باركولي وهنوني ياجماعة اليوم اول مرة سمورة يفاجئني بدخوله للغرفة وهو حامل كاسة المي ويشرب لحاله وربي انها فرحة لا توصف بعد تعب كبير وجهد شديد واعوام من التدريب والاصرار اخيرا عملها وقدر يحمل الكاسة بنفسه ويشرب من بعد ماكان رافض حتى يلمسها ووقت كنت اغصبو يحمل الكاسة كانت تصيبو حالة من الصراخ والنكد وكانه كان يتحسس منها لدرجة انه كان لو طلع بايدو يرميها ويكسرها ولا يهتم
ربنا كبير ياناس هي الفرحة اجت من بعد نكسة وكسرة خاطر من احد اقاربي والله مبارح نمت بدموعي وانا بدعي ربي يجبر بخاطري من بعد الي حصل كنا بحفلة لوحدة من العيلة وصدفت جلستي بجنب وحدة من قرايبي وكان بحضنها ابن بنتها وسامر بحضني سامر بدون قصد مد ايدو على الطفل وماكان يقصد ايذائة فهو ليس بالعدواني تفاجئت فيها بتمسك بايد سمور وتبعدها بطريقة وكأنها قرفانة منه وبنفر وقلة انسانية بتحكيلو ابعد عنه من داخلي حسيت بركان بينفجر فيني بس التزمت الصمت ومسكت سامر عنهم بعد شوي كمان مرة ما اتبهت طلع ايدو وحاول مرة تانية يمسك الولد الله وكيلكم ماشفتها غير بتصرخ عليه وكانه اجرم بابنهم وكانه سيح دمه حملت سامر وطلعت من الحفلة مكسورة الخاطر ونمت بدموع عيوني وطول اليوم من قهري عليه وحزني صابني اكتئاب شديد لكن ربنا كريم حب يجبر بخاطري بهي الخطوة من سمور من بعد تعب وجهد الحمد لله عوضني خير
الحمد لله الحمد لله الحمد لله
الامل في الله كبير ان يشفيه ويشفي جميع اطفالنا