السلام عليكم

هذي اول مشاركه لي في هذا المنتدى الرائع والذي لاحظت فيه تعاونكم ومساعدتكم لبعضكم فياليت اجد من يسمعني ويخفف عني ويساعدني لانه في حيره من امري

انا عندي ولد عمره ثلاث سنوات ونص وهو اجمل شي في حياتي ولادته ونموه طبيعي جدا

لكن لاحظت عليه بعض الامور فهو لايتكلم الى الآن الا ماما بابا دادا يراقب المراوح ويحب تشغيل الانوار واطفائها

يسرح في بعض الاحيان وفي النادر يمشي على اطراف اصابعه اذا بغى شي ياخذني من يدي للشي الي يبغاه اذا ناديت اسمه احيانا يرد من اول مره واحيانا من ثاني او ثالث مره

قليل التركيز وقليل الانتباه فقط ينتبه للاشياء الي يحبها ويشد يدينه احيانا

ولكن الحمدلله فهو ينظر الي ويضع عينه في عيني ويبتسم عندما اضحكه ويلاعبني ويحبني ويحب ابوه وكل من حولنا وهو اجتماعي ويحب الخروج من البيت والتنزه ويحب الناس والاطفال

ولايحب الجلوس لوحده وليس لديه لعبه مفضله او ملابس معينه يحبها

عرضته على دكتور مخ واعصاب وكشف على سمعه وطلع كويس وعمل اشعة رنين مغناطيسي وطلع الدماغ سليم تماما وعمل تخطيط للمخ وطلع عنده شحنات شديده في المخ ووصف له علاج اسمه ديباكين وقال

انه يستبعد ان عنده توحد لان الشحنات الشديده الي عنده هيه الي مأخره النطق ومع العلاج راح ينتبه ويركز وبالتالي يتكلم

وانا ماني عارفه هل عنده توحد وانا أعرف ان الطفل التوحدي منعزل عن العالم ومنغلق على نفسه وولدي مش كذا

وابغى اسأل هل اشعة الرنين المغناطيسي توضح اذا الطفل عنده توحد ام لا

وايش الشي الي يكون في الطفل عشان نحكم عليه انه توحدي

وهل سمعتو عن اطفال عندهم شحنات في المخ واثرت على تطقهم وسلوكياتهم

وهل ممكن ان طفلي انه طيف التوحد البسيط

جاااااااااااااااوبوني عساكم في الجنه يارب