رد: تطورات ياسمين مع بداية العام الثالث

برافو حبيبيتى ياسمين هيك ماباكل هم الافراح انت وبناتى بتزغردوا وندى بتهنهن وعدنان رقيص دبكه ومولوليه صرنا كادر افراح متكامل عقبال ماتصورك ماما وانت بتهزى وسطكاو بترقصى باليه امين يارب
ام ياسمين ماشاء الله عليها متل القمر بس مسكينه باين عليها الانفلونزا وكم احزن حينما ارى دموعهم تنهمر من شده اصابتهم بالانفلونزا ربنا يشفيها يارب

رد: تطورات ياسمين مع بداية العام الثالث

ألف شكر لكم جميعا

مع بداية العام الثالث أحسست بالفرق بتطورات ياسمين
أصحبت تطالب بحقها في دورها باللعب
وترفض أن تأكل تسنيم طعامها
وبدأت تشد الكنبة في محاولة للوقوف
اضافة الى خروج بعض الكلمات الغير مفهومة المعنى
ولكن واضح أنها تحاول تكوين جمل حيث تنطق 3 كلمات مختلفة ورى بعض
جاري ترجمتها هههه هههه

رد: تطورات ياسمين مع بداية العام الثالث

ما شاء الله على ياسمين الحلوة ...ربنا يخليها يا رب وتملي عليك البيت شقاوة

رد: تطورات ياسمين مع بداية العام الثالث

تسلمي يا أم مي
شو هالميوش الحلوه
بسم الله ما شاء الله
وكمان لابسه أحمر
صار بدها خرزة زرقا

اللهم احفظ أبناءنا واحميهم من كل مكروه

رد: تطورات ياسمين مع بداية العام الثالث

ربنا يحميها لسه الخير لقدام بكره شوفي تسنيم ستصبح المظلومه من ياسمين
وعقبال الركض ترى بدنا التحلايه ام ياسمين بس ها مااسمعك عم تولوى من وراشتها الله يحميها لانه بعد ماتمشي وتركض رح تعملى سباق جري وراها بكل لحظه لانها ستبدأباكتشاف العالم من حولها انا عدنان لسه لحد الان ماانتهى من الاكتشاف وصل لاكتشاف الخزن العلويه بغرفته وفوق خزن المطبخ وربنا يستر من الى بعده ههههههههههههه

رد: تطورات ياسمين مع بداية العام الثالث

الله يسعدك يا أم عدنان قديش بكون سعيدة لما بقرأ عن حركات عدنان
ربنا يحفظه ويحميه
يا ستي تخرب زي ما بدها المهم تدرك شو بتعمل وما تأذي حالها
لحد الآن ولله الحمد ادراكها جيد

في جلسة الأسبوع الماضي بسيدة السلام
حطتلها الدكتورة لوح عليه اسطوانات وفوقهم حلقات
على أساس تشوف بتعرف تطلع الحلقات وتدخلهم
فياسمين ما قصرت طلعتهن وبعدين صارت ترجعهم
ولما تتعبي حلقة ترجع تشيل منها وتحط بيلي جنبها
لحد ما عملتهم قد بعض ... الدكتورة استغربت
بدكم الجد وأنا كمان... انا ما علمتها هالتمرين ولا بعرفه أصلا
بعد شوي حاولت ياسمين تتناول لعبة من أمام اللوح فكانت الاسطوانة بجانب عينها
والدكتورة خافت عليها تقلع عينها... لكن ياسمين رجعت ولفت حالها جانب الاسطوانة وأخذت اللعبة
فكانت تصرفاتها بتدل على ادراك ووعي ولله الحمد

اليوم ياسمين بتميز الضوء لما يضوي
صارت بتعرف اذا قربنا ايدنا على كبسة الضو
فبترفع راسها للسقف تستنى الضو

هاي آخر أخبار تطورات ياسمينتي

اللهم احفظ أبناءنا واحميهم من كل مكروه

رد: تطورات ياسمين مع بداية العام الثالث

ماشاء الله ربنا يحميها والله ياام ياسمين كل مابيكبروا بستغربي من تصرفاتهم الى بدل على ذكاء وبتفرحى اكتر هذا الشعور دائما احس به
ربنا يفرحك بتطوراتها اكثر واكثر ونحن بانتظارك هنا بسوريا لاحظى بتقبيلها

رد: تطورات ياسمين مع بداية العام الثالث

ماشاء الله عليهااا ياسمين وان شاء الله للأحسن يارب

ام الزغاريد ماشاء الله عليهااا

ان شاء الله مع فرحة اليبيين بتقوم ترقص وتنط ياااااااارب

بوسة كبيرة مني للغلا ياسمين

رد: تطورات ياسمين مع بداية العام الثالث

يا حيا الله أم أحمد
نوَّر المنتدى بوجودك
طمنينا عنك ... والله انت عالبال عزيزة وغالية

رد: تطورات ياسمين مع بداية العام الثالث

المطلوب من ياسمين بحصة هالأسبوع صعب شوي

1. توصف كبير بفتح يديها بأقصى حد
2. ترسم دائرة
3. تسحب نفسها لوضع الوقوف
4. تنفذ ثلاث أوامر مع بعض

حاسه انه ما رح نقدر ننجز هالمهمة خلال أسبوع
ادعولنا

رد: تطورات ياسمين مع بداية العام الثالث

انت قدها يا ام ياسمين ان شاء الله اخر الاسبوع بتطمنينا انها نفذتهم

رد: تطورات ياسمين مع بداية العام الثالث

ان شاء الله بتقدر تسويهم كلهم خلال اسبوع
خلي املج بالله كبير وان شاء الله بتقدر

الله يوفقهااا

رد: تطورات ياسمين مع بداية العام الثالث





وعليكم السلام ورحمة الله وبركاته


ماشااااء الله على ياسمينتناا الرااااائعه تطورات مفرحه

الله يحفظها ويبارك فيها ويسعد قلبك بها دائماااااااا

وعقبال ما تفرحينا بتخرجها من الجامعه بامتيااااز


الله يسعدكم بها وبكل الاطفال الراااااائعين

رد: تطورات ياسمين مع بداية العام الثالث

رد: تطورات ياسمين مع بداية العام الثالث

يــــ رب ـــــا
التمارين مش سهلة وبدها تكرار ... ووقتي مع ياسمين ضيق
وهالتمارين ما بيصير أعتمد على اخوانها فيهم مثل التمارين الثانية
من رحمة ربنا انهم متوقعين الخميس ثلوج
يعني ما رح نروح الدرس
وهيك بيصير معنا فرصة أسبوع اضافي

الله يقدرنا وتتمكن منهم