السلام عليكم ورحمة الله وبركاته

انا ولد .. عمري 16 وبدخل 17 قريب
أعاني من تأتأة , لكن مو قوية مرّة .. احياناً اكون اسولف وكذا بدون ما اتأتىء ابد .. بس تكون على خفيف يعني
بعض الكلام وأنا أسولف واتكلم , بنفس الوقت وانا انطق كلمة بأقولها , الاحظ انها صعبه في النطق .. استبدل الكلمة بمرادف لها بسبب أن الكلمة عجزت او صعبت علي .. ودائماً اتورط , ابدل كلمة واجيب العيد مع أمي وأبوي.
في المدرسة .. لما أسمع قرآن ولا نصوص .. مصيييبه !!
اتأتى واعرّق ويرتبك التنفّس عندي .. بعد ما أسمّع , احس نفسي بذلت مجهود كبير !

خفّت التأتأة عن اول بكثير .. وحاليًا لما احد يكلمني واجي ارد عليه
أخذ فترة كذا لما ابدأ اتكلم , بسبب أني تلعثمت في البداية ولا قدرت أخرج الحروف.
والموقف وقتها يكون محرج .. لأن اللي قدامك جالس يتفرج عليك وانت تحاول تخرج الكلمة بس مو قادر ,
وينتظر .. وبعض الأحيان يغير من وضعية الإنصات مثلاً .. وينشغل بشيء , وانا لسة احاول اخرج الكلام.
أختي الصغيرة قامت تتكلم علي حتى.
مدري عندي إحساس أن بإمكاني أصير شيء كبير في المجتمع , وأصير إجتماعي جداً بين أصدقائي واولاد عمّي.. وأصير شخصية مؤثرة في المجالس وغيرها, بس :( .....

محتاج لمساعدة ولو فيه اخصائي او مستشفى في السعودية / الخبر .. ياليت تنصحوني.
شاكر لكم ومقدّر لكم جهودكم.