الامل في الله

اختي هي مش هيئه الاغذيه ولا حاجه المقصود موافقه الصيدليات.....بصراحه مش عايزه اقلقك لكن 6 كيلو دا وزن يعتبر كبير وحيبقي عليها جمارك مش اقل من 300 او 400 جنيه الشخص اللي قلت لك عليه هو بيسهل فقط في الاجراءات لكن موافقه الصيدليات لازم انتي اللي تحصلي عليها وهو بيطلب 100 جنيه وحبعت لك رقمه برساله خاصه

اهلا عزيزتي....بصي انتي حتروحي قريه البضائع اللي في المطار وهناك حتخدي ورق بالمحجوز بتاعك وبعدين حتروحي (في المطار برضه) عرض صيدليات هناك فيه دكتوره حتشوف لسته الحاجات اللي انتي طلباها ومهم يكون معاكي روشته من دكتور حتي ببعض الحاجات اللي مطلوبه يعني لو مالتي فيتامين او معادن ممكن تخلي اي دكتور يكتب لك روشته بيهم ولو معاكي شهاده بتشخيص بنتك انها عندها توحد من اي مركز خديها معاكي برضه مع شهاده ميلادها (لانهم مره قالوا لي ومين الي قال انها بنتك( .....وان شاء الله ربنا يسهل....ساعات الامور بتكون متسهله جداااا وساعات بتعقد شويه حسب الدكتوره الموجوده.....مكملات الاحماض الامينيه وال ال كارنيتين غالبا بيتحجزوا وبيفرجوا عن باقي المكملات.....لو تحبي فيه موظف في الجمارك بيسهل شويه الموضوع وطبعا بتشوفيه بحاجه....ممكن ابعت لك رقم موبايله.....بالتوفيق