رد: مراكز علاج التوحد بالرياض

هلا فيك اخوي ابو بدر بين اخوانك في هذا المنتدى المبارك
بالنسبة للمدارس فيه مدارس عدة ولكن تحتاج الى متابعة منك لهم في مدى استجابة واستفادة ابنك معهم ولذا مسألة البحث عن مدرسة مناسبة لاطفالنا تكاد تكون اكبر العقبات التي تواجهنا معهم ولكن ممكن اذكر لك مدارس على سبيل المثال
بالامكان اخذ طفلك لمركز التشخيص المبكر للاطفال وهو موجود في شرق الرياض
وفيه مراكز اهلية اخرى منها على سبيل المثال مدارس المئوية - النخيل - الخزامى - تنمية الانسان - بسمة امل
وبالنسبة لارقام هذه المدارس لا اعرفها ولكن بامكانك اخذها عن طريق الاستعلامات
وفق الله الجميع لكل خير

رد: مراكز علاج التوحد بالرياض

كم عمر ابنك وهل تبحث عن دوام كامل او مراكز عاديه جلسات تعديل سلوك وتخاطب

بالنسبه لي بنتي صغيره اقل من ثلاث سنوات ذهبت لمركز تنمية الانسان وماقبلوها لانها صغيره ولكن الدكتور ماشخصها توحد بس اللي اعرفه ان عندهم نظام كامل في الصباح دراسه مكثفه

ثم ذهبت الى مراكز عاديه تعطي جلسات بالساعه لكن تدفع مابين 250الى300 واطلع وبنتي ما استفادت اي شيء تبكي طول الوقت

في الفتره الاخيره من رمضان اوديها مركز والدة الامير فيصل جلسات بس مو دراسه كامله يعني جلستين في الاسبوع ساعتين ما استفادت منهم شيء استاذن من عملي واطق مشوار على الفاضي مدري حسيت ما عرفوا كيف يدخلون لبنتي لانها ترفض التدريب نهائيا
لكن سجلتها في نفس المركز في المسائي تاخذ بروضو جلستين في الاسبوع واحس انه افضل بعض الشيء من الصباح لكن الى الان بنتي تستجيب معي في البيت معي افضل من المركز توها بدت تسجيب انها تجلس بس تبكي اقل من الاول

افكر الفصل الدراسي الثاني اسجلها مدرسه صباحا دوام كامل بس لسى ما لقيت المكان المناسب لسنها

سمعت عن مركز عزام وعجبني بس انه بعيد مره عني في عليشه

وسمعت عن مركز ثاني اسمه عين الفرس للتدخل المبكر بس لسى مو متأكده منه

وفيه مركز بس ناسيه اسمه ابسأل وانزل الاسم هذي كلها للي اقل من ثلاث سنوات تدخل مبكر

وسمعت ايضا عن الاكادميه بس ما اعرف عن التجارب مافيه احد جرب لان المشكله تدفع مبالغ قد تصل ثلاثين الف وفي الاخير ماتعرف مدى الاستفاده مشكله

رد: مراكز علاج التوحد بالرياض

ملوكي ياخذ جلسات بالرياض في مركزوالدة فيصل بن فهد مساء
والصباح ان شاء الله اذا سكنت الرياض ادور له مدرسه وياليت تنزلون كل مدرسه والرقم
اللهم اشفي مالك واحلل عقدة لسانه وكل مريض

رد: مراكز علاج التوحد بالرياض

اعزائي انا ابني مسجلته في مركز الاكاديميه العربيه للتربيه الخاصه موجود في المعذر على طول قبلوا ولدي اول السنه الدراسيه وعندهم تدخل مبكر

حتى للي اعمارهم سنتين ويوميا يروح الصبح زي المدرسه وماخذين ولدي ب29 الف فالسنه بالباص والاستفاده يعني نوعا ما كويسه بشكل بسيط

والحمد لله واللي قالتلي عليه ام طفل توحدي ولكن ماشاء الله شفت ابنها يمكن عمره 8سنوات ولكن تبارك الله يتكلم وينتبه حالته شكلها اساسا بسيطه واضح

رغم انها قالتلي انه وعمره 5 سنوات مايدبر شي والله اعلم

رد: مراكز علاج التوحد بالرياض

المركز الجامعي لأبحاث وعلاج التوحد ومجاني

رد: مراكز علاج التوحد بالرياض

ابو محمد بارك الله فيك ممكن نبذه عن المركز والخدمات اللي يقدمها والفئات التي يستقبلها وكيفية التسجيل واي معلومات اخرى وجزاك الله خير