السلام عليكم ...

انا عضوة جديدة انضممت لكم ...

للاسف المناسبة غير سعيدة لانضمامي معكم .. لكن قدر الله وما شاء فعل ... والحمد لله على كل حال ..

انا بقولكم قصتي من طقطق لسلام عليكم ... لان يقول المثل اسأل مجرب ولا تسأل طبيب ... وانا ابغاكم تنصحوووني وتساعدوووني بس بالاول اقرأو قصتي مع ابني محمد نور عيني ....

ولدت ابني محمد وهو الثاني في اولادي ... ولما ولدته وجدت انه عنده مشكلة بالتنفس يطلع صوت لما يتنفس .. وقالو لي الاطباء ممكن القصبة الهوائية بعدها ضعيفة عنده ولما يكبر يتحسن ويروح عنه هالصوت مع التنفس وبالفعل ... لما كبر اشويه واستقوى ... راح الصوت مع التنفس .. حتى لما ينام قليل اللي يشخر .. قلت الحمد لله هم وانزاح ... بعدها صابتني ظروف صعبه في حياتي .. وجبت شغالة جديدة .. طبعا ما لمسته ولا اهتمت فيه الا لما كمل عمره تقريبا 9 شهور .. بعدها زادت الظروف عندي وبديت اخليه عندها تبدل حفاظه تأكله .. لما اهملت ابني كثيييييييييرا كنت ارجع من الدوام واخليه عندها وهي تخليه بروحه مع اخوه الكبير يضربه .. و يأخذ عنه العابه ..
المهم استمر مسلسل اهمالي له .. لحد اني ما كنت احس بتواجده معنا .. انام وانا اقول اليوم ما قعدت مع حمودي باجر اقعد معه وهكذا لما يجي اليوم اللي عقبه مثل اللي قبله ...
كنت ما اعلمه اشلون يلعب ولا اعلمه اشلون يتكلم ..

ادري اني استحق القتل والشنق بعد لو حبيتو ... لكن ؟؟؟!!! انتظرو القصة ما خلصت ...

.....

بعدها بدأت احس ان ابني محمد ما له موقع من الاعراب في حياتي ولا في حياتنا اصلا .. يعني مجرد انادي الخدامه تعالي بدليه تعالي اكليه حتى لما اروح مجمع واطلع معه في العربة مرمي ما ادري عنه ولا احس فيه .. ولما يصيح يبي يطلع منها يركض مثل اخوه الكبير كنت اعطية الرضاعه اسكته فيها ...

في عيد ميلاده لما كمل سنة اقمت لهم حفله بالبيت وحسيت ان العيون كلها عليهم .. من هاليوم دائما ابنائي يمرضون .. لكن ما اهتميت بهالامور لاني كنت لاهية بامور تافهه ..

اهلي واهل زوجي بدأو يسألوني عن محمد ليش ما يتكلم ؟؟ عمره كمل سنة و5 شهور.....وولد عمه اللي بمثل عمره تكلم اشويه ..؟ قلت لهم مسألة قدرات ..
بعدين سألوني ليش ما يطالع بالعيون اذا احد كلمه ؟؟ ليش ما يضحك ويبتسم اذا احد لعب معه ؟؟ ليش ما يلعب مع احد ويتفاعل معه ؟
انا كنت اتملل من اسئلتهم .. وما اهتم بها ..او بالاحرى مو فاضية لها ...

لما زاد العيار اشووويه من الاسئلة حسيت ان في مشكلة بدأت اعلمه واكلمه واخيرا حنيت عليه ... وقعدت وياه .. لقيت ان فعلا في مشكلة ما يطالعني ولا يتفاعل معي اذا اناديه بأسمه ما ينتبه له .. كان الاول غييييييييييييييييييييييير طبيعي جدا حاله حال بقية الاطفال .. لما اطالعه يطالعني واصوره بالكاميرا حتى له كم فيديو يناغي ويضحك ويتفاعل مع ابوه .. وكان لما العب وياه يتفاعل معي .. يصفق يسوي بااااي بيده .. حتى يقول كلمة ددي يعني جدي وكلمة ماما وبابا .. وكان يحب يلعب مع جده وخالاته ..
لكن الان ؟؟؟؟؟؟؟ ولا كلمة الا اما وابا .. واصوات غير مفهومه ...

مرة كان عنده تطعيم وصابته حرارة شديدة منه وصاده تشنج ... شكيت اقول يمكن منه ؟؟ ما ادري ؟؟

شنو اللي صار له شنو اللي غيره ؟ هل هو ما يسمع ؟ لما اكلمه ما يسمعني ما يرد علي ؟ اناديه تعااااال محمد يمشي عني ؟؟ قلت يمكن فيه مشكلة بالسمع .. قمت ابحث في النت ووجدت مركز للتخاطب والسمع .. ورحت لهم وسبحان الله ما ادلي مكانهم ولا سألت احد عنهم بس امشي بروحي بالسيارة كأن احد يدلني ..
دخلت وكلمت الاخصائية .. وقلت لها مشكلة ولدي عطتني موعد العصر مع الدكتوور ...
رجعنا العصر وكلي امل وتفاؤل يمكن القى عنده الجواب على سؤالي .. دخلنا على معلمه تخاطب وسمع وقعدت تسألنا اسئلة كثثثثثثثثثثثثثيرة .. بعدها حولتنا على الدكتور .. وقال لي الدكتور بحولكم على دكتور اخصائي نمو وتطور الطفل افضل لكم .. انا استغربت من كلامه قلت له لكن هو ما فيه شئ بس ما يسمع ..
قال لي مو مشكلة احنا بنسوي له فحص للسمع وبنشوف ..

وطلعنا من المركز وتوجهنا للعيادة .. وكنت اقول في نفسي لا يكون فيه مرض غير لا سمح الله ؟

دخلنا عليه وقلت له انا بس ابيك تشوفه مو لازم ملف تفتح له قال ليش قلت له ولدي ما فيه شئ طبيعي بس ما يسمعني عدل لما اناديه كان يعرف اسمه ويتكلم بس اللحين ما ادري وش فيه قالي مو مشكلة .. بس لازم ملف .. فتحنا الملف .. ولما قعدنا بدأ يسألني اسئلة كثيييييييييييييييييييييييييييييييييييييرة عن كل شئ من ولادته الى حد الان .. وقام يلاعبه ويشوف تفاعله .. وقف قدامه وهو بطوله وبعرضه ولدي حتى ما رفع عينه له .. وبعدين رمى له كرة صغيرة اول وحده ما اهتم بها الثانية بس التفت لها والثالثة اخذها .. قعد جنبه ولا كأنه موجود ؟
قعدنا معه وهنا الصدمه الكبيرة في حياتي اللي قلبت كل موازيني ؟؟

قال لي : ولدك عنده نقص في التركيز و الانتباه وبعض اعراض التوحد ولازم نعمل له فحوووصات .........الخ .. للسمع والمخ والدم .؟

يتكللللللللللللللللللللللللم وانا اسمعه ولا اسمعه ؟؟ بدأ وجهي يتغير ملامحه ؟؟؟ وعيوووووووني بدأت تهطل ...... كأنها مطر يمكن بحياتي ما شفت اسرع من هالدموع ؟ كنت اصبر نفسي اقولها عيب تصيحين قدام الدكتور ؟ قال لي تصبري ووكلي امرك لله وان شاء الله ما فيه الا العافيه ..
قلت له انت متأكد ؟ قال لي لازم نسوي الفحوصات اول ..
بعدين واحنا طالعين قال لي كتبي في الانترنت توحد ودخلي اقرأي عن هالمرض .........

رجعت البيت منهاااااااااااااااااااااااااااااااااااارة .. حسيت الدنيا تدور فيني انا وابوه .. حتى سوينا حادث بالطريق بس الخطأ على الثاني مو علينا خخخ ..
لما وصلت البيت نمت ......وقعدت من نومي الساعه 1 بالليل .. مفزوووعه اقول لزوجي هذا حلم ولا صدق اللي صار محمد وش فيه صدق اللي فيه ؟ خل نروح دكتور ثاني هذا ما يفهم هالدكتور ؟
قام يهديني زوجي ويصيح وياي ؟ لما قعد ولدي لاني نومته جنب سريري .. لعبنا معاه وضميييييييته ونمت ........لكن يوم قعدنا ثاني يوم الصبح حسيت ان انا مو انا وان حياتي مو هاذي حياتي وان ولدي محمد غير عن ولدي اللي اعرفه .؟؟

لو حبيتو اتابع معكم واقول لكم باقي قصتي علمووووني ..؟ وتااابعوووني ... ان شاء الله ما اتأخر عليكم ...ارجوووكم خلكم معي ..راجعه