رد: اهالي الاردن الغالي و فلسطين الحبيبة.......دعوة للتجمع

مرحبا أم مودة
أرسلت لك رسالة بالمعلومات
بالنسبة للاخصائية أنا أيضاً سألت وعرفت أنهم يتقاضون من 15 الى 20 دينار على الساعة
وهذا فوق طاقتي المادية
حالياً أتابع مع ياسمين تمارين جميعها من مدونة أم محمود
وياسمين تتحدث بطلاقة بالنسبة لوضع طفل متلازمة داون حتى أنها تنطق بنفس مستوى عمرها
ولله الحمد ... طمنني اخصائي تدريب النطق الأستاذ خالد في المنتدى على نطقها ومستواه
اطلعي على مدونة أم محمود ... وجربي مع ابنتك ... انها جداً جداً مفيدة

حيث أنها شاملة لكثير من حالات الاعاقة من تمارين نطق وتمارين بدنية للحركة وتمارين للانتباه والتركيز
والله من وراء القصد

رد: اهالي الاردن الغالي و فلسطين الحبيبة.......دعوة للتجمع

يعطيك العافية اختي ام ياسمين

رد: اهالي الاردن الغالي و فلسطين الحبيبة.......دعوة للتجمع

جمعة مباركة

رد: اهالي الاردن الغالي و فلسطين الحبيبة.......دعوة للتجمع

شو بشوفكم فضيتوا التجمع

يلا بحكيلكم اخباري

ابني اله تقريبا 10 جلسات مع المعلمة

المعلمة بتمدح فيه كتير و بتقول انه ذكي لكن عنيد

وان شاء الله رح اصير احضر معهم مرة بالاسبوع

وبالنسبة للحمية و التحاليل كله اجلناه حتى ننزل على عمان والله الموفق


دعواتكم

رد: اهالي الاردن الغالي و فلسطين الحبيبة.......دعوة للتجمع

اخبار حلوة يا واحة,مش عارفة ليش بتذكريني بهمتك باختي الصغيرة,على فكرة هي بالرياض,من بداية ما كتبتي مشاركتك الاولى,وانا اشعر كانها هي اللي بتكتب,الله يرجعها بالسلامة انشالله.
بانتظار مزيد من الاخبار المفرحة.
بالنسبة اللي اليوم في رحلة عند توتومع الروضة,واتصلت عليهم والامور تسير على مايرام,انشالله يروح فرحان.

رد: اهالي الاردن الغالي و فلسطين الحبيبة.......دعوة للتجمع

ما شاء الله حلو ان شاء الله ينبسط

ربنا يرجعلك اختك بالسلامة يا رب

رد: اهالي الاردن الغالي و فلسطين الحبيبة.......دعوة للتجمع

وينكم يا جماعة خبرونا شو اخبار الكتاكيت الحلوين

رد: اهالي الاردن الغالي و فلسطين الحبيبة.......دعوة للتجمع

عزيزتي واحة الامل
الله يجزيك الخير على اهتمامك
انا اردنية مقيمة بالرياض ونفسي اعملهم هون بس مش عارفة وين ابدأ، مين اراجع؟؟ دكتور اطفال ولا نفسي؟؟
كنت قبل هيك بالامارات وما خليت تخصص الا عرضته عليهم كلهم حكولي ما عندو اشي بس انا متاكده انو عنده توحد بسيط
الله المستعان
لم استطع بعث هذه الرسالة على الخاص لانه مشاركاتي لا زالت قليلة

رد: اهالي الاردن الغالي و فلسطين الحبيبة.......دعوة للتجمع


هلا اام محمد حبيبتي

اذا انتي بالرياض

جربتي المركز الجامعي للتوحد لانه فهمت انه مفتوح للجميع السعوديين و الاجانب

اذا تحاليل الفطريات حاولي تشوفي دكتور اطفال او دكتور مختص بالجهاز الهضمي و اطلبيها وان شاء الله تتوفقي

وممكن تنزلي للاردن و تعمليها

اناهون سالت عن التحاليل بشكل عام طلعت غالية و بيبعتوها بره

لكن ام مودة الله يسعدها خبرتني انها عملتها بالاردن بدون مقابل وربنا يشفي اولادنا جميعا ان شاء الله

رد: اهالي الاردن الغالي و فلسطين الحبيبة.......دعوة للتجمع

الله يجزيك الخير على اهتمامك، ولكن انا افضل اعملها هون لانه ممكن نعملها على حساب التامين
اشكر لك تعاونك وجزاك الله خيرا

رد: اهالي الاردن الغالي و فلسطين الحبيبة.......دعوة للتجمع

السلام عليكم اخواتي جميعا
انا ام ابني لديه صفات كثيره من التوحديين عمره سنتين و8شهور عرضته السنه الماضيه على طبيب وقال انه ماعنده توحد وسافرت بعدها الى مسقط ومازالت الاعراض عنده وانا خايفه جدا وقلقه عليه
وسانزل الى الاردن الشهر القادم للاطمئنان على حالته بس للاسف مش عارفه وين اروح ياليت تساعدوني مين افظل دكتور ممكن يشخص الحاله صح مابدي حدا يلعب باعصابي والله اني تعبانه ووحاسه الدنيا سوده قدامي ماعدت اشوف شي حلو بهالحياه
ياريت تساعدوني كيف شخصته اولادكم وايش المراكز اللي راحو عليها واذا في اخصائيين ممتازين بدل الدخول في تجارب ومتاهات مع العلم انه ابني مايتكلم ولا كلمه ولا حتى ماما وبابا فاكيد بحتاج لاخصائي تخاطب
ربي يفرج همكم ويشفي ابنائنا جميعا يالله ياكريم

رد: اهالي الاردن الغالي و فلسطين الحبيبة.......دعوة للتجمع

هلا حبيبتي

خلص شوفي دكتور جهاز هضمي يكون شاطر و ان شا ءالله يتعاون معك لانهانا سالت جدة

وطلعوا بيعملوها بمستشفى عرفان

وبالاردن بدون فلوس حبيبتي لانه الاولاد تحت 6 سنوات تامين صحي شامل
هلا حبيبتي

انا متل وضعك بس ابني اصغر شوي

انتي وين ساكنة ؟ممكن اهل مسقط يساعدوكي؟

انا من خلال ما فهمت من ام مودة و ام اسلام

مكن تعملي التحاليل بالبشير على حساب الحكومة و كمان اوكسي كير اذا جبتي اعفاء من الديوان الملكي هاي اول شغلة

تاني شي في مركز اسمه التدخل المبكر بجبل الحسين بتشوفيه هناك وبيعطوكي تقرير بحالة ابنك و ساعتها هذا التقرير بتاخديه لاي مركز حكومي او خاص


عشان تقرري خطة علاج ابنك

طبعا بالنسبة للمراكز و اخصائين التخاطب ام اسلام حكت بتعطينا اياهم اذا اخدتهم منها ببعتلك اياهم على الخاص

ضل انك تشوفي دكتور اعصاب و دكتور للجهاز الهضمي

خليني اشوف اسماؤهم هلا و بكتبهم

رد: اهالي الاردن الغالي و فلسطين الحبيبة.......دعوة للتجمع

دكتورة الجهاز الهضمي اسمها مها بربر

ودكتور الاعصاب عبد الكريم القضاة

طيعا ارقامهم ممكن تجيبيها من الاستعلامات لما تكوني بالاردن

رد: اهالي الاردن الغالي و فلسطين الحبيبة.......دعوة للتجمع

تسلمي اختي واحه امل على الرد انا من سكان طبربور واهلي برصيفه فراح تكون اجازتي هون وهون وان شاءالله راح اشوف مركز التدخل المبكر بجبل الحسين بس يارب ماتكون الاجراءات طويله وبتاخذ وقت لانه اكيد بكون عليهم ضغط وانا بدي استفيد من كل يوم
وياليت اذا في رقم اخصائيه تخاطب كويسه عشان اتعامل معها
واخصائي الاعصاب ممكن يشخص الحاله
انا هون بمسقط للاسف ماوجدت اي مكان يفيدني حتى تعرفت على اخت عمانيه ابنها تقريبا زي ابني وكانت نفس الشي مش لاقيه حدا يفيدها وهلا قررت تاخذه على دبي عشان يشخصه حالته
انا اخذته هون على طبيب اعصاب بس ماعمله اي شيء غير قال انه لاتحاولي تنفذي طلباته على طول واعطيه فرصه انه يتكلم
وهل بالاردن مافي دكتور خاص يقدر يشخص الحاله نفسي من ثاني يوم انزل اخذه على طبيب واعرف كيف وضعه بالضبط

رد: اهالي الاردن الغالي و فلسطين الحبيبة.......دعوة للتجمع

ان شاء الله بتلحقي ما تخافي

انا متلك عم بجمع معلومات عشان قبل ما انزل اكون مرتبة اموري و اخلص

وان شاء الله ام اسلام رح تفيدك بس تدخل عالموضوع كمان