عايزة أعرف ينفع ولا لأ

[منون المصرية]

السلام عليكم ورحمة الله وبركاته
والله يا دكتور أمجد أبني حالة صلب مشقوق (سبينبفدة) وعمره الأن ست سنوات وقد أجريت له الجراحة بعد يومين فقط من الولادة وهو الان الحمدلله يمشي بالجبيرة داخل الحذاء (أعزكم الله) بشكل جيد الي حدما يعني مش زي الأطفال الطبيعيين طبعا بس بيمشي الحمدلله وعنده سقوط في القدمين ومش بيحس بقدميه بس بيحس بفوق الأنكل بشوية وبقي لي حوالي خمس سنين ونصف بعمل له علاج طبيعي وحاسة أنه مش هيجيب أكتر من كدة فكنت عايزة أخد رأيك أني أوقف العلاج الطبيعي تماما وأستعيض بدلا منه بأي نوع من أنواع الرياضة زي السباحة مثلا (عارفة أنا بحلم ) بس أعذرني بفكر بصوت عالي
مع العلم أنه يستخدم يده بشكل ممتاز اللهم بارك ويعتمد عليها كتير و الباور فيها عالية والعقل ماشاء الله اللهم بارك ذكي جدا ويفهم الحركات الجديدة بسرعة وكفاءة
إيه رأي حضرتك تفتكر ينفع يلعب رياضة ولا لأ وجزاك الله خيرا
نسيت أقول لحضرتك أنه مش بيتحكم في الاخراج (الله يعزك)

 

[د أمجد هزاع]

رد: عايزة أعرف ينفع ولا لأ

بسم الله الرحمن الرحيم
الأخت الطيبة
بداية لا بأس من التقليل في العلاج الطبيعي بحيث يكون جلسة واحدة كل اسبوع
ولكن الانسحاب الكامل غير مطلوب
وهنالك بعض العلاجات التي تساعده مثل لسعات النحل أوالحقن بامبولات سم النحل في الجلد
كل المودة

 

[د أمجد هزاع]

رد: عايزة أعرف ينفع ولا لأ

أما عن الرياضة
فالمشي خير رياضة

 

[منون المصرية]

رد: عايزة أعرف ينفع ولا لأ

جزاك الله خيرا دكتور أمجد
بالنسبة للسع النحل أو الأمبولات ممكن أحصل عليها منين ؟
وبعدين هل هيا آمنة تماما يعني ملهاش أي تأثير سلبي عليه مع العلم أن جسمه حساس جدا بمجرد قرصة ناموسة جسمه يتحسس بطريقة ملحوظة وتتنتشر الحبوب في كل جسمه وخصوصا رجله وإذا ظهرت حبوب في رجله لا يستطيع المشي لأنه لا يمكنه لبس الجبيرة في حالة وجود الحبوب
أما بالنسبة للمشي قمنا بشراء مشاية بالكهرباء ولكنه بيزهق من المشي عليا وكمان عملت له steper في البيت بس أنا كان قصدى من الرياضة أنها تكون حافز له وكمان يحس أنه طبيعي وسط أقرانه
جزاك الله خيرا يا دكتور

 

[د أمجد هزاع]

رد: عايزة أعرف ينفع ولا لأ

جزاك الله خيرا دكتور أمجد
بالنسبة للسع النحل أو الأمبولات ممكن أحصل عليها منين ؟
وبعدين هل هيا آمنة تماما يعني ملهاش أي تأثير سلبي عليه مع العلم أن جسمه حساس جدا بمجرد قرصة ناموسة جسمه يتحسس بطريقة ملحوظة وتتنتشر الحبوب في كل جسمه وخصوصا رجله وإذا ظهرت حبوب في رجله لا يستطيع المشي لأنه لا يمكنه لبس الجبيرة في حالة وجود الحبوب
أما بالنسبة للمشي قمنا بشراء مشاية بالكهرباء ولكنه بيزهق من المشي عليا وكمان عملت له steper في البيت بس أنا كان قصدى من الرياضة أنها تكون حافز له وكمان يحس أنه طبيعي وسط أقرانه
جزاك الله خيرا يا دكتور

الأخت منون
اولا .. اي مركز في مصر بيشتغل في الطب التكميلي هتلاقي عنده سم النحل
لأنه قاعدة عريضة في الطب البديل
بس لازم تذهبي للطبيب المختص بالمركز بولدك عشان يعطيه تركيز مناسب ويخفه بمضادات الحساسية عشان ما يكون فيه اذى
وهي امنة حينذاك تماما ان شاء الله
واما عن الرياضات المتعددة .. فلا بأس بأي رياضة يقدر ان يطبقها
وان لا فالمشي اجباري
كل المودة

 

[منون المصرية]

رد: عايزة أعرف ينفع ولا لأ

جزاك الله خيرا يا دكتور
بس كنت عايزة أعرف هل العلاج بالعلاجات الاخري مثل الحجامة ممكن تفيد أبني في مشكلة عدم القدرة علي التحكم في الاخراج (المثانة العصبية) ولا لأ وعمره ست سنوات
بارك الله فيك وجعله في ميزان حسناتك