المشاركة الأصلية بواسطة الدانه
مشاهدة المشاركة
يا هلا بالداااانة
حياك الله يالداااااااااااااااااانة
انا بخير الحمدلله كل شيئ تمام
يلا نبدأ بالاسئلة على بركة الله
ورقة وقلم ماذا اكتب فيها ولمن اوجها
اكتب فيها استقالتي من المنتدى واوجها لتناهيد هههههههههه
بصراحة
اكتب فيها
(( اترك الخليج في حاله وخليك عاقل احسن لك لا يجيك ما جا جارك ))
واوجها لاحمد نجاد رئيس ايران
*******************
فترة في حياتي اتمنى ان تكرر
فترة ايام الثانوية علشان اصلح بعض الاخطاء
***************************
حقيبة اسراري من يحملها
ماعندي حقيبة ولاجنطة اسرار
اسراري احفر لها حفرة في القلب وادفنها بين الاحشاء
:)
***********************
اكثر شيئ يشغل بالي هذه الايام
والله يا دانة مافيه شيئ معين
قاعد اتعلم عن الانترنت والبرامج
********************************
شوفي ترى احنا مهاجرين من القصيم قبل 300 سنه للكويت ولحد الحين عندي قرايب هناك والوالد عنده مزرعة في بريدة
الله يرحم الشيخ بن عثيمين لما اتذكره تنزل دموعي بشكل لا إرادي
الشيخ بن عثيمين كان يحب طلبة العلم حبا كبيرا وكان اثناء الدروس يلطف الجو
ويحب يشوف طلبته سعداء مبتسمين بشوشين
وكان يمون عليهم ويحب يعرف اساميهم ويمزح معاهم
وكنت احب ان اجلس بجانبة وكان يحبني كثيرا
وكانت عندة خيزرانة صغيرة ( عصايه ) <<< مو للضرب طبعا لكن سنه من سنن الانبياء عليهم السلام
رفع بها شماغي من على راسي ثلاث مرات
اول مرة لما سئل عن التاريخ وقلت له التاريخ بالميلادي :) وكان يريدني ان اقول له التاريخ بالهجري
ومرة لما قال لنا استمعوا لاتكتبون الآن وكنت انا اكتب فطبعا اللي يكتب لازم ينزل راسه فرفع الشيخ شماغي بالعصاية :)
وقال اشفيك ماتعرف عربي هههههههههههههه وكان درسنا في اللغة العربيه
ومرة كان يمزح معانا عن الازواج اللي يستسلمون لزوجاتهم ويطيعونهم بكل شيئ
وكنا نمزح وقال طارق الظاهر بيرفع راية الاستسلام من اول يوم ورفع شماغي بالعصاية :)
وخلال عطلة الصيف كلها مارفع شماغ احد بالعصاية غيري
ولما جيت ارجع للكويت حضرت عنده وقبلت راسه وقال لي اليوم علشان تبي تودعنا ماني رافع شماغك بالعصا
الله يرحمة ويسكنه فسيح جناته
شكرا لك دانة قلبتي المواجع
تحياتي لك
تعليق