التسكع بالشوارع افضل وسيله تعليميه للتخاطب مع محمود
الكل يعلم ان محمود حفظه الله راح الحضانه بيمشي الساعه 7 وربع صباحا والمفروض لو هيرجع في الباص يرجع لي 2 ونصف بس قلبي ما يطاوعني اتركه فتره طويله
بروح اخده اوقات واوقات اجمد قلبي
لما ارجع به من الروضه تعالوا شوفوني وكاني طفله بالشارع معايا الاستاذ باشا نمشي مره بسرعه وااقول علي مهلك امشي وبراحه ومره ااقول بسرعه
ساعه الا ربع نكرر ما نراه وقفنا مره شفنا جمل جالس وبياكل امام محل الجزار وصاحبنا محمود الا يقف ويحاول يقرب منه بس خفت عليه والاغرب كل عيال الشارع اجتمعوا يتفرجوا بس بدون اهلهم وانا الطفله الا واقفه معاهم شيء مكسف طبعا
بس ولا يهمني هو الجمل بنشوفه حي فين يا جماعه ده بالحديقه الحيوانات الي بينا وبينها 4 ساعات سفر ورسوم دخول وبهدله وده ببلاش اتفرج وشوف يا سلااااام
ربنا هدي محمود وتركنا الجمل ومشينا وعلي مزلقان السكه الحديد لقيت الاشاره شغاله وصوت الجرس واستعدادات القطار للوصول قلت بعقلي يالا نتعلم
الطريق بسلسله جنزير معلقه تغلق الطريق والمفروض نلف نعبر طريق صغير بس قلت وليه يعني وماله نعلم محمود كلمه نط وارفع رجلك وعدي منها تمرين القفز وبنفس الوقت كسرنا قواعد المشي بالتزام معلش الكل بيمشي زينا لسه هنمشي يالا فطوا وبسرعه
وااقول توتو توت القطار جاي وطلعنا فوق علي الانتظار نستني القطار من بعيد
ق ط ر واكرر محمود القطر قول قطر تعالي يا قطر وكرر ونادي بصوت عالي وهكذا اشجعه يلوك ويزعق
ننتظر ونشوفه جاي ويقف ينزل الناس ويمشي ولما يختفي من ابصارنا الله يعيني علي اقناعه نكمل مشوارنا ونروح وربنا يكرمنا بعربيه كارو وحصان واقف بيريح ونادي حصان تعالي
والتوكتوك ياتوكتووووووك تعالي
الاظرف ان محمود غاوي منظره مع كل موقف يقولي صوريني
بنحرج اصوره واوقات اعمل نفسي بتكلم بالتليفون واصوره بالخباثه
محرجه من الناس هيقولوا دي سائحه لا طبعا هيقولو مجنونه بس واي يعني اتجن اتجن
نسيت ااقولكم لما بنلاقي مطب بالشارع نقول هوب يالا اطلع
مطباتنا عجيبه امام كل محل كل واحد باني قبر قدامه
لنتعلم الالوان بدخل كل مره علي محل ابن عمي لبيع الزهوور
نشوف الورد ونساله الوانه
امام محل فراخ يتفرج بالاقفاص عليههم
القطار انظف قطار ربنا يكرمنا نتجول داخله بس انا خوافه جدااااااااا
هنا فوق المطب ويافضايحي بوسط الشارع لازم اصوره
الصبح وهو نازل يركب الباص للحضانه
اتفضلوا شوفوا محمود
نسيت ااقولكم ان جلسه التخاطب ب30 جنيه غير المواصلات والذي منه ووقت يضيع بالانتظار للدور
جلسه التخاطب ربع ساعه
ياتري اساوي كام بهذه الجلسه ههه
شكر خاص جداااااااااااااااااا للاخت الفاضله امتنان المراقب العام علي تعاونها بانزال صور محمود بالمنتدي ربنا يبارك لها
نسيت ااقوكم برجع من الجلسه ريقي ناشف وصوتي مبحوح
ملحوظه الصور الحيه للاشياء بتكون فرصه لاسترجاع المعلومات
لما بنرجع بفرجه علي الصور ونسترجع جولتنا
في صور لو نزلت هتقرروا عمل جلسات سياحيه اقصد تخاطبيه عندنا
ولدواعي امنيه لعدم كشف المنطقه التي نقطن بها قررنا حذف ومنع صور لانها مخله لسياسه امن النظافه والاهتمام بتوسيع الطرق وادميه حق الاطفال متلازمه داون بالمشي علي رصيف والاصطياد بالمجاريان شاء الله الاحوال هتتغير والثوره هتغير كل شيء من الوحش للاجمل ان شاء الله
دعواتكم
الكل يعلم ان محمود حفظه الله راح الحضانه بيمشي الساعه 7 وربع صباحا والمفروض لو هيرجع في الباص يرجع لي 2 ونصف بس قلبي ما يطاوعني اتركه فتره طويله
بروح اخده اوقات واوقات اجمد قلبي
لما ارجع به من الروضه تعالوا شوفوني وكاني طفله بالشارع معايا الاستاذ باشا نمشي مره بسرعه وااقول علي مهلك امشي وبراحه ومره ااقول بسرعه
ساعه الا ربع نكرر ما نراه وقفنا مره شفنا جمل جالس وبياكل امام محل الجزار وصاحبنا محمود الا يقف ويحاول يقرب منه بس خفت عليه والاغرب كل عيال الشارع اجتمعوا يتفرجوا بس بدون اهلهم وانا الطفله الا واقفه معاهم شيء مكسف طبعا
بس ولا يهمني هو الجمل بنشوفه حي فين يا جماعه ده بالحديقه الحيوانات الي بينا وبينها 4 ساعات سفر ورسوم دخول وبهدله وده ببلاش اتفرج وشوف يا سلااااام
ربنا هدي محمود وتركنا الجمل ومشينا وعلي مزلقان السكه الحديد لقيت الاشاره شغاله وصوت الجرس واستعدادات القطار للوصول قلت بعقلي يالا نتعلم
الطريق بسلسله جنزير معلقه تغلق الطريق والمفروض نلف نعبر طريق صغير بس قلت وليه يعني وماله نعلم محمود كلمه نط وارفع رجلك وعدي منها تمرين القفز وبنفس الوقت كسرنا قواعد المشي بالتزام معلش الكل بيمشي زينا لسه هنمشي يالا فطوا وبسرعه
وااقول توتو توت القطار جاي وطلعنا فوق علي الانتظار نستني القطار من بعيد
ق ط ر واكرر محمود القطر قول قطر تعالي يا قطر وكرر ونادي بصوت عالي وهكذا اشجعه يلوك ويزعق
ننتظر ونشوفه جاي ويقف ينزل الناس ويمشي ولما يختفي من ابصارنا الله يعيني علي اقناعه نكمل مشوارنا ونروح وربنا يكرمنا بعربيه كارو وحصان واقف بيريح ونادي حصان تعالي
والتوكتوك ياتوكتووووووك تعالي
الاظرف ان محمود غاوي منظره مع كل موقف يقولي صوريني
بنحرج اصوره واوقات اعمل نفسي بتكلم بالتليفون واصوره بالخباثه
محرجه من الناس هيقولوا دي سائحه لا طبعا هيقولو مجنونه بس واي يعني اتجن اتجن
نسيت ااقولكم لما بنلاقي مطب بالشارع نقول هوب يالا اطلع
مطباتنا عجيبه امام كل محل كل واحد باني قبر قدامه
لنتعلم الالوان بدخل كل مره علي محل ابن عمي لبيع الزهوور
نشوف الورد ونساله الوانه
امام محل فراخ يتفرج بالاقفاص عليههم
القطار انظف قطار ربنا يكرمنا نتجول داخله بس انا خوافه جدااااااااا
هنا فوق المطب ويافضايحي بوسط الشارع لازم اصوره
الصبح وهو نازل يركب الباص للحضانه
اتفضلوا شوفوا محمود
نسيت ااقولكم ان جلسه التخاطب ب30 جنيه غير المواصلات والذي منه ووقت يضيع بالانتظار للدور
جلسه التخاطب ربع ساعه
ياتري اساوي كام بهذه الجلسه ههه
شكر خاص جداااااااااااااااااا للاخت الفاضله امتنان المراقب العام علي تعاونها بانزال صور محمود بالمنتدي ربنا يبارك لها
نسيت ااقوكم برجع من الجلسه ريقي ناشف وصوتي مبحوح
ملحوظه الصور الحيه للاشياء بتكون فرصه لاسترجاع المعلومات
لما بنرجع بفرجه علي الصور ونسترجع جولتنا
في صور لو نزلت هتقرروا عمل جلسات سياحيه اقصد تخاطبيه عندنا
ولدواعي امنيه لعدم كشف المنطقه التي نقطن بها قررنا حذف ومنع صور لانها مخله لسياسه امن النظافه والاهتمام بتوسيع الطرق وادميه حق الاطفال متلازمه داون بالمشي علي رصيف والاصطياد بالمجاريان شاء الله الاحوال هتتغير والثوره هتغير كل شيء من الوحش للاجمل ان شاء الله
دعواتكم
تعليق