رد: دروس تعليميه لاطفال متلازمة داون

المعلومات العامة
الأســــــــــــــــــــــــــــــــــــــــــــــ ـــرة
أن يتعرف علي الولد والبنت

هذي تعلمها من المدرسه من هي و هو و اخي و اختي و الفرق بينهم بس باقي اذا يبي يقول اختي يقول اخي

أن يتعرف علي الرجل والسيدة
أن يتعرف علي دور كل فرد من أفراد الأسرة ( الأب والأم و الأخوات )
أن يتعرف علي أسماء كل فرد من أفراد الأسرة
أن يتعرف درجة القرابة من الدرجة الثانية ( العم والعمة والخال والخالة والجد والجدة )
أن يتعرف علي درجة القرابة من الدرجة الثالثة ( أبن /بنت العمة والعم والخال والخالة
أن يتعرف علي ترتيبه بين أخوته
أن يتعرف علي وظيفة الأب والأم والأخوات

هذي كلها احسه تعرف عليها من الحياه و تكرارها قدامه تعرف عليها و حفظها
بس ما اقدر اقول شي كثير فيها لانه تعلمها و هو صغير و مافي بيني و بينه الا سنه و نص علشان كذا مااذكر كيف تعلمها

رد: دروس تعليميه لاطفال متلازمة داون

أن يتعرف علي الزمن(الصبح والظهر والليل )
أن يتعرف علي ما يتم فعله في هذه الأوقات
أن يتعرف علي الساعة كمسمي
أن يتعرف علي شكل الساعة ووظيفتها
أن يتعرف علي أيام الأسبوع من حيث العدد والأسماء
أن يتعرف علي أيام الأسبوع من حيث المسميات


هذي يعرفها لكن عنده مشكله ان صباح البارح (امس الصباح) يختصرها في كلمه وحده( صبارح)


و بعد تعرف عليها من تكرارها قدامه حتى حفظها او اذكره باللي صار امس و اقول وش الوقت اللي صار فيه يقول في العصر و اصحح له ان العصر يكون بعد الغداء
و بكذا تعرف على الصلوات و أوقاتها

و الشهور مايعرف منها الا شهرين
رمضان و الحج بسبب الصوم لانه شي غير عن الشهور الثانيه و الحج بعد
و لانه بعد مرتبط بعدها عيد الفطر و عيد الاضحى
لانه اذا قال العيد جاي ابي اشتري ثوب جديد او عطر جديد قلنا العيد باقي عليه شهر كذا و كذا و كذا و بعدين رمضان بعدين العيد و كذا نحاول نربط له المعلومات ببعض
مثلا يقول العيد نذبح فيه قلنه له لا عيد الفطر ما نذبح فيه لاننا نكون صايمين و في عيد رمضان نفطر الصباح

اما الحج علشان القصه المعروفه مع نبينا ابراهيم عليه السلام علشان كذا نذبح خروف

يعني نربط له المعلومات ببعض و نعوده على تبرير اي شي يصير

مثلا تعطلت السياره
ليش تعطلت
نشرح له وش اللي صار و خلاها تتعطل


خرب التلفزيون
علشان نزلت عليه مويه و اي جهاز كهربائي لازم نبعد عنه المويه علشان اذا نزلت عليه تخربه و ممكن يصير حريق و نوريه الشرار اللي يطلع من الاسلاك الكهربائيه بأي تجربه بسيطه علشان يفهم وش اللي يصير مايكون معزول عن العالم

رد: دروس تعليميه لاطفال متلازمة داون

أن يتعرف علي ناعم # خشن
أن يتعرف علي داخل # خارج
أن يتعرف علي فوق # تحت
أن يتعرف علي يمين # شمال
أن يتعرف علي نظيف # متسخ
أن يتعرف علي ضحك # بكاء
أن يتعرف علي حار # بارد
أن يتعرف علي بعيد # قريب
أن يتعرف علي عالي # منخفض
أن يتعرف علي جوعان # شبعان
أن يتعرف علي ليل # نهار
أن يتعرف علي معدول # مقلوب
أن يتعرف علي أمام # خلف
هذي بالالعاب المختلفه
يعني لا تلقنونهم امام خلف و لازم يعرفونها
لا ابدأوا بان اي شي يصير قدامهم تربطونه بالمكان او الزمان
مثلا جلس الوالد يدور على مفتاح السياره
قلنا فوق التلفزيون
يوسف قول لأبوي مفتاح السياره فوق التلفزيون

كتابي مرمي تحت السرير
و كذا نحاول اي شي يصير قدامه نربطه
او بالالعاب مجموعه من الحيوانات موزعه في مكان اللعب و نطلب يجيب الأرنب من وراه و كذا

او احنا ناكل باليد اليمين دائما هذي اليد اللي احنا ناكل فيها هي اليد اليمين و الثانيه الشمال
و الرجل نفس الشي هذي اليد اليمين يعني ان الرجل بعد اسمها الرجل اليمين

و بالتكرار يحفظها و تصير شي معروف بالنسبه له

رد: دروس تعليميه لاطفال متلازمة داون

العلوم البيئية
أن يتعرف علي أسماء الحيوانات الأليفة ( البقرة ،الخروف ، الخروف ،الماعز ،الجمل ، الجاموسة ، الأرنب ،القطة ، الكلب )
أن يتعرف علي أصوات هذه الحيوانات
أن يتعرف علي وصف كل حيوان من الحيوانات السابقة
أن يتعرف علي أسماء الحيوانات المتوحشة ( الثعبان ، الفيل ، الزرافة )
أن يتعرف علي أصوات هذه الحيوانات
أن يتعرف علي وصف شكل كل حيوان من الحيوانات السابقة
أن يتعرف علي أسماء الطيور ( العصفورة ، البطة ، الدجاجة ، الحمامة ، الديك )
أن يتعرف علي وصف شكل كل طائر من الطيور
أن يتعرف علي أسماء الخضروات ( الخص ، الخيار ، البسلة ، الفاصوليا ، الجزر ، الكرنب ، القرنبيط ، البامية ، الملوخية ،القلقاس ، السبانخ ، الطماطم ، الكوسة ،لفت ، البصل ، الثوم ، البطاطس
أن يتعرف علي وصف شكل كل نوع من الخضروات السابقة
أن يتعرف أسماء الفاكهة الفراولة ، المانجو بطيخ ، مشمش ، برتقال ، يوسفي ، رمان ، بلح ، جوافة
أن يتعرف علي وصف شكل كل نوع من الأنواع

و هذي بطريقة البازل مثل اللي منزلتها الخت جنى في موضوع العاب تعليميه لأطفال الداون بالصور

و بعد بالمجلات اللي فيها صور الحيوانات و كل ما اشر على حيوان نقلد صوته
او مجسمات الحيوانات
و بعد مايعرفها ننزل فيه جوله في حديقة الحيوان ( بس هذي احنا ماسويناها احنا جبنا له حديقة حيوان في البيت)
مره نجيب اغنام وهذي وشهي ووش الفرق بين الخروف و الماعز بالشكل ونخليه يحاول يأكلها بنفسه

و بعد الدجاج و الديك و الصيصان

هذي كلها جبناها له و بعد الحمام و تعرف على اصواتها و اسمائها على الطبيعه
و الجمال و القرود في السفر نحصلها و نخليه يراقبها و يقول وش اسمائها


و ممكن طريقه حلوه اذا كنت تبينه يقول حاجه قولي هذا الحيوان اسمه يووووه نسيت اسمه ياربي وش اسمه؟!! يا ربي هذا الحيوان يعرفه يوسف وش اسمه انا نسيته
يوسف وش اسمه؟! بكذا يقوله و يحس بانتصار انه يعرف حاجه انتي ما تعرفينها
و نفس الطريقه نتابعها في الاشياء الثانيه
حتى تكون شي طبيعي في الحياه ان اي شي نبيه نوصفه بالوصف الدقيق بصوت مرفوع

رد: دروس تعليميه لاطفال متلازمة داون

اي شي تبون فيه شرح اكثر قولوا لي لاني مااعرف اشرح
بس قلت لكم اللي اعرفه تقريبا و يمكن اسألتكم تذكرني اشياء انا اكون ناسيتها

ان شاء الله لي عوده مع الاشياء الباقيه

رد: دروس تعليميه لاطفال متلازمة داون

هذه المعلومات بمثابة كنز لكل الامهات جزاكي الله خيرا ام محمود علي الفكرة وجزيتي خيرا شروق غلي تلبية الفكرة

رد: دروس تعليميه لاطفال متلازمة داون

أن يتعرف علي التكوين الداخلي للجسم
* الجهاز الدوري ( القلب ) وأهمية للإنسان
ايه هذي تعلمه لانه كان اذا انجرح احد منا طلع دم فاجلس اشرح له هذا وشو؟
يقول دم
اقول الدم هذا وش يسوي ؟
يقول يطلع عشان انتي مجروحه
فاجلس اشرح له ان اي مكا ننجرح فيه يطلع دم لان الجسم مليان دم لان الدم هو اللي ياخذ الاكل و يوزعه على الشعر و الاظافر و اللسان و الاسنان و اليد و الرجل علشان كذا احنا نكبر و نصير اقوياء
و بعد يسمع دقات القلب و اشرح له وش يسوي و الحين صاير يجلس معاي يطالع في افلام علميه و بعد في المدرسه تعرف عليها بشكل مفصل



* الجهاز التنفسي وأهميته للإنسان
و هذا اجلس مره مثلا و اقفل انفي يقول لا لانه عارف اني باختنق اقوله ليش؟

و بعدين اشرح له و يشوف الحيوانات و يلاحظ انها حتى هي تتنفس و كذا
* الجهاز الهضمي وأهميته للإنسان

كان يقول ان الاكل ينزل في معدته زي البحر و فيه حوت يمزح بس ه يسمع صوت المويه في معدته و خصوصا اذا شرب مويه كثير
و اشوف انها فرصه حلوه اني اعلمه ان الاكل اذا نزل المعده تخلطه ببعض مثل الفم و بعدين الدم ياخذه و يوديه لكل مكان في الجسم

* الجهاز التناسلي وأهميته للإنسان
أن يتعرف علي معني الإسعافات الأولية
أن يستطيع التعامل مع الجروح البسيطة
أن يستطيع التعامل مع الحروق البسيطة

الحمدلله يعرف يتعامل معاها و كل هذي الاشياء ترى يتعلمونها بالممارسه يعني ما تحتاج لعبه معينه او برنامج معين لكن يحتاج انكم تمارسونه قدامه باستمرار حتى يتعود عليه و يعرف انه اذا طلع دم يمسح عليه بالمسحه الطبيه او اي مطهر و يحط عليه لصق جروح و نفس الشي مع الحروق اذا احترق هو لا قدر الله او احد احترق يحط عليه بخاخ الحروق او اي مرهم خاص للحروق

أن يستطيع التعامل مع الكسور البسيطة
هذي ماعلمناه عليه على الرغم من انه تعرض لهذا الموقف لكن ما علمناه عليها ان شاء الله اشرحه له بطريقة مبسطه

و فيه مواقف انا ذاكرتها فيها بعد تحذيرات و تنبيهات للأمهات ممكن تستفيدون منها على هذا الرابط تابعوه باستمرار

رد: دروس تعليميه لاطفال متلازمة داون

اليوم حاولت اعلم يوسف الحلاقه

رفض يقول ما اعرف
بس حاولت فيه لحد ما اقتنع
و مسك مكينة الحلاقه و انا ماسكتها معاه بس حسيت اعصابه مشدووووده
و يضغط بالماكينه بقوووه على وجهه
و جرح وجهه


بس عادي شوي و شوي يتعلم
يعني حسيته شوي و بدأ يرخي عضلاته و يحلق تمام بس تدخلت في النهايه و حلقت له الامكل اللي ماوصل لها


ابوي يقول كذا تمام علشان يعتمد على نفسه
بس امي زعلت تقول مايقدر ليش تخلينه يحلق لنفسه


لكن ان شاء الله كلها مرتين او ثلاث و خلاص ما احلق له
قولوا يارب

رد: دروس تعليميه لاطفال متلازمة داون

يا رب
المهم تداومي عالعمل
الظاهر انو بيخاف بالاول عليكي تقللي من خوفه
وان شاء الله مع الوقت يحلق لوحده

رد: دروس تعليميه لاطفال متلازمة داون

والله ياحلم الطفوله انا حاولت قد ما اقدر معاه
و من زمان و انا احط الفكره هذي في راسه علشان اذا جا يحلق لنفسه يكون عارف

و بعد حتى و انا احلق له اقول له يراقبني علشان المره الثانيه يسوي نفس الشي

و يارب

رد: دروس تعليميه لاطفال متلازمة داون

ضلي تحاولي معاه اكيد بالاخر حا يحلق لنفسه بيده تماما
وجزاكي الله خيرا علي شرحك المميز

رد: دروس تعليميه لاطفال متلازمة داون

جزك الله خير ام محمود كل فى ميزان حسناتك عند الله

رد: دروس تعليميه لاطفال متلازمة داون

ان شاء الله بس قولي يارب
هذا انا احاول فيه بس يارب يتعلم بسهوله بدون مصاعب

رد: دروس تعليميه لاطفال متلازمة داون

الاعتماد علي النفس شيء مهم لابنائنا وخاصه في امورة الشخصيه
جيد منكم المحاوله ومع كثرة التكرار ان شاء الله يده هتكون خفيفه
هو كاي شخص لاول مرة يفعل شيء جديد هتجد اخاطء ومع التكرار هتقل الصعاب
وان شاء الله يوسف قدها
مش هاقولك هنجعله يجرب يحلق لاولاد العائله ههههه

رد: دروس تعليميه لاطفال متلازمة داون

بارك الله فيك ياام ابنائنافي المنتدى وليس محمود فقط