هلا حياك الله حلم الطفوله
تسلمين يالغاليه بس هذي حياه كامله لازم تكون مليانه مواقف و معلومات



بس حرام عليك كذا تعذيب لأختك تجلس تلف تدور عليك

هذا موقف جديد

طبعا هالموقف تغيبت بسببه عن المدرسه 3 ايام تقريبا


في بداية فصل الربيع يطلع في شجر اللوز الأزهار و بعدها اللوز و يكون في بدايتة اخضر و حلوو كثييير نتضارب عليه علشان مانحصل كثير كبيره في حجمها نقدر ناكلها


المهم
عندنا شجره لوز هي الوحيده اللي اهلي معطينا الضوء الأخضر في انا ناكل منها

و هذاك اليوم انا و يوسف واقفين عندها مانلحق اللوز فنرجع نرميها بحجاره علشان يطيح اللوز


و شوي دخلت تحت الشجره علشان اشوف اللوز اللي نقدر ناكله في اي مكان علشان اعرف كيف ارمي الحجر و على اي غصن بالضبط <<<<<اللي يسمعني يقول محترفة رمايه مايدرون اني من جنبها


المهم والله و انا ادور يوسف يقول لي اطلعي قلت ما بأطلع وش عندك؟!

قال ترى بارمي و كان ماسك حجر و مو اي حجر
حجر كبير شوي و له راس مدبب

قلت ماني طالعه عناد ( لأني متأكده انه مابيرمي و انا تحت الشجره)
لكن شكله قال مابيطيح عليها او بكيفها او ما ادري وش اللي دار في باله هذاك الوقت
رمى الحجر و مادريت الا راسي دااااااايخ و احط يدي على راسي مكان الضربه بس مو كفي لا مكان المعصم حطيته على مكان الضربه - الحين تفهمون ليش اشرح-
جلست اخاصمه و رفعت صوتي
(انت ماتشوفني تحت الشجره ليش ترمي غبي ماتفهم و قلت كلام و الله ما ادري وش قلت بالضبط بس عن جد الضربه اللي جتني خلتني اعصب بشكل)

و ترى كان عمري وقتها 6 سنوات يعني هو اربع سنوات

و جيت راجعه على البيت قلت راسي دايخ بارجع البيت اريح شوي و كان في بالي اني بارجع انام و بيروح الوجع

و شوي الا اشم ريحة دم
و اطالع في يدي في معصم يدي الا فيه دم استغربت من وين جاني
اشوف انفي مافي دم
فمي؟!!
بعد مافي دم

ادور و شوي قلت يمكن من راسي
بس حطيت يدي و شفت الدم
والله تجيني دووووووخه فضيعه
و راسي يوجعني
و مباشره بكيت و انا راجعه البيت حتى ما اشوف الطريق من الدوخه و الدموع


و ارجع الظاهر وحده من خواتي شافتني و سألتني مدري وش صار اتذكر بعد كذا و خواتي يضمدون الجرح و اللي راح يجيب يوسف علشان مايجلس لوحده في المزرعه

و جلست في البيت غايبه 3 ايام و ما اقدر امشط شعري

لما رحت مع ابوي علشان يشوف الحجر اللي انرميت فيه
اسمعه يقول لأهلي الله ستر و الا كان صار شي ثاني

شروق كنت بسالك
هل سبق وعملتو اختبار الذكاء ليوسف وفى اى عمر والان عملتو له اختبار
لان اختبار الذكاء بيحدد العمر العقلى للشخص وبكذا بنعرف كيف بيفكر
تحياتى

يالله ما اصعبها لما يكون راسك مليان نوووووم و ما قادره تفتحين عينك و يبونك تلعبين معاهم و الا بيصارخون باقوى ما عندهم


ربنا يعيننا منهم عنيدين

بس والله شاطره ليان صحتك معاها هههههههههههههههههههههههه<<<<<<نذله

ههههههه ايوة صحتني وقلقتني

و على قولة جنى
هذي الاخوه لازم فيها تضحيات هههههههههههههههههه

هلا والله بمشرفتنا

اقول
علشان الاشراف نبي عزيمه كبيره تليق بهذه المهمه الكبيره (الاشراف)و اذا ماتقدرين تعزمين عادي بس اعطيني تذكرة سفر سياحه لخارج المملكه و لأحسن دوله
عاد اختاري انتي


اما من ناحية الاخوه والله كلمه جديده خلني اقولها لاخواني اذا صار شي