اخي وكسلر ،،
ابني عمره سنه ونصف يعاني من سمات توحد ،، حاليا بدات معاه جلسات تدخل مبكر 15 جلسة في الاسبوع عند اخصائية ،،
سوالي مالذي يمكنني عمله او تدريبه عليه في المنزل بجانب الجلسات ،،

تواصله البصري تحسن الى جيد معي ولكن يظل بسيط مع الاخرين
لا يقول كلام موظف ، يقول مقاطع وكلمات مثل بابا وماما ودادا ووييي(الزحلاقية ) ويايا(المرجحانه) وجيي و اسم اخوه الكبير ،نمنم(الوحيدة اللي يقولها للأكل ) اذا كان امامه فقط ..
يعرف يركب التركيب ، ويلعب كورة (يشوتها ويمشي وراها)- يعرف يمسك المرضاعة لوحده وياكل ويشرب بنفسه ،
يفهم بعض الكلام مثل لو قتله "تعال ارويك صورة في الجوال يجلس في حظني ينتظر يشوف الصور"
يسكر الليت - يذهب للحمام قبلي لو قتله تبي تتسبح ،، صفق يصفق (هاذي هالاسبوعين عرفها عدل عدل)
يلعب خشيشه - يخبا وادور عليه ،، هذا معظم اللي يعرفه ،،

هو متعلق فيني فديته،، اوضح مشكلاته تاخر اللغة خاصه انه يعرف كيف يقول الكلمه ولكن لم يوظف اي منها ،، تواصل الاجتماعي الظعيف ، يعني افضل شي يطلع منه ابتسامه وبيشوف الاطفال اللي يلعبون ، وبس


وشكرا اخي وكسلر مقدما