فيه محل اسمه وادي الطبيعه في المنامه رقمه 0097317232959عنده اشياء كثيره بس انتبهي بعضها فيهم سكر وهو الهندي فاهم وعارف بس مو عارفهم انهم ممنوعين من السكريات عنده طحين مره ممتاز اسمه plain flour وكورن فليكس يجنن وطعمه حلو بس للاسف بنتي مو متقبله حليب الارز وعنده حليب الارز بعلب صغيره للمدارس
وفيه بكارفور قسم خاص لاغذيه خاليه من الجلوتين وفيه بعد نفس الطحين بصراحه انا عجبني حيل وهو لجميع الاستعمالات

بالنسبه لسكر فراكتوز عندكم بالسعوديه ماركة حلواني

اتمنى افدتك

تسلمين بس خسارة شفت مشاركة بعد ما رجعت من البحرين في المرة الثانيه ....

قهر ههههههههههههههههه

هلا اختي ابي الوصف عدددل لآن امس رحت البحرين وجلست 4 ساعات في المنامه ابحث عن المكان ولا شفت المكان ابي وصف عدل عند كم مكان اماكن معروفه المشكلة تلفوناتنا اني وزوجي مارضيت تشتغل
هي السبب في ضياع الوقت

سلام
احسن شي اشتري بطاقة زين ب 1 دينار او 5 دنانير من كونتر زين من ستي سنتر امام الكارفور
وبعدها اتصلي في محل وادي الطبيعه لانه شوي داخل
وبصراحه الهندي يعرف وايد اشياء
بس المكرونه موجود في كارفور ستي سنتر
شكرا

هلا اختي
شفت موضوعج
وبكتب لج الوصف وان شاء الله تلاقين المحل
بس مثل ما قالو لج البنات ، ترا كارفور عنده معظم الاشيا ، وخاصه الطحين والمكرونه ، اشتري ماركة اورقران ، ودايما شوفي المقادير للشغله الي تشترينها ، مرات تلاقين سكر!!!

اذا انتي جايه من السعوديه وتوقفين في الاشاره الي احين اعتقد انها مازالت غير موجوده ، كسرو الشارع ، على اليمين جسر ستره ، ويسارج تروحين العدليه
امشي للامام (سيدا) إلى الاشاره الي امامج جسر جديد تروحين للحد والمطار
خذي يسار على هالاشاره
وامشي سيدا ، اول اشاره طوفيها ، روحي للاشاره الثانيه تلفين عليها ، يسارج يكون فندق الخليج ، تدخلين منطقه اسمها الجفير ، راح تشوفين الجامع الكبير على الشارع ، اسمه جامع الفاتح
وترا البنايه الي فيها هالمحل موجوده على الشارع قبل اللفه ، بس يوم تدخلين لفتها لفه هههههه
تدخلين هالشارع واول اشاره تلاقيج اخذي يمين
ادخلي يمين ، وبعدين تلاقين يمين ويسار ، اخذي يمين
بتشوفين مجمع على يمينج صغير فيه كوفي شوب وسوبرماركت كبير
امشي سيدا كملي
والشارع بتقولين مافي شي وين اروح
كملي سيدا كله عمارات ، وكأنج بتشوفين الشارع الرئيسي الي كنتي تمشين فيه
والشارع ياخذج لفه منحنى على اليسار
بتشوفين بنايه طابق وفيها المحل تحت ، وادي الطبيعه
وان شاء الله توصلين له ، ان شاء الله تكونين وصلتي له وشريتي الي تبين
واي شي حاضرين يالغاليه

انتي اخذي يسار