تويت
ومن الشجر ما قتل
عارفين إنتوا إن حبوب اللقاح بتنتقل أثناء عملية التكاثر في النباتات
سواء عن طريق الرياح أو أقدام الحشرات و الطيور
بس بالنسبة للشجرة دي العملية بتتم بشكل تاني
العصفور بيقوم بعملية الإخراج و بيتخلص من البذرة أثناء العملية
فالبذرة بالتالي بتبقي علي ورق أي شجرة عالية في الغابات الاستوائية
بدلاً من وضعها الطبيعي في التربة
تمام كدة؟
فسبحان الله الشجرة بدل ما تنمو من أسفل بتبدا في النمو من أعلي
نشرح بالصور بقي
البذرة الموجودة علي الورقة تبدأ في النمو
و بتكون النبتة اللي شايفينها علي الغصن في الصورة رقم 1
في الصورة رقم 2 حتلاقوا إن النبتة بدأ يظهر لها جذور
و الجذور تفضل تنمو من أعلي إلي أسفل حتي تصل لسطح الأرض
و تتغلغل فيه للحصول علي الغذاء و الماء و الأملاح اللازمة لإستكمال نموها
في الصورة رقم 3 يبدأ طور جديد في نمو النبتة بحيث تنمو عروق قوية لها
و بعدين سبحان الله العروق تفضل تلتف علي جذع الشجرة الأصلية
اللي نمت النبتة علي غصنها لحد ما تخنقها و تقتلها و تأخذ مكانها
يعني لازم حد يقبض عليها خطف و قتل و انتحال شخصية و كله حتي في الشجر
دي بقي مجموعة الصور لشكل الشجرة من عدة زوايا.
فعلا و من الشجر ما قتل
سبحان الله
تعليق