه ماقله شي ورتاحت من هناحيه وبدات تفكر وتستغرب من طريقه تفكيرها العميق فيه
شوق :ياربي ايش فيني ايش صارلي معد صرت اجمع ايش الحكايه 000شوق لا تكوني ----لا هين عيب انا اثقل وارزن من كذا انا بس اعجبت فيه بس 0000شوق وليش لا؟؟ 000اصلا هو متزوج وعنده اطفال يعني لا لا 0000شوق ليه لا اصلا افضل تكوني الثانيه تفتكي من همه يوم 0000حتى لو يبغى يعدد بالله بيطالع بوحده زيي مالت عليه الي بعدد بيتزوج وحده افضل من زوجته الاولى مولها وضع خاص هوناقص وجع قلب 000وبعدين لو بغى يتزوج الف وحده تتمناه من الديره ومن براء الديره لو حب يدلع نفسه زياده 000بس صح مابيطالع فيه تلاقيه قال في نفسه زي كل الناس يا حليلها مسكييييييييينه والله ماتستاهل 000شوق لا يروح تفكيرك لبعيد ورجعي لارض الواقع وانسي تماما الي صار
مايكفي الي صارلك مع عادل بسبب وهم وخيال 000يعني كانه حرام عليه احلم وتخيل ؟000احلم ؟ولا لا؟
اتوقع لا مافيه ولا شي يخليه يرتبط فيه 000بس ليش قلبي فز بطريقه غريبه ؟ليش اول ماشفته حسيت اني اعرفه من زمان ؟ليش حسيت بولف غريب من ناحيته ماسبقله مثيل؟ايش معنى هوه بذات 000اعوذ بالله من الشيطان لا يكون مواسم الاعراس الي جات والي لسى بتجي هيجتك على الزواج وتبغي تلحقي نفسك وتتزوجي يا شوق زيهم 000وليش لا؟ ايه اتزوج واخلف كمان انا ايش ناقصني 000بس الله لو يصير الي ببالي تكون امي دعتلي بليله القدر000يا هبلا لما تسرقي اسرقي جمل يعني لما تتمني اتمني انسان كامل مش متزوج يا شريره 000عادي ولا متزوج ايش يعني الشرع حلله اربع وانا بحاجه رجال 000اه يا هند ليتك هنا واخذرايك بصراع العميق الي داخلي عجزت افسره عجزت ونفسي اتناساه
تدخل الام على شوق:انتي اليوم مش طبيعيه يالله قومي كل هذ نوم ؟
وشوق تعمل حالها كانها نايمه وهي كانت بعالم من التفكير العميق
نرجع لحمود انا ايش صار ليه ؟يا رجال الشرع محلل اربع ووسيم ومنصب ومن اكبر رجال الاعمال بالمنطقه الشرقيه وكل شي فيك كامل والكامل وجه الله وشكل البنت هذي طيب ولطيف وحتريحك على الاخر000انت على طول تزوجت البنت يمكن مش اخته ؟يمكن زوجته ؟لازم اساله ويتصل حمودعلى خالد يقوله تعال نسولف مع بعض شوي وجيب معاك شاي
ويطلب خالد من البنات يسوو شاي لحمدو وتنقز شوق :انا اسوي شاي لكم ومكسرات كمان انبسطو
وتسوي شوق الشاي وهي تقول :يا بخت هصحن وهل فناجيل الي بتقابل هاك الوجه الحلو
ياخذ خالد الشاي ويروح لحمود عشاطئ
ويسولفو عن الاهل والاخوات
خالد :انا الولد الوحيد عل سته بنات الاولى ارمله والثانيه والثالثه متزوجات والرابعه مخطوبه والخامسه والسادسه عزبات للحين
حمود:لاتواخذني يا خالد بس بسالك سوال
خالد :تفضل
حمود:فيه وحده منهم تمشي بعكازات ؟
خالد :ايه هذي اختي رقم خمسه
ينقز حمود :يعني عزبااااا؟
خالد :ايه
حمود :ايش مشكلتها ؟
خالد :جاها شلل اطفال وتعرف يعني اعاقه دايمه طول الحياه بس ممشيه حالها ونفسيتها جدا جدا حلوه
حمود :ايه ايه باين
خالد:ايش الي باين
حمود :قصدي كملت دراستها
خالد:ايه من زماااان مخلصه بس ماتوظفت تعرف عاد
حمود :ماتزوجت ؟
خالد:والله كل الي يجونها سلا تيح مايسوون رجلها التعبانه ويتشرطوكمان ويتفلسفو صرت لما اقلها عريس تموت من الضحك تقول ايش علته على طول
محد جاه رجال يتكل عليه وتعرف لو كنت حريص على تزويج أي وحده من اخواتي عادي بس شوق لا يا كفو ورجال عارف بوضعها ويقدرها ويحفظها ومش طمعان بفلوسها يا بلاش ماله داعي تجلس افضلها
حمود :هي اسمها شوق؟
خالد :ايش رايك تقلط معاهم جواء ؟ياخي استح على دمك عيب هذولا اخواتي
حمود :اقول انثبر اخواتك خواتي ياتعبان بس رد على سوالي
خالد :ايه اسمها شوق
حمود :يعني تقدر تتزوج
خالد:ايه تتزوج مافيها ولا شي غير اعاقه بالقدم يعني رجل غير رجل ولا كل اعضائها وكل شي سليمه
وتطبخ وتسوي كل شي حتى هي الي مسويه الشاي هذا
حمود :وانا قول ايش فيه حلو
خالد :قسم بالله الطشك بالفنجال هذ وانت متزوج اجل لو ماكنت متزوج ايش يصير
حمود :ياخي لا تزعل هي بس سالفه جالسين نسولف مو اكثر
خالد:عارف والله يا حمود امزح معاك ياخي انا عارف ان اهلي اهلك واهلك اهلي ياخي مابيننا هذي الحركات
حمود :استفسار بسيط
خالد :تفضل
حمود:نفسيتها كيف مي عدوانيه
خالد:مين هذي شوق؟ابدا بالعكس تموتك من الضحك ونفسيتها شي خيال يليت امي رضعتك ياشيخ انكان تلاقيها جالسه معانا وانا متاكد راح تنبسط عليها سبحان الله احس دمك زي دمها تموت في التعليقات وفي الوناسه والضحك وسعه الصدر
ياخي اصغر وخلي امي ترضعك ثاني
حمود:لا فال الله ولا فالك الحمد الله انوامي ماعرفت امك ولا رضعتني انا ناقص ؟سته يامفتري سته بنات لالا يكفي اخواتي شقيقاتي ماتزوجو الى بعد ماتجننت ابغى افتك من المسوليه تقوم تجبلي سته ؟وبعدين كمان عشان حاجه في نفس يعقوب يمكن ربي يقضيها ليه
خالد :انت ايش تبرطم ايش تقول
حمود :ولا حاجه
يقضو يومين حلوه مره وحمود يحاول يشوف شوق مره ثانيه لغرض الزواج طبعا وخايف ينفهم غلط
وتنتهي اليومين وكل واحد رجع لديرته
شوق مش شوق
وحمودمش حمود
ايش الي صار؟؟؟
ايش الي بيصيييير؟؟؟؟؟؟؟؟؟؟
شوق اخذت درس ماتقول أي خيال او حلم لحد وتحتفظ باحلامها لنفسها عشان لا تتحاسب على هذي الاحلام الي بالهواء زي ماصار مع عادل مع انها ماصرحت لحد ايام عادل لكن ماكانت حريصه ان حركتها ماتكون واضحه يعني مافرقت معاها فهمو او لا
بس في حلمها مع حمود التزمت الصمت التام واطلقت باب الخيال على مصراعيه
وحتى هند نوت تخبي عليها ولا تقلها شي وهذ الصح ولما يفكر فيها ويخطبها سا عتها تقول ولا ماتقول عادي
000000000000000















رجعت العائله الى الديره وهما مرتاحين وغيرجو وكانو محتاجين لمثل تغير الجو هذا
وبعد رجوعهم بيومين زارهم ضيف كانو يتوقعون زيارته بس متاخر يعني بعد سته او ثمانيه شهور


مين تتوقعون ؟؟؟؟؟



زارهم ابو ثامرزوج هيفا واستقبلته الام بكل احترام وتقدير
الام :حياك الله يا بو ثامر 00كيفك وكيف الاهل
ابو ثامر :والله بخير يا خالتي بس بغيت هيفاء والاولاد شكلهم مش موجودين ؟
الام :وين بيرحو موجودين بشقتهم
ابو ثامر :شقتهم ؟
الام :ايه استاجرومني شقه خالد وسكنو فيها
ابو ثامر :يا سلااام وانا ؟
الام :انت ايش ؟000مع انها رفضت تقول هيفاء ايش صار بينكم بس انا احس هيفاء مجروحه
ايش الي صار بينكم وخلها تسوي كذا ؟
ابو ثامر :ماقالت لكم ؟
الام :لا والله رفضت بلعت همها بقلبها وسكتت
ابو ثامر يكلم نفسه (يا عمري يا هيفاء الله لا يحرمني منك دايم ترفعين راسي وتحترميني حتى وانا مزعلك )
ابو ثامر :طيب يا خاله انا برحلها وبحول الله تنحل السالفه كلها
الام :ان شاء الله الله يريح بالكم ياولدي وتهداء النفوس
في هذالوقت كلمت الطاف هيفاء وقالتلها عن الي صار وقالتلها تعمل حسابها في جيت ابو ثامر عشان ماتتفاجاء وتسوي حركه مالها داعي
الطاف :يا هيفاء البسي كويس وحطي من العطر الي يحبه واصحك تتكلمي خلي الادوار تتبادل اعطيه فرصه يتكلم خنقتي الراجل كل ماجاء يتكلم قمتي تحطي احتمالات وتفسير للموضوع وتسالي
وتجاوبي من نفسك هيفاء خليكي ذكيه والتزمي الصمت وخليه هو يتكلم احتفظي بهدوئك وفي نفس الوقت لا ترضي لو يصير مايصير خليه يتشحتف شويه ويزيد غلاكي عنده 000سمعتي الكلام 000لا تتكلميييييييييي
هيفاء :حاضر بس خلاص مافيه وقت مع السلامه .
تلبس وتحط برفان الي يحبه زي ماقالت الطاف وتنتظر الباب يدق 00وفعلا دقايق والباب يدق وتفتح التلفزيون وتخفض الاضاءت بالبيت شويه وكانها مو عامله حساب لزيارت احد ابدا
ابو ثامر :السلام عليكم
تعرفو قلب الحبيب دايم غلاب وضعيف في هذي الحظه تمنت هيفاء تضمه وتبكي وترجع لبيتها وتخرب كل شي سوته وكل شي اتحملته خلال الاشهر الي فاتت وليالي الوحده والحرمان والشوق الي راحت كلللللللللها 00ولكن تمالكت نفسها وماحطت ببالها غير حاجه وحده بس انه في يوم من الايام طردها من البيت وذلها 00فقويت شويه وتماسكت
هيفاء :وعليكم السلام
ابو ثامر :ايش البرودهذ؟
هيفاء :لحظه اناديلك العيال من عند ام حسام
تروح هيفاء ويمسكها بيدها ويوقفها
ابو ثامر :يعني مابدخليني ؟
هيفاء :تفضل برضه مهما صار ومها بيصير تبقى ابو ثامر وعفاف
يدخل ابو ثامر ويسكر الباب والام والطاف استبشرو خيرو بهل حركه وجلسو يدعولهم
ابو ثامر :لحظه لا تكلمي العيال ابغى اتكلم معاكي اول حاجه وبعدين كلميهم 00حرام يشوفونا نتخاصم
هيفاء:نتخاصم ؟ليه موضوعنا منتهي خلاص
ابو ثامر : هيف