رد: هل هناك امل ان يتكلم ابني

اخواتي ام التوحد وقلي ضاع معك
اشكركم على مساهماتكم وافيدكم انني لازلت احاول تعليمة ولا تقدم في اللغة حتي اللان والله كريم

رد: هل هناك امل ان يتكلم ابني

انت لم تلاحضى التدهور على ابنك الا بعد سنه ونصف من عمره، انا اعتقد ابنك بدأت معه اعراض التوحد قبل السنة والنصف ولكن بالتدريج...

اذا حبيتى تتابعين مع اى اخصائى تغذية او علاج طبيعى او نفسانى ما راح توصلين لنتيجة للاسف... هذا مو كلامى،هذا الواقع... لكن ممكن للمتخصص ان يسيطر على بعض انواع السلوك الغير مرغوب فيها ولكن بعد بذل الاهل للكثير من الجهد والمال ... اذا تابعتى مع الحكومة ممكن توصلين الى نفس النتيجة بدون خسائر مالية... ارجو ان تتمكنى من معرفة المقويات التى تم استخدامها اثناء فترة الحمل، هل هى فيتامينات وما نوعها بالتفصيل وما تخصص الطبيب الذى صرفها لك؟

رد: هل هناك امل ان يتكلم ابني

شوفي يا اختي
طفلك اكيد في شي يحبه ومتعلق فيه لعبه مثلا او كتاب او حتى حلقات بارني استعملي الاشياء اللي يحبها مثل الحافز في التعليم انا اتبع الطريقه مع ولدي اذا شاف الشي اللي يحيبه في ايدي يسمع الكلام يبي الفكه مني ويقول اللي ابيه منه يعني مكافأه والموضوع محتاج شده شوي منج وممكن اسأل ولدج اي مدرسه يروح وحاليا عطله هل يروح نادي او قاعد في البيت

رد: هل هناك امل ان يتكلم ابني

اختي ام المتوحد
ابني حاليا يذهب الى مركز الخرافي في الصيف وهو مقيد في مدرسة هوب للاحتياجات الخاصة وقد حاولت استخدام طريقة المكافأه معاه فهو يعشق الكيك ولكنه بدلا من الاستجابة يبدأ بالصراخ بصوت عالي ثم يرمي نفسه بالارض ويتركني ويذهب خارج الغرفة حتي الكيك يتركه ومرات قليله تفلح معاه هذه الطريقة

رد: هل هناك امل ان يتكلم ابني

والله انا حابه اساعدك
اول شي مركز الخرافي ترفيهي وما عندهم برنامج لتعليم الاطفال انا اعرفهم ومن زمان مايقصرون بس مودراسه
ثاني شي ولدي بعد في مدرسه هوب عيالنا طلعوا ربع والمدرسه زينه ماعليها كلام
انتي ماشيه على نظام غذائي يعني الكيك عادي والا خاص بالغلوتين فري
بالنسبه حق الصراخ ولدج اذكى منج لانه عارف الطريقه اللي يسيطر فيها عليج يصرخ وتعطينه اللي يبي حاولي اكثر من مره
ولدي يطبق طريقه الصراخ على ابوه يصرخ ويعطيه اللي يبي تصدقين مره يبي يوديه الحلاق وقف بالسياره جان يصرخ ويقول العاب زوجي ماقصر حرك وراح محل الالعاب ورده البيت شنو عطاه فكره غلط والحين انا اللي اوديه الحلاق لانه يعرف ماما ما يقدر يقص علي
هذا ولدج لازم انتي تفهمينه حتى لو ما تكلم ادري صعب بس لازم تطولين بالج
مركز الخرافي دايما يسون ندوات مفيده وورشات عمل حق الاهالي تابعي معاهم
الله كريم

رد: هل هناك امل ان يتكلم ابني

جزاك الله خير اختي ام التوحد انا ولدي اتييله مدرسة امريكية تعلمه سلوك بس اهي مسافرة بالصيف ترجع بعد العيد

رد: هل هناك امل ان يتكلم ابني

اختي انوشا انا قريت انج سويتي علاج الاوكسجين حق ولدج وين وكم كلف وزين والا لا وجربتي العلاج السمعي احنا سويناه وتحسن ولدي
سامحيني طولتها

رد: هل هناك امل ان يتكلم ابني

اختي ام التوحد
انا سويت كورس اوكسجين لابني في الاردن عياده اوكسي كير والحين الاوكسجين متوفر في الكويت في المستشفي العسكري بس تبين واسطه عشان تسجلين ولدج لانه بس حق ابناء العسكريين واحنا ننطر دورنا لعمل الكورس الثاني في اكتوبر ان شاء الله بسبب كثره المراجعين
سؤال لو سمحتي وين سويتوا التكامل السمعي اتمني انه يكون بالكويت وهل سمعتي انه فيه علاج بالنيروفيدباك بالكويت لانني ابي اسوويهم حق ولدي ومو قادره اسافر بره الكويت اسوويهم له بها الوقت لظروف خاصة

رد: هل هناك امل ان يتكلم ابني

مشكوره اختي انوشا على تواصلج معاي ادري اني ازعجتج
العلاج السمعي سويناه مرتين في مركز السمع والاتزان في مصر شوفي موقعهم www.earcarecenter.com اللي معلمهم ومدربهم دكتور امريكي والحمد لله تحسن حتى الدكتوره عبير كانت ماتشجعني قالت كيفج وبعدين لما شافت ولدي قالت ماشاءالله مستفيد من العلاج وكلفنا 500 دينار فبل 3 سنوات
اذا ولدج يسد اذونه لما يسمع الصوت العالي ويصرخ وما يتحمل الاصوات العاليه يعني عنده حساسيه وان شاء الله يستفيد منه
والعلاج اللي بالكويت ان شاء الله بنشوف واسطه ليش نسافر ونتكلف وهو موجود عندنا
والعلاج اللي تسالين عنه ما عرفه والله هو عباره عن شنو علميني الله يجزاج الخير ويشافي وليدج

رد: هل هناك امل ان يتكلم ابني

اختي انوشا توني دورت عن العلاج اللي قلتي عنه وفكرته نفس جهاز اسمه play attentionاللي صنعوه ناسا وانا امس قلت حق زوجي وهو حاليا متواجد في امريكا يشتري لنا واحد وكل عيالي يقدرون يلعبون فيه ويزيد من تركيز الكل حتى الطبيعين بس مادري عن سعره ان شاء الله معقول
انا متحمسه حق اي علاج او طريقه جديده والحمد لله تعبت والله يعلم في البدايه مع ولدي والحين يعرف عربي وانجليزي مع ان المدرسين كانوا يقولون وحدي اللغه لانه ما كان عنده اصلا لغه بس كل البرامج التعليميه بالانجليزي واحنا طبعا لغتنا عربي لما اكلمه او اطلب منه شي اقول باللغتين اذا ما فهم الاولى يفهم الثانيه
يارب ياكريم انت قادر على كل شي ان شاء الله تشوفين ولدج يقرا ويكتب ويسولف ماكو شي على الله بعيد

رد: هل هناك امل ان يتكلم ابني

مشكوره اختي ام التوحد على تواصلج جهاز النيروفيد باك دخلى على اليوتيوب اقري عنه هو يقوم باصلاح الاشارات التي تصدر من المخ ويعدل الكهربا في المخ للي عندهم كهربا زايده انا قريت عنه وايد متوفر في الاردن في عياده اوكسي كير وبعد في البحرين يا ليت تدخلين قسم تجارب الاهل وراح تلقين موضوع منفرد عنه باسم يوميات محمد مع نيروفيدباك وراح ادور بالنت عن الجهاز اللي قلتي لي عليه يا ليت تحطين لي الرابط عشان اشتريه لولدي play attention

رد: هل هناك امل ان يتكلم ابني

اللهم يامن انطقت عيسى في مهده انطق ابن اختي انوشا عاجلا غير اجلا

انا ابني كان كذلك لكن الان بداء بنطق بعض الكلمات ان لنا رب كريم ورحمته وسعة كل شئ فالجئ اليه قبل كل شي

رد: هل هناك امل ان يتكلم ابني

شكرا اختي وبشر الصابرين الله يتقبل منك ومن الجميع اللي دعوا لابني آمين

رد: هل هناك امل ان يتكلم ابني

الله يشفي ولدك ويبرد قلبك وما يضيع التعب

رد: هل هناك امل ان يتكلم ابني

شوفي اختي انوشا انا دورت وقريت وكونت فكره على قدي النيروفيدباك اللي تقولين عنه فكرته وطريقته نفس الجهازplay attention بس الفرق الاول واير والثاني خوذه وكلها لعبه لزياده التركيز بس بكل بساطه
انتي تقولين يقوم باصلاح الاشارات التي تصدر من المخ ويعدل الكهربا الزايده شلون هي مجرد لعبه بس الامريكان ما خلو شي لعبه بواسطه التركيز فقط لا غير
العياده اللي في الاردن انا قريت ان سعرها للجلسات 2700 اردني والبحرين 350 دينار شنو هالتفاوت بالاسعار
على فكره الجهاز موجود في الرياض في مركز تنميه الانسان ويسون الجلسات وهذا موقعهم www.hdc.com.sa
والموقع اللي احنا نبي نشتري منه وكلمهم زوجي www.biof.com بس السعر موشويه النظام سعره 1800 دولار والبرنامج الواحد ب 400 دولار وافتكر انه عده برامج او مراحل مادري انا قلت له لا يستعجل ويدور زياده كل شي عندهم مراكز وبرامج وعيادات واحنا لنا الله