الاخ العزيز احمد السعودي:

شكرا للمعلومات و بارك الله في جهودك.

اسأل الله ان يكون المركز الجديد فبه الخير لابنك و الله الموفق.

هل يمكن ان تزودني بالتكاليف سواء للمركز و الاقامة؟ افادك الله.

سوف انتظر تقيمك لمركز بداية بعد فترة معتبرة ان شاء الله.

اسأل الله ان يكون بعونك............. اااامين

اخوك منتصر سالم.

السلام عليكم ورحمة الله وبركاته
كيف حالكم جميعا اخوانى
والله ان هذا اليوم الثانى لى بالمركز ولا استطيع ان احكم بشكل نهائى عليه..ولكن عموما هناك امور تجعلنى مطمئنا منها المعاملة الجيدة من كل الاطباء العاملين هناك وهى لكل الحالات وليس لى وحدىوأشعر انهم يعملون فى راحة وانعكس ذلك على حمودى بأنه استجاب للتمارين وتلاشت الحالة العصبية التى كانت تصاحبه اثناء التمارين بالسابق.
بالنسبة الى تكاليف العلاج فهى 2000 دولار شهريا..وبالنسبة اللى السكن فهناك مساكن فاخرة امام المركز مباشرة..وقد اخذت لى واحدة بمبلغ 3500جنيها شهريا وهى جيدة جدا وامام المركز مباشرة مما وفر على تكاليف المواصلات والتى كانت تكلفنى نصف هذا المبلغ تقريبا.
تحياتى للجميع ودعواتكم بالتوفيق

السلام عليكم ورحمة الله وبركاته


الله يوفقك اخي ويسعدك بشفاء ابنك الغالي 00

شفاه الله وكل اطفال المسلمين "

الاخ احمد اتفق في ما كتبته عن مركز الشروق ميه في الميه وفعلا لا يوجد فيه علاج وطريقه علاجه سيئه نظرا لتجميع جميع الاطفال وتدريبهم مع بعض في هول كبير وكانه في سوق حراج او صفاه غنم

الاخ منتصر ارجو تكلمني على الماسنجر

السلام عليكم ورحمة الله وبركاته
الاخ احمد يوجد مركز امريكي متخصص للعلاج المكثف بالبدله الفضائيه في مملكه البحرين
وعلى احدث طراز واذا اردت عنوانه ممكن ازودك في عنوانهم
وهو فرع من مراكز متعدده في فلوريدا ونييورك

اخوانى الاعزاء كيف حالكم جميعا؟اشكركم جميعاعلى ردودكم الغالية ومروركم الكريم والتى رفعت كثيرا من عزيمتى.
اخى العزيز ابو الفهود..اشكرك كثيرا على اهتمامك بالرد ومحاولتك مساعدتى..وهو شئ لا يأتى الا من انسان نبيل..بالنسبة الى مركز البحرين فقد سمعت عنه ولكنى انا بمصر حاليا والفضل يرجع لله اولا فانا مطمئن جدا للمركز الذى يتعالج ابنى به حاليا وق اقضيت ربع المدة به الان والحمد لله كل الامور تسير كما اريد وبدأت علامات التحسن تظهر على حمودى فهو كان لا يستطيع الجلوس اطلاقا والان بدأيجلس بمفرده لمدد معقولة وتحسن اتزانه..كما رشح لى الدكتور احمد المشرف على العلاج استشارية مخ واعصاب لأعرض عليها ابنى والحمد لله وصفت له ادوية ساعدت حمودى كثيرا على زيادة تركيزهمما ساعد اكثر على استجابته بالعلاج وقل الشد والتوتر كثيرا عنده وبدأ بالوقوف بمساعدة الاخصائى على الاستاند وهو ما كان مستحيلا بالماضى..انى متحمس لتكملة الفترة العلاجية هنا بمصر اضافة الى ثقتى بالطبيب المصرى وما التمسته من مجهود مبذول واهتمام بالاطفال وهو ما اردت ايضا ابلاغه الى الاخ منتصر حيث طلب منى رأيى بالمركز بعد فترة علاج طويلة نوعا ما..وتمنياتى لك بشفاء ابنتك امانى سريعا انشاء الله وقريبا سوف ارفق لكم صورة ابنى حمودى وهو جالس بمفرده اثناء التمارين..وتقبلوا جميعا وافر تحياتى

السلام عليكم اخى الكريم اعتذر عن تداخلى ولكن ما كتبته وما كتبه الاخوه استوجب منى وقفه
اولا اخى الكريم اشكرك لنصيحتك للاخوه الاعضاء ولكن
ليس معنى انك وجدت تقصير من الاخصائى المسؤول عن حالة ابنك عند الدكتور وائل او تطاول بعضهم عليه فى غيابه ان الدكتور وائل نصاب وهمه المال كما ذكرت
وكان من الاولى بك ابلاغه بالسلبيات التى رايتها ومحاولة معالجتها وده كان لمصلحة ابنك
وبالنسبه اخى الكريم لقولك ان الدكتور وائل ما بغيرش البرنامج او بيعدل عليه كان الاولى منك مراجعته فى ذلك وكان هيشرح ليك السبب وهو ان البرنامج لازم ياخد فتره فى تطبيقه حتى يؤتى ثماره او نتايجه يعن البرنامج بيتغير كل فتره
وبالنسبه لان الدكاتره قليلة الخبره فدى مشكله سوف تواجهها فى كل المراكز وذلك بيبقى لبعض الظروف الخارجه عن ارادتنا والمهم ان الحاله بتكون متابعه من الدكتور وائل وهو المسؤل الاول والاخير عن الحاله من حيث النتايج حتى مركز بدايه اللى حضرتك ذهبت ليه هتلاقى فيه نفس المشكله وصاحب المركز هو دكتور احمد سعيد والدكتور احمد سعيد نفسه ما زال طالبا وكان فى يوم بيشتغل عند الدكتور وائل ثم قرر ان ينفصل وده من حقه وخبرته بالنسبه لخبرة الدكتور وائل هى لاشئ
وكمان اخى الكريم احس بالتناقض فى كلامك كيف تقول ان برنامج المكثف هو برنامج فاشل وفيه ضرر كبير للاطفال وبعدين بتقول انك روحت مركز بدايه وان طفلك جاب نتايج كويسه با ستخدام نفس البرنامج وكمان نقلت هذا الكلام عن استاذنا الدكتور كمال شكرى مع العلم ان الدكتور كمال له مركز بالمعادى هو المشرف عليه والمركز ده بيشتغل بنفس البرنامج
اما بالنسبه لموضوع الفلوس اخى الكريم تطبيق البرنامج فعلا مكلف غير ان هذا هو مصدر رزق الدكتور وائل والدكتور احمد سعيد ومصدر رزقى انا ايضا فلازم يكون فى مكسب مادى طبعا بالاضافه الى ان حضرتك قولت انك بتدفع 2000دولار فى مركز بدايه وكمان قولت انك بتدفع 5500جنيه مصرى عند دكتور وائل اى ما يعادل الف دولار تقريبا فين بقه الاستغلال المادى
اما بالنسبه ان الاطفال بيشتغلوا فى هول كبير دى طريقه للعلاج تحث الاطفال على العمل والطريقه دى مستخدمه فى كثير من المراكز العالميه وياريت حضرتك تتطلع على المراكز عن طريق النت او سؤال بعض الاهالى الذين ذهبوا اليها
وبالنسبه ايضا لرواتب الاطباء فده شئ شخصى بين الاطباء والدكتور وائل حضرتك مينفعش تتكلم فيه وفعلا مركز الدكتور وائل هو اعلى المراكز اجرا بالنسبه للدكاتره
اخى الكريم مش معنى ان حضرتك وجدت شئ سلبى واجهك كفرد فليس معنى هذا ان الدكتور وائل نصاب ومستغل وكان من الواجب ان تناقش ذلك مع الدكتور وائل وحل تلك السلبيات
واذا حبيت اخى الكريم استطيع ان امدك بارقام تليفونات وايميلات كثير من الحالات عندكم فى السعوديه جربت النتايج وانبهرت بيها وكمان عملت مراكز على مستوى السعوديه ماشيه على نفس النظام اللى عمله الدكتور وائل
اما بالنسبه للاخ العزيز ابو فهود اخى الكريم كنت لا اتوقع منك ها الكلام فانت لم تاتى الى الدكتور وائل ولم تتعامل معه اخى الكريم ابو فهود حضرتك من الكويت ممكن تسال عائشه الحشاش اعتقد انك تعرف تلك الفتاه الرائعه هى كل سنه بتيجى مرتين المركز عند الدكتور وائل وانا كنت المسؤل عن حالتها هناك كما اريدك ان تقرا رايها فى كتابها التى الفته (اعاقتى سر نجاحى) ويا ريت تقول رايها بعد ما تقراه او تسالها
وفى النهايه انا اسف ولكن كان لازم ارد وارجو منكم تحرى المعلومات

اما بالنسبه ان الاطفال بيشتغلوا فى هول كبير دى طريقه للعلاج تحث الاطفال على العمل والطريقه دى مستخدمه فى كثير من المراكز العالميه وياريت حضرتك تتطلع على المراكز عن طريق النت او سؤال بعض الاهالى الذين ذهبوا اليها
وبالنسبه ايضا لرواتب الاطباء فده شئ شخصى بين الاطباء والدكتور وائل حضرتك مينفعش تتكلم فيه وفعلا مركز الدكتور وائل هو اعلى المراكز اجرا بالنسبه للدكاتره
اخى الكريم مش معنى ان حضرتك وجدت شئ سلبى واجهك كفرد فليس معنى هذا ان الدكتور وائل نصاب ومستغل وكان من الواجب ان تناقش ذلك مع الدكتور وائل وحل تلك السلبيات
واذا حبيت اخى الكريم استطيع ان امدك بارقام تليفونات وايميلات كثير من الحالات عندكم فى السعوديه جربت النتايج وانبهرت بيها وكمان عملت مراكز على مستوى السعوديه ماشيه على نفس النظام اللى عمله الدكتور وائل
اما بالنسبه للاخ العزيز ابو فهود اخى الكريم كنت لا اتوقع منك ها الكلام فانت لم تاتى الى الدكتور وائل ولم تتعامل معه اخى الكريم ابو فهود حضرتك من الكويت ممكن تسال عائشه الحشاش اعتقد انك تعرف تلك الفتاه الرائعه هى كل سنه بتيجى مرتين المركز عند الدكتور وائل وانا كنت المسؤل عن حالتها هناك كما اريدك ان تقرا رايها فى كتابها التى الفته (اعاقتى سر نجاحى) ويا ريت تقول رايها بعد ما تقراه او تسالها
وفى النهايه انا اسف ولكن كان لازم ارد وارجو منكم تحرى المعلومات

السلام عليكم ورحمة الله وبركاته
الاخ د مجدي
الهول لما يكون فيه اكثر من 40 طفل و40 دكتور علاج طبيعي و40 مرافق غير باقي العاملين
يصير مو علاج لعب اطفال وسوق حراج وصدقني لو في مراقبه على العلاج من قبل وزاره الصحه او من قبل حقوق الانسان او من جمعيات الدفاع عن المعاقين اتوقع ان يتم التالي
1-يهدم المركز لان موقعه جدا في منطقه نائيه
2-اكثر من نص الدكاتره ليس دكاترة بل طلبه في الكليه لم يتخرجوا بعد
3- جمع عدد كبير من الاطفال المعاقين والمعالجين والمرافقين والعاملين الاخرين مع بعض في هول مفتوح واحد يؤثر على سلوكهم ويزيد الخوف عندهم ولا يوجد تركيز لهم في العلاج
4- لا يوجد برنامج محدد ومكتوب لكل حاله جميعهم نفس البرنامج مع ان اعاقاتهم تختلف
5- ا سعار العلاج جدا مبالغ بها على الخدمه المقدمه
اما اتيت او تعاملت مع د وائل فانا حضرت الي المركز 2007 شهر 8 وقابلته وتحدثت مع عن رفضي لطريقه العلاج الجماعي لاكثر من 40 حاله مع بعض
والصراحه اتمنى بان تقابل ابنتي وتسالها عن المركز حتى تعرف انه كما تدعي من اكبر مراكز مصر

لا تمدح المركز جدا انا مستعد نعمل لجنه من المنتدى ليتعرفوا على مركز الشروق الذي تعتبر من اكبر مراكز مصر
اذا اردت اكبر مراكز مصر مركز العجوزه تابع للجيش - المركز الالماني ليس كبير لكن من المراكز الحديثه- مركز العالمي على طريق الاسماعيليه - وفي مراكز كثيره لم اتشرف بالذهاب لها

اما اذا تريد ان اتحدث عن العلاج الطبيعي في مصر من افضل العلاج بالعالم
ولكن مع الاسف الي مخربين سمعت مصر بالعلاج امثال الدكتور وائل وكثير على شاكلته
وعلى حد علمي بان مركزه جمعيه خيريه يفترض ان يعلاج بالمجان او باسعار مخفظه
ولكن قالها الاخ احمد السعودي ان مخلي لكل جنسيه تسعيره او حسب نظرته للزبون
هل هكذا يتعاملون الاطباء امثال الدكتور وائل
مع المرضى

اخى الكريم ابو فهود انا معاك ان المكان له سلبياته زى مثلا انه بعيد وسلبيات اخرى كانت السبب فى تركى العمل فى المكان
بس مع احترامى لحضرتك انا اشتغلت فى المركز لمده تزيد عن اربع سنوات وكنت معاه من اول يوم بدا فيه مفيش ولا مره كان عدد الحالات 40 فى وقت واحد زى ما حضرتك بتقول اقصى عدد كان 8 او 9 مجتمعين فى نفس الوقت
بالنسبه لاسعار العلاج والخدمات حضرتك او الاهالى عموما مش رايحين المركز لفسحه ما انتم رايحين لهدف معين وهو علاج الطفل واعتقد ان الخدمات العلاجيه وانا بركز على العلاجيه رائعه
واظن حضرتك عارف ان الخدمات دى بره بتتكلف كام وغير كده هى مش زى الموجوده هنا
وبالنسبه للبرنامج اخى الكريم البرنامج الذى يوضع للطفل يوضع على اساس امكانيته abilities and disabilities قد يختلف التشخيص ولكن قد تجد تشابه كبير فى الحالات من حيث النقطه دى ولذلك ستجد بعض التشابه فى بعض البرامج وانا متاكد وحضرتك كمان ان لكل طفل الملف الخاص به موجود به كل البرامج الخاصه بالطفل تسلم للدكتور اثناء الجلسه مع الطفل لو حضرتك اشتغلت فى المركز اكيد هتبقى عارف النقطه دى وبعدين اسمحلى اخى الكريم لما الاهالى لها المقدره على وضع البرنامج وتحديد البرنامج العلاجى السئ من البرنامج الجيد ليه ما بيعملوش هما بانفسهم العلاج الطبيعى لاولادهم ويفروا على انفسهم تلك المشقه
وبعدين اخى الكريم ما فى كل حته فى العالم الاجنبى او الغريب عن الدوله بيدفع اغلى وده موجود فى الكويت والسعوديه وكل الدول الاخرى صح ولا لا
وزى ما قلت لحضرتك ان البرنامج ده بيطبق فى دول اخرى تانيه بمبالغ طائله بتصل الى 15 الف دولار فى الشهر وحضرتك عارف كده كويس والناس بتسافر وتدفع وتكون مبسوطه وما فيش نتايج وده على لسان اهالى اخى الكريم
اخى الكريم انا ما امتدحش المركز انا امتدح طريقة العمل ومش انا بس معظم الحالات
وبعدين اخى الكريم حالة الاخ احمد سعودى ليست مقياس ممكن اى شخص يذهب لعمل عمليه عند اعظم الاطباء فى العالم وربنا ما يوفقش الطبيب مع انه بيكون واخد مبالغ طائله فى تلك العمليه ده معنى كده ان الطبيب ده نصاب وحرامى وبيتاجر فى امراض الناس زى ما حضرتك سمعت سلبيات المركز من الاخ الكريم يا ريت اخى الفاضل تسمع المميزات من الحالات الاخرى مش حاله واحده بس وكمان مش من مصر بس من جميع انحاء الوطن العربى
وبالنسبه للجمعيه اخى الكريم الجمعيه دى للحالات الغير قادره واظن ان الاخ احمد ميسور الحال وحضرتك ولو كنت حضرتك اشتغلت فى المركز كنت ستجد ان هناك الكثير من الحالات تعالج مجانا دون ادنى مقابل ومع توفير وسائل المواصلات لهم ايضا مجانا وممكن تسال الاخ احمد على كده
اخى الكريم اولا انا سبت المركز عند الدكتور وائل من فتره كبيره وحاليا ان شاء الله بجهز يكو ن ليه مركزى الخاص فى السعوديه يعنى انا ماليش اى مصلحه انى اقول الكلام ده ولكن هى كلمة حق
ومن حيث اللجنه حضرتك حدد الوقت وانا اخد ليك ميعاد مع الدكتور وائل لذلك
وبعدين يكفى اخى الكريم ان الدكتور وائل هو اول من ادخل تلك الطريقه الى الوطن العربى لكى يستفيد منها اولادكم وخرج اجيال من الاخصائين على كفاءه عاليه من اجل مصلحتكم وحضرتك عارف كده كويس وبتطبق نفس البرنامج لبنتك عن طريق اخصائيين مصريين واخصائى مجرى او بولندى تقريبا واظن ان بنتك حققت نتايج كويسه من البرنامج
وبالنسبه للاماكن الاخرى اللى حضرتك ذكرتها تلك الاماكن اخى الكريم عباره عن تجهيزات ماديه وديكورات اما المضمون العلاجى فى تلك الاماكن لاشئ والكلام ده شوفته بعينيه لانى اشتغلت فى تلك الاماكن لو ده اللى عايزينه لاولادكم فلماذا لم تذهبوا اليها ؟

السلام عليكم ورحمة الله وبركاته
اخي العزيز د مجدي المحترم
انا تكلمت عن سلبيات المكان وطريقه العلاج اما تقول 8 حالات اكبر عدد انا لما ذهبت له شاهدت تقريبا 40 حاله وصدقني كان الوضع داخل الهول لا يطاق وليس على الطفل مضر فقط حتى على الدكتور المعالج مع الطفل الصراحه الله يعينهم
كان مختلط صياح الاطفال مع كلام الدكاتره لهم
اما ما تقوله من ناحيه الاسعار صحيح حاليا مركز خطوات الامريكي في البحرين تقريبا يعالجون 20 يوم 48 الف جنيه مصري في الشهر
اما سعر المراكز في مصر جدا ممتاز
يتراوح من 12 الف جنيه الي 20 الف
ما عدا الشروق هو اغلى سعر
اما عن الدكاتره الي عندي انا حاليا ادرب ابنتي على البرنامج وهي بدات المشي على العكاز بخطوات قليله وفي طور التقدم
اما اسعاري فهي تقريبا 6 الاف جنيه فقط واذا يتعاقدون 6 اشهر ممكن اخليها 4 الاف جنيه فقط وانا حاليا قمت بتطبيق البرنامج الامريكي كاملا نفس مركز خطوات Thera Suit Program
والله يوفق الجميع

تحياتى لك اخى الكريم ابو فهود وربنا يوفقك ويشفى ابنتك الغاليه
بس دى كانت كلمة حق وليس لى اى مصلحه ان اقولها غير انها كلمة حق
واحب اوضح لحضرتك ان برنامج الthera suit ما فيهوش اختلاف كبير
وربنا يوفق الجميع وجزاك الله خير

السلام عليكم ورحمة الله وبركاته
الدكتور مجدى المحترم/قرأت كلامك ورسائلك ولكن لم اشأالرد عليك حتى اتأكد من الكلام الذى ذكرته عن الدكتور احمد سعيد مدير المركز الذى يتعالج فيه ولدى من انه مازال طالبا وعندما واجهته بالفعل اقر انه مازال طالبا..ولكن للحصول على درجة الماجستير فى تخصص العلاج الطبيعى للاطفال من كلية العلاج الطبيعى جامعة القاهرة ورايت كارنيه النقابة الخاصة بالعلاج الطبيعى والذى يفيد بأنه طبيب ممارس ولديه تصريح لمزاولة المهنة..بل وأخبرنى ايضا ان كل الاطباء الذين يعملون معه بالمركز حاصلون على درجة البكالوريوس ولديهم تصاريح خاصة بمزاولة مهنة العلاج الطبيعى..وهو مالم اجده بمركز الدكتور وائل حيث ان العاملين هناك معظمهم مازال بمرحلة الدراسة بالكلية وبعضهم بالمراحل الاولى من الدراسة بل وبعضهم يعملون لانهم راسبون فى السنوات الدراسية ولديهم المتسع من الوقت لكى يعملوا!!!!!!!!
وبالنسبة للجمعية..انا لم ارى فى اى دولة فى العالم جمعية تقوم بعلاج اطفال بمبالغ رمزية وتجمع عليهم تبرعات بالالاف وفى نفس الوقت تعالج اطفالا اخرين بمبالغ طائلة..اى منطق هذا ياأخى!!!انا لا اقول لك انى اريد ان اتعالج مثل المصريين ولكن مثل الاجانب..ولكن اكتشفت ان الاجانب انواع..بل والسعوديون انواع..فهناك سعر محدد يؤخذ من كل الحالات ولكن اذا كنت ميسور الحال فلتدفع اكثر واذا كنت ميسورا اكثر فلتدفع اكثر واكثر..اهى مححددة بنسبة الاموال التى املكها!!ام مبلغ محدد ادفعه مهما كانت حالتى؟!!!
اخى انا لا يعنينى من تلك القصة اى شئ وانا لا ادرى سر هجومك على واتهامك لى بتضارب اقوالى!بالنسبة الى الدكتور كمال شكرى لا يطبق البرنامج المكثف انما يزيد فقط من عدد ساعات العلاج التقليدى ولا يستخدم البدلة او الاوزان فى العلاج..وما اقنعنى بالعلاج المكثف هو استاذ لجراحة العظام بمصر وهو الذى اشار على بالذهاب لمركز بداية وتجربة العلاج المكثف هناك والحمد لله وجدت تحسن فى حالة ولدى.
اخى انا لا يعنينى شئ من مرتبات الاطباء او غيرها من اى شئ يتعلق بتلك المراكز..انا كل ما يهمنى ولدى..وولدى فقط..ومستعد لعمل اى شئ لشفاؤه وكل ما أطلبه هو ان أ شعر أنه فى أيد أمينة ويتلقى العلاج المناسب وهو ما لم أشعر به فى مركز الدكتور وائل مهما كان السبب سواء مرتبات الاطباء او غيرها لذلك تركته..وانا لا اقول لك اننا اطباء ولكن من السهل جدا ان تكتشف الاهمال او قلة الاهتمام فى اى مكان او عمل..حتى ولو لم تكن مختصا.
كل ما أطلبه منك هو ان لا تقوم بزرع الشك فى نفسى فى المركز الذى اتعالج فيه دون ان تتأكد من الكلام الذى تقوله..فقط من أجل ان تدافع عن الدكتور الذى عملت معه..دون ان تشعر بشعور لا يمكن ان تشعره الا لو كنت والد لطفل معاق وتتمنى شفاؤه.

اخى الكريم لو نظرت فى كارنيه الدكتور احمد هتلاقيه حديث التخرج يعنى انا ما ضحكتش عليك
هو كان لحد فتره قريبه جدا طالب
بالنسبه لدفاعى عن الدكتور وائل ليس من منطلق انى عملت معه ولكن لانى فعلا رايت النظام بنفسى وعملت به مع الدكتور وائل وانشات مركز فى السعوديه يعمل بنفس النظام
اخى الكريم طبعا انت حر فى اختيارك للمكان المناسب للعمل به واللى بترتاح فيه طبعا
اما بالنسبه للصفات الشخصيه للدكتور وائل هو حر فيها يعنى انت مش رايح تصاحبه العلاقه مش علاقة صداقه
وعلى العموم ربنا يوفقك فى المكان الذى تجده مناسبا لولدك
والدكتور احمد سعيد ممتاز انا لم اعيب فيه ولكن انا كنت بديك مثال ان الدكتور مش لازم يكون كبير فى السن علشان يكون شاطر
ربنا يشفى ولدك الغالى وانا مقدر طبعا ظروفك وحرصك على النصيحه وان شاء الله نسمع اخبار حلوه فى القريب العاجل وابقى طمنا عليه
تمنياتىى الى الغالى ولدك بالشفاء العاجل
وتقبل مرورى المتواضع على موضوعك